السلام عليكم ورحمة الله تعالى وبركاته
فى لول حابة نشكر عضوات هذا المنتدى الرائع لانى بسببهم حبيت الطبخ لكنت نكرهو وبديت نجرب مرة تصلح ومرة لا بصح خير ملى كنت مسخرة ومنعرف والو اليوم بفضلكم نسلكها كى نحصل والفضل الاول لربي سبحانو المهم منطولش عليكم انا جربت الكحلوشى تع الاخت رمضانة وبالفعل جا روووووووووعة وعجب الدار كاملة بصح حصلت فى حاجة كى جيت نغطسو فى المعجون والشكولا الخليط تعهم كان عاقد بزاف كى نخرج الكعبة نحسها ثقيلة بزاف ولقيتش كيفاه نقص من الخليط جربت نصب عليها ماصلح خاطر خفيف ياسر ويتفتفت بلييييييز ساعدونى المرة الجاية راح نطيبو ونديه لخالى حبيت يكون الشكل تيعو باهى كيما طعمتو
وفى الاخير الشكر المسبق لكم جميعا تحياتى
هادا كحلوشي نتاع الصح
شكرا اختى الكريمة راح ننتظر بقية العضوات الكريمات
اهلا اختي كي تذوبي الشكولا خلطيها مع المربى راح تتحصلي كيما قلت على خليط ثقيل خففيه باي عصير برتقال كبي بالشوية وحركي حتى تتحصلي على القوام المليح
وبالتوفيق
شكرا اختى ام رامى جزاك الله كل خير