مشكلتي التفرقة 2024.

السلام عليكم
سوف أدخل مباشرة في الموضوع. عمري 18 سنة أنا الصغيرة في العائلة لدي أخت أكبر مني عمرها 25 سنة, و أخوان أما الباقي فمتزوجون و لا يعيشون معنا, مشكلتي أنني كرهت أختي نعم كرهتها جدا فبسببها أتشاجر دائما مع أمي و أبي. أبي يحاول أن ل سفرق بيننا و لكنه غالب م يعطيها الحق لها معتقدا أنها الأعقل بما أنها أكبر سنا. و لكن العكس فتصرفاتها طفولية جدا فمثلا لو تشاجرنا تقعد تروح و تولي عليا و ترميلي كلمة ولا زوج رغم أنني لا أتكلم معها أبدا نقعد في حالي,
كما أن أمي دائما تعطيها الحق ليها و دائما تكون ضدي حتى لوكان الخطأ خطأها. مثلا نحن عادة ما نتشاجر بسبب شغل البيت’ أعترف أن كلتانا كسولتين لكنها أكسل مني و أسوء رغم أنها الكبرى فمن المفروض أن تكون هي القدوة, حتى أنها لا توضب سريرها فأنا أوضبه و نادرا ما تغسل الأواني جيب السبة بالخدمة, و تستغل فرصة أنني في عطلة و دائما في البيت, ليس هذا الذي يزعجني و لكن ما يقهرني هو عندما أنا لا أغسل الأواني مثلا فأمي تقعد غير تعيط عليا و تهددني باش تنحيلي الكومبيوتر لكي أتوقف عن دراسة اللغة الكورية و اليابانية الذي هو متنفسي الوحيد , أما إذا كانت أختي فهي تتغاضى عن لأمر و لا تقول شيئا و تغسلهم هي فالليل و لا في الصباح لأنها طبعا تخمم على ابنتها التي تكون تعبانة بسبب عملها في التدريس, أو مثلا كي تمسلي حاجة من حوايجي رغم أنني دائما أحذرها أن لا تلمسهم فنتشاجر بسبب هذا أمي تقول لي أنها أختي و من المفروض أن نتشارك في هذه الأمور و لكن لا تعاتبها هي لأن أخذت شيئا من أشيائي رغم إدراكها لغضبي الشديد, أما عندما كون أنا اللي نمسلها حوايجها فهي تأتي إلي فور سماع باب الخزانة ينفتح و تبدأ في تهديدي و تقولي أن أختي سوف تغضب. ربما أبدو بخيلة لكن هذه هي طبيعتي عندي حدود ما يدناوليش ليها.
قد يبدو لكم مشكلتي أنها تافهة لكن و الله كرهت من التفرقة و كرهت من الشجار مع أمي فبسبب أختي علاقتي ليست جيدة مع أما فأنا بعيجة عنها,دائما أبكي و نرقد بالقنطة فالليل لأنني ماعنديش ليمن نفرغ قلبي, و منحبش ندعي عليها خاطرش أنا تانيت نغلط خطرات و نخاف ربي ما يسمحليش,
في نظر أمي دائما أنا اللي ماشي مليحة رغم أنني و الله غير ما ندنا ليها و كي تدنا ليا هي و نبدا ندافع على حقي تسكتني و تقولي هذه ختك الكبيرة, مشكلتي ليس في غسيل الأواني أو أي شيئ لكن في الطريقة الي يتعاملو بيها معايا و في رد فعلهم تجاهي حتى أنني خطرت نحس روحي مشي بنتهم,
المهم أرجو أن تتفهموني و لا تسخروا مني فحقا أنا مقهورة’ ,
بماذا تنصحوني ؟
بارك الله فيكم علة كل حال,
ادعولي باش ربي يغفرلي و يهديني,
شكرا

عليكم السلام اختي الغالية و الله راني حاسة بيك ياسر بآسكو صراتلي الحكاية هادي تاني كيفك شوفي وش نوصيك اختي انتي قومي بالواجبات تاعك و ردي السيئة بالحسنة و الله راح تشوفي تغيير ملحوظ ديما رديلها الشر بالخير ادا قاتلك كلام مش مليح مش تروحي تقلقي ولا تعيطي ديري روحك كي شغل مسمعتيش و قوليلها سمحيلي اختي دوكا تشوفي كفاه تحس هيا بالدنب و الله و ماتخليلهمش الففرصة باه يحكيو معاك في شغل تاع دار انا عمبالي بلي مازلتي 18 سنة مي كومام مابقاش هاداك هو تعودي نفسك على شغل البيت و كيما قتلك قابليلهم ديما السيئة بالحسنة ورديلي بالخبر ♥

ربي يهديها……………..

