السلام عليكم
حبيت اليوم نقدملكم وصفة صحية و لذيذة و اقتصادية
كنت قريت موضوع الاخت ميميشة اللي نقلاتو على الاخت ياسمين 77 عن كيفية صنع الرب بضم الراء
تبعت الخطوات اللي دارتها و درتلها بعض التغييرات و النتيجة فعلا كانت مليحة عجبتني و عجبت زوجي و الاولاد
راهم قضاو عليه و تهنيت من كل يوم لازم القاطو
هدي الوصفة الاصلية لياسمين و نقلتها الاخت ميميشة ربي يحفظهم في زوجhttps://www.djelfa.info/vb/showthread.php?t=774063[/SIZhttps://www.djelfa.info/vb/showthread.php?t=774063
[جبت الغرس درت ثلاثة كيلو
غسلتها و حطيتها في كوكوطة و غلقت عليها مدة اربعين دقيقة لازم يكون الما فيه مليح باش ما يتحرقش عسيه
كي فتحت عليه كان تحرحر و النوى نتاعو اصبح احمر
هنا ما درتوش فالقماش درتو فالكسكاس جوزتو كامل و نحيت غير الديشي صفيتو مليح نحيت الديشي ناشف
وكنت نزيد خطرة على خطرة الما ما كثرتش غير كي يكون ثقيل بزاف ما يمشيش
و جوزتها في رحيوة يدوية جوزتها فالموايان حتى رجع املس
[IMG]
[/IMG]
و رجعتو للقدرة على نار هادئة حتى رجع يدير فقاعات و هو اصلا خاثر نزعتو
خليتو برد و عمرت بيه بقالات جاني ثلاث بقالات نتاع زجاج كيما هاذي راه هذا وش بقا و راني وصيتهم يجيبولي الغرس هههههههههههه
مع خبز الطاجين يالالي يا لا لالي كول و رحم
نحاول نزيد الصور اذا مشى البورتابل ربي يهديه ما كفاهش اعمش و زاد خسر
و في الاخير نتمنى ديرو ه لاولادكم و ما تحرموهمش من المحافظة على صحتهم و بناء جسم سليم شوفو لوكان يفطرو بيه الصباح مع الحليب كيفاش يرجعو باذن الله تتهناو من مشاكل صحية كثيرة راها فوائد التمر لا تعد و لا تحصى
و في الاخير نتمنى منكم التقييم و الدعاء اخواتي
رووووووعة قمر يعطيك الصحة علابالك نموت على الصحي لذلك احلى تقييم مني حبيبتي
موضووع راااااائع حبييبتي قموووووورة تسلميييي .. هههه ضحكت على رووحي ميين شفت الرحااية قلت يااااا دارت فييه البطاطااا هههههه حتى من بعد فهمت خخخخخخ
شكراااا يا الزييين و في ميزاان حسناااتك يااارب
شكرا حبيباتي ليزا و زينب على المرور و التشجيع رانا مسؤولين على صحة ولادنا ماكش حاجة بقى فيها الامان ربي يحفطهم
يعطيك الصحة ربي يجعلها في ميزان حسناتك رؤوعه و راح انجربها بادن الله
مشككككورة على الوصفة وربي يجعلها في ميزان حسناتك
يعطيك الصحة لانه مفيد و مغذي جدا
واحلى تقييم لعيونك قمورة
رووووووووووووووووعة عندي زمان جربته وجا هايل
يعطيك الصحة صحي ومفيد واحلى تقيييييم
يعطيك الصحة قمر الاولاد يحبو الحلاوة راح يعجبهم
اممممممممممممممممممممممممممم تسلم اديك ي حلوووووووووووووووووو
امممممممممممممم هايل يعطيك الصحة
الله يعطيك الصحة قمراية وممممم بالكسرة يالهوي مممممممممممم تسلمي يالحبيبة
يعطيك الصحة ربي يجعلها في ميزان حسناتك