السلام عليكم و رحمة الله و بركاته
اقدم لكم اليوم طريقتي في معجون و صوص الفراولة سهلة و لذيذة
نغسلو الفراز مليح بماء فيه قطرات خل و بعدها ماء و نقطعوه و نوزنوه
نصف وزن الفراولة تكون سكر
نخلطو السكر مع الفراولة و نخليوها في الثلاجة لعدة ساعات
بعد ساعات الفراولة راح تطلق الماء تاعها ، نطيبوها فوق نار قليلة حتى تعقد
اذا حبيناها معجون نخليوها تثقال ، جيدة للفطور مع الخبز او الكريب ، و ايضا للصابلي و الحلويات
اما اذا حبيناها صوص نخليوها خفيفة جيدة للتحليات و الايسكريم و الباتيسري
نحطوها في برطمانات زجاجية معقمة بالغلي في الماء لمدة 30 دقيقة نحطو منديل على الجوانب لمنع الاصطدام
نغلق البرطمان ببلاستيك غذائي ثم بالغطاء غلق جيد و نعقموها مرة اخرى بغليها لمدة 30 دقيقة و نضع قطعة قماش أسفل القدر لمنع تحرك البرطمان
و هاذي النتيجة شوفو اللون ما أحلاه بدون ملونات صناعية و لا مواد حافظة
ملاحظة
نزيل الرغوة من الفراز اثناء الطهي
المعجون يخبأخارج الثلاجة في مكان جاف و بارد قبل الفتح و في الثلاجة بعد الفتح
في امان الله
شكرا حبيبتي زينب وبارك الله فيك على المجهود رائعة ولونها ماشاء الله يشهي هده نديرها ولو مايحبش نعملها صوص اممم سخفتني يعطيك لهنا حقا انا فسدلي الميزان كسروهولي لولاد نقدر نعبر بالكاس واحلى تقييبم لاحلى زنوبيا على قولت ام هديل
طريقة مميزة ورائعة ربي يبارك فيك
ربي يبارك فيك اختي زينب
وصفاتك رائعة وتعجبني المراة الفحلة
بارك الله فيك
وفيكم بارك الله الله حبيباتي
لي ماعندهاش ميزان تعبر عادي باي حاجة المهم السكر يكون نصف كمية الفراز
موضوع رايع ما شاء الله ربي الله يديم عطائك و يجعلها في ميزان حسناتك
حبيت نسقسيك انا ما عنديش ميزان و اذا درت بالكيل ما يخرجش خاطر السكرو الفراز ماش نفس الحجم بلاك ندير السكر تاع الحجرة خير واش رايك اختي زينب؟
|
المشاركة الأصلية كتبت بواسطة amira43100
 موضوع رايع ما شاء الله ربي الله يديم عطائك و يجعلها في ميزان حسناتك
حبيت نسقسيك انا ما عنديش ميزان و اذا درت بالكيل ما يخرجش خاطر السكرو الفراز ماش نفس الحجم بلاك ندير السكر تاع الحجرة خير واش رايك اختي زينب؟ |
شوفي حنونة كوب سكر فيه 200 غ و الفراز مي تشريه أكيد راح يوزنو البائع و يقولك الميزان ، نقصي 200 غ تاع الحبات الفاسدة من لحساب و احسبي عادي ان شاء تكوني فهمتيني
الله يبارك رووووعة
ونفس طريقتي ويجي اممممممممم ويحافظ على ريحتو الزاكية
دمتي متألقة حبيبتي
هايل نفس طريقتي الله يعطيك الصحة
بارك الله فيك شكرا على الوصفة
benti zineb ya3tik saha ya l abeille li tmdi ila 3ssele
بارك الله فيك والله لفكرة مليحة وجيدة وعجبتني بزاف تع صوص فرولة بصح مفهمتش كيفاش نطيب اقصد صوص غير تغلي شوية نحيها وسؤال اخر نطحنها ولا نخليها هاكك
ونخبيها في المجمد ولا كيفاش وشكرا جزيلا لك
بوركتي حبيبتي زينب على المجهودات ف ميزان حسناتك ان شاء الله