مطلوع خفيف وظريف
بسم الله
نحتاج الى مقدار من الفرينة حوالي 400غ
ملعقة كبيرة ونص من الخميرة الفورية
ملعقة كبيرة ملح مذوبة في كاس كبير ماء دافىء
فنجان شاي من الحليب الدافىء
فنجان شاي من الزيت
نضع الفرينة في الجفنة مع الحليب والزيت ونبسسها باليد مليح ثم نضيف الخميرة ونخلط مليح ثم نبلل بالماء حتى نتحصل على عجينة تكون يابسة شوية نغطها ونخليها ترتاح شوية
مرجع للعجينة نببلها بشوية ماء وندبزها تطويها ونزيد ندبزها ثم نقلبها وندبزها حتى تشرب الماء ثم نبدأ نعركها حتى تنطلق ،نغطيها ونخليها ترتاح
بعد ما ترتاح نرجع نكرر نفس العملية وبعدها نحصل على عجينة خفيفة
نقرصها باستعمال الدقيق رطب أي نقطع أقراص من العجينة نرمدها في الدقيق الرطب ونفردها ونغطيها ونتركها تختمر لمدة ساعة في مكان دافىء (انا نشغل للفرن غير يدفى نطفيه ونخليها داخل تخمر)
كي تخمر نسخن الطجين مليح ثم نقصي للنار وديري الخبزة طيب ونغطيها ثم نقلبها
ملاحظة:ادا حبيتيه في الكوشة قرصيه بالزيت وفرديه في سنيوة ورشي عليه جلجلان وخليه يخمر شعلي الكوشة على 200 د من الفوق ومن تحت وخليه يطيب في الوسط
يعطيك الصحة على الوصفة اختى احنا في منطقتنا نستعملو السميد ولكن الطريقة تقريبا تتشابه.شكرا.
يعطيك الصحة على الوصفة
ياريت حطيتيلنا الصور
|
المشاركة الأصلية كتبت بواسطة ام رضوان
 يعطيك الصحة على الوصفة اختى احنا في منطقتنا نستعملو السميد ولكن الطريقة تقريبا تتشابه.شكرا.
|
شكرًا على مرورك وجزاك الله كل خير
|
المشاركة الأصلية كتبت بواسطة ام ايمان16
يعطيك الصحة على الوصفة
ياريت حطيتيلنا الصور |
الله يسلمك أختي المرة الجاية نحط الصور
يعطيك الصحة اختاه
|
المشاركة الأصلية كتبت بواسطة omhadil
يعطيك الصحة اختاه
|
الله يسلمك شكرًا
بارك الله فيكي حبيبتي
شكرااااا على الوصفة حنونة
ماشاء الله يعطيك الصحة