: dj_17::d j_17:
السلام عليكن حبيباتي
بما أننا في ختام المسابقة راني بذلت كل مجهودي باه نكون في المستوى و نشرف زميلاتي و تكون طبعتنا باهية كباقي الطبعات رغم الوقت الضيق لي كان عندي و الظروف لي مريت بيها
بلا ما ننسى طبعا جميل مشرفاتنا لي تفهمو أوضاعنا و نشكرهم جزيل الشكر
و نحب نقول كلمة لزميلاتي و الله العظيم أبدعتن و كلكن تستحقن اللقب بجدارة فائقة و بدون إستثنآآاء و الله يشفي كل وحدة فيكن و يجازيها حسب نواياها
ندخلو لصلب الموضوع بصح أمانة أمانة نوصيكم على حاجة
.
.
.
.
.
.
.
.
.
.
و الله غي نصوت على بسملة فرح
ههههههههه ههههه دبرو ريسانكم هههههه طبعا أمزح فقط ههههههه
حبيت فقط نقولكم بلي هده الافكااار كلها من مجهودي الخااااااااااص و كلها سهلة و غييييير مكلفة يمكن الكل ان يصنعها و النتيجة بنة و جمال و انااااقة ولا اروع
أيا نبداو بسم الله
الكورنيات
نحتاجو بسكويت مطحون و كرام فراش و نسلي و كاكاو و شونتيي
نرحي البسكويت و نقسمه على 2
نصف فيه كرام فراش و نسلي أنا درت عيني ميزاني أي حسب ما تتلم العجينة و النصف الآخر فيه أيضا كرام فراش و نسلي و كاكاو للتلوين فقط
شكلت عجينتين بلونين مختلفين
حليت العجينة لي بدون كاكاو بالحلال و زدت حليت فوقها العجينة السوداء و شكلتهم بودينغ أي حربوش خليتها ترتاح شوية ثم قطعتها دوائر و حليتهم بالحلال
و شكلتهم حول الكورني بعد ما غلفته بورق الزبدة
و منين أخذو الشكل نزعتهم و عمرتهم بالكرام شانتييي
الأهرامات
نفس العجينة السابقة لي بدون تلوين شكلتها في مول الأهرام
و حشيتها بموس الشكلاطة و قطع الفراز ثم غلقتها بالعجينة
الموس راهي في هذا الرابط كنت حاطتها موضوع مسبقا
https://www.djelfa.info/vb/showpost.p…77&postcount=1
و أدخلتها الثلاجة لتتماسك و نزعتها من المول و درتلها رشة شكلاطة غبرة و زينتها بعجينة السكر
كأس الجيلي و الفلان
ذوبت الجيلي في الماء و فرغته في الكأس و خليته يجف بحيث يكون الكأس مائل لاحظو الصورة
درت الفلان و درت فيه فتات البيمو و درته فوق طبقة الجيلي و خليته يجف و الكأس دائما مائل
و الآن رديت الكأس واقفة في حالتها الطبيعية بعدما جفت الطبقتان و سكبت فوقهم طبقة ثالثة من الجيلي
لاحظو الطبقات المائلة و الألوان روعة هههههه يعني شكل جدييييييد و غيييير معتاااااد بدل الطبقات العادية درت طبقات مااائلة شكل يهبل و بقيت ثاابتة و جميلة و انيقة تحمر الوجه
قطع الفلان للزينة
خدمت فلان ذوق الموز و ماء باه يجي شفاف و قطع موز صغيرة
خدمت فلان ذوق الفراز و ماء والفراز المطحون
و درتهم في مول السليكون و إلى الثلاجة ثم نزعتهم و درتلهم قاعدة بالبسكويت لي كنت لميته بالدهان
و زينتهم بالشكلاطة
و الاااان مع الجدييد 100 ب 100 سهلة و انيقة و مانحكيلكمش على البنة يااااااااااااي
موس الفراز و البسكويت
نحتاج 2 بياض بيض و قرصة ملح و نكهة الفراز و0 30 غ فراز مطحون و شونتيي
أولا نحضر السيرو فيه 100 غ سكر و 4 سل ماء نتركه فوق النار حتى تتشكل فقاعات بالغليان و أأكد لازم يكون عاقد و ثقيل باه يجمدلنا لاموس
في نفس الوقت نخفق بياض البيض مع قرصة ملح جيدا حتى يثقل و يصبح لون الثلج
و نضيف له الفراز المطحون متل لابيري و النكهة و نضيف له السيرو بعد ما يكون برد نوعا ما ونخلط برفق شديد
ثم نضيف كرام شونتي و نخلط برفق
صنعت عجينة بالبسكويت المطحون و لميتها بالشكلاطة و قطعتها دوائر بالمول
غلفتها بورق الطهي بحيث مخليتش فراغات و رجعتلها المول حفاظا على الشكل
ورق الطهي يكون عنده إرتفاع ملموس باه يظهر شكله
فرغت فيه لاموس الفراز و أدخلتها المجمد 3 ساعات
لاحظو لما خرجتها من المجمد و نزعت لها ورق الزبدة
يا سلام أخذت الشكل نفسه و بقيت متماسكة و طرية في نفس الوقت و محافظة على الشكل رغم إرتفاعها ياسلام على شكلها و مذاقها
لاحظوها مع طبقة البسكويت و كأنها طبقة واحدة
فرغت عليها الفراز المطحون و زينتها بالشكلاطة و شانتيي
