مشكلة الخطوط البيضاء في الجسم 2024.

انا شابة ابلغ من العمر29 عندي مشكلة التشققات في الجلد او ما يعرف بالخطوط البيضاء وقد ظهرت بعد نقص في الوزن وخاصة في منطقة الارداف والبطن وهي مسببة لي ازعاج وقلق كبير خاصة من الزواج لذلك اتمنى من الذي يعرف مزهم او كريم موجود في الجزائر يعطينا اسمه او كيف اتعامل مع المشكلة اعلم ان البعض يقول انها ليست مشكلة ولكنها مشكلة حقيقية وجزاكم الله كل خير فرج همكم

ياااااااااااااااااااااااااااااااه وش نحكي وش نخلي …. اسكتي ذرك نحكيلك ازمة هههههه

انا مشكلتي ليست الخطوط البيضاء لانو ليس لي ترهلات بشرتي مشدودة
بصح لاني سمنت بسرعة جدا ظهرتلي خطوط حمراء قريب جاتني جلطة
في لول حسبتها مرض جرررررررررررري للطبيب و لانو حابس قالي هذو
لي فرايس و قلت ناكل في الدواء باطل المصيبة كانت غير شوي بدات
تنتشر … و بدات ازمتي زدت سولت طبيب اخر بصح يفهم … قالي هذو
لي فيرجيتير و ما يتعالجوش و لازم تتاقلمي معاهم زاد دمرني
ايا رحت الانترنت بحث على بحث و لقيت صح علاجهم صعب لكن الخطوط
الحمراء اخف يعني ابرك من البيضاء
المهم و انا نبحث في النت لقيت اسماء ادوية بصح محاااااااااااااااال
تلقيها في الجزائر … شخصيا وصيت عليها من امريكا و بالزهر تجي
المهم حنونة العلاج اللي نقدر نقولوك ذرك هو كالاتي

معليش اصبري معايا نديرلك الحرقة هههههههه

اختي والله معذبة روحك بااااااااااااااااااااطل كل شيء عنده دواء عند اخصائي الامراض الجلدية صح يكون غالي بصح كاين حتى لو وصفولك دواء من الخارج كاين تجار بزاف راهم يجيبوا السلعة من الخارج وصيهم احمدي ربك يا اختي الخطوط البيضاء اهون من اي مرض خطير عفانا الله واياكم

فى الحقيقة هذة الخطوط تقريبا فى كل فتاة وليس لها علاج تأقلمى مع الوضع وانهى الأمر

هده الخطوط معندهاش حل لحد الان…لامها متعلقة بطبيعة جلد المراة الرقيق،والنحافة و السمنة و النمو هم السبب الرئيسي لهاد الخطوط التي تكون حمراء في البداية ثم تصبح بمرور الوقت بيضاء،انا قرتيت مزة في احد المنتديات بلي زيت جنين القمح يساعد في ازالتها،جربي نتي ماخسرتي والو

السلام عليكم

عليكي اختى بزيت اللوز وزيت جنين القمح انا استعملته مدة قصيرة وفعلا اختفت الخطوط لم الاحظ ذلك لكن للامانة سمعت ان زيت اللوز وزيت جنين القمح وحتى زيت الزيتون مفيد للخطوط البيضاء وترهل البطن

شفاكي الله اختى الكريمة

السلام عليكم اختي..
انا عندي نفس المشكل و هادي 7 اشهر و انا ندير فهاد لابوماد

ف 3اشهر الولا ماداومتش عليها وماشفت حتى فرق.. مي اخذت قرار داوم عليها و منداك عرسي قرب و هادي 4اشهر نديرها مرتين في اليوم والله نقصت 50 بالمئة مع العلم اني نعاني من التشققات هادي 5سنين يعني حالة متطورة.. ريحتها مليحة ادا استعملتيه داومي ومايليقش تكرهي..

و نصحوني ندير عضم نتاع سيبيا os de seiche نطحنه ونديره في خل التفاح لمدة 20 ويوم ونبدا ندهن بيه.. راني نستنا بابا يجيبلي خاطرش متلقيتش هنا عند العطارين فسيدي بلعباس صبري نجربه و نردلك الخبر

وبالنسبة للخطوط البيضاء فهي ليست ترهلات و انما شققات على مستوى الجلد وتكون في البداية عارة عن خطوط حمراء..

لبنات جربو البومبليموس و زيت اللوز خلطوهم و ادهنو المنطقة اللي فيها لي فارجيتور كل ليلة و ردولي لخبر

شوفي يا الاخت (( اقصد صاحبة الموضوع))
لكي نعالج المرض يجب ان نعرف السبب … هذه الخطوط ناتجة عن توسع يحدث
في خلايا البشرة بسبب الوزن الزائد السريع او العكس النحافة السريعة او الحمل
و عندما تكون البشرة جافة غير مرنة فان هذه الاشياء تسبب تمزق في الطبقة
الداخلية للجلد فتسبب خطوط حمراء مع مرور الزمن تصبح بيضاء …
لذلك يجب اولا الاعتناء بالبشرة عن طريق عملية ترطيب و تدليك البشرة بالفيتامينات
خاصة خاصة فيتامين A و E … المهم في حالة الخطوط البيضاء نقوم بما يلي :
زيت الزيتون مفيد جـــــــــــــــــداً للبشرة معناها يجب استعماله يوميا مع التدليك مدة
15 د
كذلك اذا امكن خلط زيت الزيتون مع زيت جنين القمح و زيت اللوز المر و زيت جوجوبا
و زيت اركان … كل هاذ الزيوت غنية جدا بالفيتامينات و عندها تأثير في ترميم الجلد
و اعادة بنائه …هذا وش راني نستعمل ذرك
قرأت كثيرا على خل التفاح انه يزيل الخطوط البيضاء تماما لكن مع الاستمرارية جربيه
ربما ينفعك …

خبيرة التجميل دينا الجارم سمعتها قالت زيت جنين القمح ، ستجدينه لشكرة الكابتن المصرية في اي مكان فقط لاتشتري الزيوت المعرضة لاشعة الشمس يعني التي تباع على الرصيف