هههه نورمال

ديجا لخواتات في الدار كامل يتهاوشو على شغل الدار

بسكو وحدة تكون فنيانة وتتكل على ختها مي والله عادي

ديري في بالك قد ما تتعلمي شغل الدار مليح تلقاي ذراعك نتي

وختك بلاك تكون عيانة والام دايمن تميل للبنت الكبرى عادي مش تفرقة

سي نورمال راهو لفرق بيناتكم كبير نورمالمو نتي تاني تحتارميها
ونقلك كامل لخواتات يتعافرو ورجعو لبعضاهم عادي سيرتو ضكة لاتزوجت ختك راح تضيق روحك بلا بيها

وتعودي تتوحشي هادي ليامات نتاع لا بقار هههه

والله نقولهالك على تجربة

وربي يهدي ختك

أظن والله أعلم يا أختي أن والديك يفضلون أختك لأنها تعمل فقط أي لأن لها راتب و لو كانت ماكثة بالبيت لما فضلوها
و نصيحة لله عائلتك هذه و إن كثرت فيها المشاكل فلن تجدي في الدنيا أحسن منها و لن يعوضك عنها أحد و ربما ستدركين الأمر بعد الزواج و الرحيل عنها

انا تاني عندي نفس المشككل مع اختي لكبيرة مي انا اختي متزوجة كي جي نهار اللول اهبلني مي 5دقايق ترجع ليا لخاطكرش ما نعاندهاش مام انا عمري 18 كيما نتي
ساعفي حتى ترجع ليك وحدها
والله كي تتزوج تتوحشي لفتان معاها و كي تتفكلاو دوك اليامات توليو تضحكو

عادي حنونة ماما انا ساعات تصرالي

ملا انا اختي اكبر مني و نغسللها ملابسها تالي على فراشها عمرها لا مساتو

و البيت لي قاعدة فيها انا و هيا عمرها ما ممستها دائما انا نسيقها و نديرها طبعا بحكم انو هيا تروح لجداتي وز تقضيلها

مي في دار جداتي مكانش قضية بزاف

حتى أنني خطرت نحس روحي مشي بنتهم,

هذا واش قلتي انتي و انا نقلك مكانش مراهقة كيفنا م كستش بهذا الشعور و انا وحدة من الناس

لكني تجاوزت هاذا الشعور من فترة و صار عندي كل شيئ تافه صارت عندي القضية التطياب كلش حتشي

بالنسبة للطريقة لي تتقربي فيها ليماك حاولي واش تقلك ديريلها سيرتو شغل الدار

و الله عن تجربة شخصية

ربي يهديها……………..

اقتباس:

المشاركة الأصلية كتبت بواسطة أندلس أظن والله أعلم يا أختي أن والديك يفضلون أختك لأنها تعمل فقط أي لأن لها راتب و لو كانت ماكثة بالبيت لما فضلوها و نصيحة لله عائلتك هذه و إن كثرت فيها المشاكل فلن تجدي في الدنيا أحسن منها و لن يعوضك عنها أحد و ربما ستدركين الأمر بعد الزواج و الرحيل عنها

شيطان انت ولا بنادم يا خي عباد.

السلام عليكم اختي العزيزة شفت وحد الردود هنايا لا حول ولاقوة الابالله انا نصيحتي ليك كاخت مرينا بهادوا المشاكل وهذا ليس بمشكل هو امر عادي الدنيا فانية اختي الحمد لله عندك اختك ويماك اتقربي من اختك ولا يماك مهما تكون حتى ولو المشكل ليس من عندك اضحكي مرحي حتى ولو تجي اختك من الخدمة قومي بها انت اختها انا عندي اختي تجي من الخدمة مانخليهاش تمس حاجة والجمعة والسبت تعاوني مانقلهاش لا لا بعدي وسواس الشيطان على راسك الام عمرها ولا تفوت بنتها .

يا اختي شجارات هاذو ديما كاينين في الدار
انا و نتقابض مع ختي صغيرة لاتفه الاسباب
شفتي وين كان سبب تافه اتخيلي اني نتقابض معاها عليه
كي طيشلك كلمة او زوز ماترديش و خليها
ماتعدلش فراشها بغيتي تعدليه بغيتي تخليهولها انتي حرة

ههههههههههههههههههههه اختي
والله نفس حالتك غير ماتكسريش راسك بيها

هههههههههههه حاجة عادية موجودة في كل أسرة

عندي أختي صغيرة ربي يحفظها لي مانخليها دير والو معي

خصوصا وقت الدراسة وحنن عليها ونساعفها هي أقرب

شخص ليا بصح وقت الجد في العطل أنقلب عليها هههههههه

ويغيضها الحال ونتشاجر هههههه ومن بعد نرجعو نضحكو ع بعضنا

بصح بحكم أنا الكبيرة نحب نوريلها صلاحها وشغل البيت

باه تتعلم وتتعود تتكل ع نفسها

بصح قضية أن أختك عاملة شيئ عادي ،لاكتب ربي تعودي

عاملة وراكي تشوفي الوقت كيف يمر ساعتها تحس

بأختك وديري في بالك هي لنتنتظرك لكي تقوم بواجباتها المنزلية

هي تدرك تماما أنها مقبلة ع تأسيس بيت.

هل يعقل أنها تصحبك معها للقيام بأعمال بيتها

وزيد كبري قلبك وشوفي للبعد وأختك ثم أختك

حتى لو هي عاملاتك بالقسوة أنتي قابلها باللين

والطاعة والصمت والكثير من الحب وسترين النتيجة