السلام عليكم ورحمة الله تعالى وبركاته
قبل الدخول في مشكلتي ادعو الله ان يفرج كرب كل مهموم
لااعلم كيف ابدأ ومن اين غير انني فتاة ابلغ من العمر 30 سنة،جامعية ،من عائلة محافظة جدا والحمد لله
ا
حلم ككل فتاة بان يهبني الرزاق الزوج الصالح -اللي يخاف ربي –
عمري ما جاو خطبوني بالرغم اني ماعنديش مشكل في الشكل والاخلاق والعائلة -يعني مواصفات يحلم بيها كل واحد
.والحمد لله تعرفت مؤخرا على واحد كان قاصد الخير بالصح انا قلتلو اصبر ايامات حتى يروّح خويا بحكم خدمتو البعيدة على
الدار وانا بصراحة واعدة روحي ما ندير حتى حاجة حتى يكون خويا حاضر.هو وافق .الحد الان كل شيئ عادى
المشكل ان هذا الانسان نحسو ماشي من مستوايا .كاين فرق كبير بيناتنا ماشي في المستوى الدراسي فقط لكن الكارثة في
المستوى الاخلاقي -مشكلة الفاظ الشارع- اللى كل مرة ما نتفاهموش فيها يبدا بالفاظو.
اول ما عرفتو قلتلو لازمك تنحي هذه الالفاظ تاع الشارع راني ما نحبهاش وما تربيتش عليها .قالي لازم تصبري معايا شويا
بالفعل صبرت وكل مرة كان ينقص منها وكل مرة يغلط بلفظ من الفاظ الشارع كان يطلب السماح
راح تقولو علاش مكملة معاه ؟نقولكم حبيت نفرح امي اللى كل ما نقعد معاها تقلي انها امنية حياتها انها تفرح بيا واللى في
عمري الكل في دارهم والحقيقة انا نحس عمري بدا يفوت بسرعة كبيرة .وكل مرة نقول درك يتبدل
لحد الساعة ما تبدلش كيما حابة انا .
اليوم قلتلو انها وصلت للنهاية بيناتنا ما بقاتش فيها عيشة .ماعاباليش اسكو عملت الصح والا اتسرعت
كل مرة كنت نقول فيها لروحي هذا درك كيماهاك وكيما نتزوجو لحكاية كيفاه تولي
ومرة اخرى نقول درك يتبدل .لازم شويا صبر
ادعولي ربي يفرج همي ويفك كربتي
ﺭﺑﻲ ﻳﻔﺮﺝ ﻫﻤك ﻭﻳﻔﻚ ﻛﺮﺑﺘك
الأخلاق الرجل مهممة بزاف ما قلتناش هل يصلي أم لا ؟ يصلي في الوقت دائما ؟ علاقتو مع الناس ؟ سمعتو ؟ هيئته ؟
هذا كامل تشوفه و تحكمي عليه هل يصلح ام لا للزواج و ان كان بحكم اني رجل و اعرف عقليتهم جدا
اذا وصل لدرجة انو يهدر دائما هدرة مش مليحة قدام اللي راه تكون زوجتو ( اذا كان ناوس صح طبعا) لأانو كاين صح يطحيو مع صحابهم بصح قدام عائلتو و خاصة مرتو ما يغلطش هذا تقدر تسقميه أما هذا انسان ما شكتيش فيه الخير و مش تعك هذا تع وحدة كيفو ام كاين بنات يطيحو ثاني يجيو على بعضاهم ….
كالعاده كل وحدا تجي تشكر روحها و محافظه و تزيد تحمد ربي انها تعرفت عليها
و انت تهدري معاه في الحرام نورمال ما فهمتش وين راهي الحشمه و التربيه
باه يكون في علمك انت تشوفي فيه مش من مستواك لانو قاعد يسب و الرجال كفكيف قاعدين يشوفو فيك مش من مستواهم لانك تهدري مع الرجال و هوما يحوسو على بنت فاميليا
السلام عليكم
إليك رأي العالمين بأمور الدين منقولا :
الحمد لله والصلاة والسلام على رسول الله وعلى آله وصحبه أما بعد:
فمن اعتاد البذاءة وشتم الناس، ففعله هذا فسوق، لما رواه الشيخان عن ابن مسعود عن النبي صلى الله عليه وسلم أنه قال:
"سباب المسلم فسوق وقتاله كفر".
ومثل هذا السلوك ينافي كمال إيمان صاحبه، لما أخرجه أحمد والترمذي عن ابن مسعود أن رسول الله صلى الله عليه وسلم قال:
" ليس المؤمن بالطعان ولا اللعان ولا الفاحش ولا البذيء".