اطلب من المشرفات وضع احدى هده الصور الاخيرة في موضوع التصويت
[IMG][/IMG]
نتمنى تعجبكم و نتمنى نكون نشرفتكم و عند حسن ظنكم
و اقوول لام ماجد و الوهرانية و بيبة و زهور شكرا لكن لقد كنتن في المستوى و تعلمت من عندكم افكار حلوة و جديدة و ربي يخليلنا المشرفات لي دارولنا هده المسابقة لي خلاتنا نتعارفو على بعضنا و على قدراتنا الكامنة ما شاء الله عليكننننننننن خمسة و خموووووس
و دمتم في رعاية الله و حفظه
معني انا اول اواااحده ترد لازمني نااكل ونشبع اولا ااااااااااااااااممممممممممم
روعه ماشاء الله اختى ومووووووووووووووووووفقه تسلمي راكي شهتنيني في نص ليليلي
يابسملة هذا لازمني نطبقه راهو راااااااااائع
الله الله خاصه فيه شيكولاطه ماشاء الله تبارك الرحماان نقلك يعطيك الصحة راكي
فحله اختى
الله يبارك ماشاء الله ماقعدتش للوقت المتأخربلافائدة ابدعت بسملة الله يخليك
شاطرة هههههههههههه
اليوم شبعت تحليات في القمة مازالت الوهرانية عزيزتنا
ما شاء الله بسملة روووووووووووووووووووعة يعطيك الصحةتحلية هايلة
|
المشاركة الأصلية كتبت بواسطة لمسة حنية
 معني انا اول اواااحده ترد لازمني نااكل ونشبع اولا ااااااااااااااااممممممممممم
روعه ماشاء الله اختى ومووووووووووووووووووفقه تسلمي راكي شهتنيني في نص ليليلي |
|
المشاركة الأصلية كتبت بواسطة لمسة حنية
يابسملة هذا لازمني نطبقه راهو راااااااااائع
الله الله خاصه فيه شيكولاطه ماشاء الله تبارك الرحماان نقلك يعطيك الصحة راكي فحله اختى |
مشكورة حبيبتي و الله فرحتيني بزاف كوليه كامل راهو ليك حبيبة
طبقيه بصحتك و كاش سؤال راني في الخدمة
|
المشاركة الأصلية كتبت بواسطة أم ماجد
الله يبارك ماشاء الله ماقعدتش للوقت المتأخربلافائدة ابدعت بسملة الله يخليك
شاطرة هههههههههههه اليوم شبعت تحليات في القمة مازالت الوهرانية عزيزتنا |
تسلميلي حبيبتي هذا الكلام تاج فوق رأسي أنت سيدة الإبدآآاع
نتمنالك التوفيق و راني نستنا في الوهرانية معاك ههههه
|
المشاركة الأصلية كتبت بواسطة zhor1970
ما شاء الله بسملة روووووووووووووووووووعة يعطيك الصحةتحلية هايلة
|
تسلميلي حبيبتي هذا الكلام تاج فوق رأسي أنت سيدة الإبدآآاع
ربي يخليلك البنوتة و يحفظها
|
المشاركة الأصلية كتبت بواسطة basmala farah
تسلميلي حبيبتي هذا الكلام تاج فوق رأسي أنت سيدة الإبدآآاع
ربي يخليلك البنوتة و يحفظها |
الله ايسلمك حبيبتي ويحفضلك بناتك حبيبتي انا ثاني ام البنات عندي 4 وهدي هي الصغري انحبهم اكثر من اي شيء وعلي هديك راني حاس بيكربي يحفضهملك ويوفقك امين
|
المشاركة الأصلية كتبت بواسطة zhor1970
الله ايسلمك حبيبتي ويحفضلك بناتك حبيبتي انا ثاني ام البنات عندي 4 وهدي هي الصغري انحبهم اكثر من اي شيء وعلي هديك راني حاس بيكربي يحفضهملك ويوفقك امين
|
الله يبارك و يزيد ربي يخليهمك تما راكي أم و قاع ههههههه كنت حاسباتك صغيرة ههههه تما رانا كيفكيف ههههه
أنا عندي 3 بنات ربي يحفظهم 2 راهم في التوقيع و الصغرى في الصورة الرمزية
رآنا في الهوا سوا هههههههه نشاله ربي يرزقنا بوليد نعمرو بيه حجورنا آمين يا رب العالمين
|
المشاركة الأصلية كتبت بواسطة basmala farah
الله يبارك و يزيد ربي يخليهمك تما راكي أم و قاع ههههههه كنت حاسباتك صغيرة ههههه تما رانا كيفكيف ههههه أنا عندي 3 بنات ربي يحفظهم 2 راهم في التوقيع و الصغرى في الصورة الرمزية رآنا في الهوا سوا هههههههه نشاله ربي يرزقنا بوليد نعمرو بيه حجورنا آمين يا رب العالمين |
ماشاء الله عليهم وربي يحفضهم ويفرحك بيهم حبيبتي ايه رانا كيف كيف
انشاء الله ياربي يرزقك ويرزقني ويرزق كل محروم يارب
ماشاااء الله
بسملة : انت فنانة
والفن يشمل كل شيء
ابداع …افكار ….ديكور … يا سلاااااااااااام
تسلم الايادي
بسملة ابدعتي حبيبتي ربي يوفقك
4444444444444444444444444444444444444444444444
مممممممم ما شاء الله يسوم روعة حبيبتي ابدعتي و نوعتي و جبتي افكار جديدة