اليوم جبتلكم حلوى تقليدية هي مقروط الكوشة (نتاع الشرق الجزائري) اللي ديرو أمي ربي يطول عمرها كل عام من سنين طويلة
مقاديرالعجينة.:
* 3 كيلات سميد متوسط انا إستعملت سميد عمر بن عمر (يجب إختيار نوع سميد اللي يشرب الإيدام باه يجي المقروط طري و مبسس)
*1 كيلة سمن ذائب و بارد
*ملح
*ماء + ماء الزهر حسب الحاجة
مقادير الحشو:
*الغرس + القرفة + ماء الزهر
نخلط السميد + السمن + الملح مليح مليح مليح (بحركة تشبه فتيل الطعام) ثم نضيف الماء + ماء الزهر بلا ما نعجن حتى تصبح سهلة التشكيل كيما في الصورة
نبداو نشكلو الحرابيش كيما في الصورة
بعد ذلك نمدد الحرابيش بالضغط على الجوانب حتى الحصول على الشكل المطلوب
هاذو الطوابع اللي إستعملتهم
نحط المقروط في السنيوة بشكل متلاصق باش ما يكحالش الغر س
نحط السنيوة في الكوشة على درجة حرارة متوسطة و كي يطيبو من تحت نشعلهم من فوق حتى نتحصل على اللون الذهبي و نخرجهم من الكوشة و نخليهم يبردو
بعد ما يبردو نعسلهم في عسيلة دافئة
عسليهم مرة أولى ثم عند التقديم عسليهم للمرة الثانية و إذا حبيتي رشي عليهم الجلجلان
تقدري أيضا تحطيه في الكونجيلاتور و كي يكونو عندك ضياف خرجيه ساعة على الأقل من قبل و خليه يدفا في درجة حرارة الكوزينة و رايحة تشوفي باللي يولي خير من قبل
و هاوليك المقروط نتاع يما العزيزة
جربو هذا المقروط و ما رايحينش تندمو إن شاء الله
صح عيدكم
الله يبارك هايل و خدمة متقونة ربي يخليلك الميمة ان شاء الله شكرا على الوصفة
بارك الله فيكي اختي
ما شاء الله ربي يسلم هادوك اليدين
ربي يخليهالك و يعينك على برها يا رب
|
المشاركة الأصلية كتبت بواسطة أم عبير
 الله يبارك هايل و خدمة متقونة ربي يخليلك الميمة ان شاء الله شكرا على الوصفة
|
يعطيك الصحة و ربي يحفظك
صح عيدك
الله يبارك و ربي يحفظلك يماك
مممممممممممممم روعة روعة روعة يهبل يهبل ماشاء الله عليها ربي يخليلها صحتها يارب
ويعطيها الصحة و سلميلي عليها بزاف قلها أم أنس تسلم عليك بزاف وراه مقروطك أدالي عقلي بارك الله فيك
وربي يبارك في الوالدة
بارك الله فيك
امممممممممممم ما شاء الله
خرج روووووووووعة واكيد بنين
ربي يخليهالكم ويطول عمرها
انا عندي سميد بوزيان متوسط نقدر ندير به
|
المشاركة الأصلية كتبت بواسطة تسنيم مسلمة
ما شاء الله ربي يسلم هادوك اليدين
ربي يخليهالك و يعينك على برها يا رب |
آمين يعطيك الصحة
macha2allah
ya3tiha sahha
allah ybarek fiha w yahfedhalkom inchallah
الله يحفظلك امك العزيزة
يا اختي شهيتوني هه
ماشاء الله باين بنين بزاف
نحب المقروط بانواعه لكن تع الكوشة جامي جربتو مالقري يجي بنين بزاف
شكرا
