سلام لبنات
راني حابة تعونوني بكاش وصفة بنينة و مميزة تاع الكروفت
غدوة نذيرو للغدا
بلييييييييييييييييز
راني حابة تعونوني بكاش وصفة بنينة و مميزة تاع الكروفت
غدوة نذيرو للغدا
بلييييييييييييييييز
نقدري تديريها سوب ولا بوراك ولا تطيبيها صوص وتديري معاها مقرون ولا سباقيتي بيضة ولا روز بيض..سوفي لا سوب ديرها الخضرة والبصل و2 سنسنات توم مقطعين 1/2مغرف طماطيش مصبرةوالكمون فلفل وملح وتقلي كلش مبعد تمرقي وكي يطيبو ترحي كلش..2-البوراك طيبي 2 حبات بطاطا قطعيهم وغليهم اهرسيهم زيديلهم ملح وكمون ومعدنوس وقلي الكروفات مع التوم ملح وزيت وكي تكيب هرسيها شوية بفرشيطة و زيديها لبطاطا و ديريهم حبة بيض وفرماج واحشي الديول واقليهم..3-صوص بالكروفات ديري كروفات +ثوم+زيت+ملح+كمون+فلفل+2حبات طماطيش مرحية+2مغارف طماطيش مصبرة+رند قليهم زيدي شوية ما كاش كاس ونص وخليها تطيب على نار قليلة….دركا تقولي واش جاب الكروفات للجلفة نقولك انا من بواسماعيل وان شاء الله نكون عاونتك