مشكلتي أنني عييت نتعلم شخشوخة البرنوس نعجنها نورمال بصح كي نجي نلوحها في الطاجين طيب تتقطع في الطريق ههههه
والله عييت ممكن تساعدوني بطريقتكم الخاصه كيفاه تعلمتوها ؟؟؟؟؟
وربي يجازيكم كل خير
سلام انا مانيش professionelle كبيرة في الشخشوخة بصح على العموم تصلحلي
السر هو الممارسة, انا نشوف صحاباتي اللي يديروها ديما ( كل اسبوع او 15 يوم ) يتعلمو و يتقنوها مليح مليح.
نقولك على عفسة علمتهالي الوالدة باش العجينة ما تتقطعلكش و هي انك كي تبلي العجين ما ديريش الملح, و حطي ملعقة صغيرة خل و خليه يرتاح, ثم اعجنيه مليح و كمية الملح اللي لازم تحطيها ذوبيها في شوية ماء و اضيفيها بشوية, و خليه يزيد يرتاح, ديري كريات صغار و ادهنيهم بالزيت و غطيهم ببلاستيك و خليهم يرتاحو على الاقل 10 د قبل ما تبداي طيبي. و اكيد ان نوعية السميد المستعمل تلعب دور انا جربت مؤخرا سميد اسمو " ماما" mama هايل العجينة تتحل وحدها,
موفقة ان شاء الله
لازم الدقيق يكون فيه العلك وتخليه يريح مليح مع العجن الجيد وكيما قالتلك الاخت خليه يريح
شوفي ختي بلاك دقيق تاعك مفيهش العلك كاين لي يزيدو الفرينة انا ندير دقيق سباك هايل و كيما قاتلك الاخت لازم الممارسة دوما و ربي يسهلك انشاء الله
لازم النوعية الجيدة للدقيق جربي بنتاع ماما راه مليح بزاف
و حاجة ثانية لازم الممارسة و ثم الممارسة
بالتوفيق
كلام الحراير كلو صحيح
حتى طريقة رميها في المرا تلعب دور وبالتوفيق
لازم الدقيق يكوننوعية شابة وتخليه يرتاح كما قالو الاخوات لي سبقوني
بالتجربة سوف تتعلمين ان شاء الله
انا تانى رانى كيفك