اثناء دراستى بالجامعة كان لى زميل حاول التقرب منى لمدة طويلة لمدة 3 سنين وهو يحاول يتقرب منى لكنى صديتو لانى مانتعاملش معا الجنس الاخر وفى السنة الرابعة ربط علاقة معا زميلة تدرس معى هاذ الزميلة تشبهنى لابعد درجة وكل لى يشوفنا يقول انا توام ومايامنوش كى نقوللهم مكانش قرابة بينا اصلا ورانا من ولايتين مختلفتين
ضورك عندى عامين منين كملت الجامعة
عندى يومين كى روحت من الخدمة قاتلى ماما راه جا واحد خطبك من عند بابا كى قاتلى الاسم لقيتو زميل لى كان يدرس معايا بابا كى سقسا عليه قالولو انسان مليح و خلال 4 سنين لى درس معايا ماشفتش منو حاجا شينا
لكن الحاجا لى مقلقتى علاقتو بالزميلة لى كانت تدرس معانا و وجه الشبه لى بينى وبينها رانى وقات نقول بلاك اخطبنى لوجه الشبه ووقات نقول ربط معاها علاقة لانها تشبهلى والله تلفتلى مافهمت والو
درت استخارة وفوضت امرى لله
هاذ الامر محيرنى وماخلانيش نهز قرار واش تنصحونى
استخيري وخليها على ربي
ماتخميش في الموضوع قوليلهم سقسو عليه
وخليها كيما جات تجي
ماتقدري ديري والو
مادامك درتي صلاة الاستخارة هذا يعني انك فوضت امرك لله
لهذا يجب عليك الثقة في الله لانه سيختار لك الافضل
وشكرا
الله أعلم
عليك بكثرة الإستخارة
و الله المستعان
عليك بالاستخارة أختي و ان شاء الله ربي ييهديك الى القرار الصائب
عليكي بالاستخارة اختي و ربي يجيب اللي فيه الخير
ما خاب من استخار الخالق.انتي مادام استخرتي راكي خليتيها على ربي.و ربي يكتبلك الي فيه الخير
السلام عليكم
الله يقدم لي فيه الخير
ما دام استخرت المولى فثقي سيكون الخير فيما اختاره الله …… سوى ارتبطت به أم لا
عندي سؤال بسيط.راكي دايرا شحال من موضوع في قسم مشكلتي.و في كل موضوع راني نشوف في تغير في السن و الوضعية !!!!!!!!!
عملتي الصواب
لاه راكي تخمي في الاخرى مادام راجل من ترضون دينه وخلقه فزوجوه
هو تقدم لباباك وطلبك رسميا علاه راكي تخمي
شوفي مادام بطلبك من ابيك
احترمك راه لقاك احسن من الاخرى الي بمجرد تكلم معاها قبلت وانت رفضتي هذا الفرق لي خلاه يميز بيناتكم
الف مبروك تقربي من الله يكون معك ويعطيك الافضل
ما دخل زميلتك في الخطوبة و وجه الشبه مادام خطبك راه باغيك انتي لوكان راه باغي صحبتك لوكان اخطبها و ماجاش عندك كونك شوية عاقلة و خمي مليح و مادا استخرتي الله خليها على ربي و انشاء الله خير و شكرا و انشاء الله نفرحو بيك
goooooooooooooooooooood imane and bant khelil
دا نسقسيك اختي انا متابعة مواضيعك وخاصة انتاع انا متزوجة وعندي احساس بالنقص ودركة تقولي مشكلة خطبة وعندك موضوع حماتي والفتن مافهمتش هل راكي انتي نفس الشخص ولا اخري ارجو انك توضحينا كيما سالك الزميل من قبل قالك كل مرة سن كل مرة وضعية