السلام عليكم اخواتي الكريمات اطلب منكن مساعدة في اعداد الحلويات التي تشترى يوميا مثل المادلين الاقتصادي والكروكي الاقتصادي وممكن وصفات اخرى اللي تخرج عليا في البيع لاني ماكثة بالبيت ويمكن مساعدة زوجي واطفالي
بالشيئ اللي نقدر
فنحن نمر بأزمة مالية خانقة لايعلمها الا الله اللهم واقضي عنا الدين قولوا امين
انتضر منكن الوصفات الله في عون العبد مادام العبد في عون اخيه::
ربي يفرج شوفي وصفات ام رامي
ربي يفرج عليكم وعلى قع المومنين
شوفي وصفات كاين بزاف في المنتدى لام رامي وام كوثر وكاين بزاف
ربي يفرج ان شاء الله
الوصفات كثيرة ما عليك الا التطبيق
شوفي مواضيع ام رامي عاملة مادلين وكروكي واشياء كثيرة رائعة راح تفيدك
الكروكي عندي وصفة ولا اروع يذوب في الفم
9بيض
2 كاس نشاء او مايزينة
2كاس ونصف سكر قلاصي
2 باكيات خميرة نوارة
2 كاس زيت
كيلو فرينة
1 فاني
كاكاو
خلطي 8 بيض والتاسعة تدهني بها الفوق
والمقادير كامل بعدما تلمي العجينمة نحي طرف ولونيه بالكاكاو
وحلي حربوش وحطي في وسطو العجينة انتاع الكاكاو واخلقيه واخبزيه شكل مستطيل طويل
ومبعد خلطي البضة التاسعة وديرها من فوق ادهني بها واذا حبيتي زيدي الكاكو وديري خطوط بالفرشطية شكلها ولا اروع ومبعد ذري الجلجلانية تجيك تحفة
انا اختي نعطيك وصفة ناجحة للغريبة
كيلة مارغرين لابال تكون جامدة شوي تخلطيها بيدك حتى تولي بومادة تاخذي الباطة نتاع لابال و ديري نصفها سكر قلاصي و تخلطي ثم ديري عبار ناقص اصبع حمص مرحي و محمص و تتخلطيه ثم تزيدي الفرينة بالشوي حتي تتحصلي علي عجينة تقدري تشكليها و ترشقيها بالكوكاو و الا اللوز و تحطيها طيب في فرن ساخن و لكن على نار ذليلة
و ان شاء الله تتحل الازمة عن قريب يا رب
انصحك بقراءة سورة الواقعة كل يوم مع كثرة الاستغفار والتوكل على الله وكل وصفات المنتدى فيهم فائدة واي وصفة راهي فيه
ربي يفك ازمتك
امين
ربي يفرج عليكم وعلى كل المؤمنين , ويعينكم على ما انتم فيه ويوسع عليكم من اوسع الابواب ,فهو ولي دلك والقادر عليه.
هده وصفة كروكي اقتصادية ومجربة عدة مرات وعجبت كل اللي تدوقوها. وهي من وصفات السيدة يعلى بارك الله فيها.
كروكي
7حبات بيض -كاس ونصف سكر -كاس زيت -نصف كاس ماء -فانيلا – 5 ساشيات خميرة كيميائية – 1 كلغ ونصف فرينة .
البيض + السكر نضرب جيدا حتى يصبح الخليط ابيض-
في زجاجة نضع الزيت والماء ونخلط جيدا ونفرغه على البيض بشويه مع الاستمرارفي الخفق ثم نضيف الفانيلا او قشور القارص + الفرينة والخميرة نحصل على عجينة طرية نشكل حرابش تمسح بالبيض مضرب مع ملعقة كاكاو (يدهن مرتان) نزين بخطوط بالفرشيطة وندخله الفرن يتحمر.
يمكن ان نقسم العجينة قبل ان نكمل كل الفرينة ونضيف شوية كاكاو .
اختي نعطيك وصفة حلويات اقتصادي 3كؤوس شاي سكر 3كؤوس شاي زيت 3حبات بيض فانليا 3كؤوس مايزينة 3اكياس خميرة وتلميها بالفرينة وتجبي لمول لحبيتي اوشكلي بيه كيما تبغي يخرجلك بزاف
ربي يوفقك اختي
[]الله يبارك فيكن ويرضى عليكن اقدر لكن هذه المساعدات وسأبدأ مشروعي في الايام المقبلة باذن الله
بوصفات بسيطة واذا وفقني الله انتقل الى الوصفات الصعبة قليلا
ياريت اللتي عندها خبرة في مثل هذه المشاريع تزودني بنصائح تأجر باذن الله]
ربي يكون في عونك ، أضم صوتي للأخوات تجدين طلبكي في وصفات أم رامي وأم كوثر