وهو مما يعرض صاحبه لبغض الله له، ففي الترمذي عن أبي الدرداء عن النبي صلى الله عليه وسلم أنه قال:
"ما شيء أثقل في ميزان المؤمن يوم القيامة من خلق حسن، وإن الله ليبغض الفاحش البذيء".
وعند أبي داود عن عائشة رضي الله عنها عن النبي صلى الله عليه وسلم أنه قال:
"يا عائشة إن الله لا يحب الفاحش المتفحش".
وكيف يصنع من سلوكه هذا، والمسلمون لم يأمنوا شره، ولم يسلموا من لسانه،
بما روى البخاري عن عبد الله بن عمر أن رسول الله صلى الله عليه وسلم قال:
"المسلم من سلم المسلمون من لسانه ويده"
فعلى المسلم أن يتوب إلى الله من هذا السلوك الذي يبعده من ربه، ويبغضه إلى المسلمين،
ويؤدي به إلى نار الجحيم، ففي الترمذي وأحمد وابن ماجه عن معاذ في حديث طويل وقد ذكر له النبي صلى الله عليه وسلم ما يقربه إلى الجنة ويباعده من النار، فقال له بعد ذلك:
"ألا أخبرك بملاك ذلك كله؟
قلت: بلى يا نبي الله،
فأخذ بلسانه و قال: كف عليك هذا.
فقلت: يا نبي الله وإنا لمؤاخذون بما نتكلم به؟.
فقال: ثكلتك أمك يا معاذ، وهل يكب الناس في النار على وجوههم إلا حصائد ألسنتهم"
هادا الانسان لي مايعرفش يهدر غادي ايهبلك moralement
اخطيك منه 
و ادا كنت عارفة روحك تقدري تبدليه و تحكمي فيه هاديك حاجة واحدا اخرى
و لا نقولك ، اخطيك ، انت قارية و مثقفة نورمالمو تدي واحد كيما انت و لا خير منك ،
يماك تفرح بيك كي تتزوجي برجل ترضون في دينه و خلقه
اكي فاهمة ؟
نظن انو علاقتك بيه اولا كانت محظورة كيفاش عرفتي بلي راه يغلط بزاف ؟وهو مزال متقدملكش
استغرفي مولاك واستخيري لربك بالتوفيق
| كل مرة كنت نقول فيها لروحي هذا درك كيماهاك وكيما نتزوجو لحكاية كيفاه تولي |
ايوااااااااااااااااااااه هذا هو الصح
علاه المشكل في شكلك رانا شفناهم زعما شابات ووو مي القلب 0 والعقلية 00 واش نعمل بيها هادي المرا
|
المشاركة الأصلية كتبت بواسطة aymen01
 كالعاده كل وحدا تجي تشكر روحها و محافظه و تزيد تحمد ربي انها تعرفت عليها
و انت تهدري معاه في الحرام نورمال ما فهمتش وين راهي الحشمه و التربيه باه يكون في علمك انت تشوفي فيه مش من مستواك لانو قاعد يسب و الرجال كفكيف قاعدين يشوفو فيك مش من مستواهم لانك تهدري مع الرجال و هوما يحوسو على بنت فاميليا |
|
المشاركة الأصلية كتبت بواسطة مشكلتي
السلام عليكم ورحمة الله تعالى وبركاته
من عائلة محافظة جدا والحمد لله .والحمد لله تعرفت مؤخرا على واحد ؟؟؟؟؟ |
غريب أنك تحمدين الله على معصية وفعل حرام ؟؟؟؟؟؟؟؟؟؟؟
وباش تفرحي أمك لازم ديري الحرام باش تتزوجي ؟؟؟؟؟؟
تحاسبي في الشاب على ألفاظه من باب أولى حاسبي نفسك على فعلتك
يا أختي من يتق الله يجعل له مخرجا ويرزقه من حيث لا يحتسب فاتركي عنك هذا الحرام ربي يفتح عليك ويرزقك من بابه الوااااااااااسع
السلام عليكم
ما تخميش انك تتزوجي وتفرحي امك وخلاص لازم تخمي في ولادك كيفاش راح يطلعو مع واحد كيما هكداك
الله يرزقك بولد الحلال
|
المشاركة الأصلية كتبت بواسطة aymen01
كالعاده كل وحدا تجي تشكر روحها و محافظه و تزيد تحمد ربي انها تعرفت عليها
و انت تهدري معاه في الحرام نورمال ما فهمتش وين راهي الحشمه و التربيه باه يكون في علمك انت تشوفي فيه مش من مستواك لانو قاعد يسب و الرجال كفكيف قاعدين يشوفو فيك مش من مستواهم لانك تهدري مع الرجال و هوما يحوسو على بنت فاميليا |
صحيت بارك الله فيك
وجدت الجرح ويجب معالجته في اقرب وقت ممكن