السلام عليكم
يعطيكم الصحة الشطارة و لا خلي
انا نحب بيتي ديما نقي و دايما واقفة عليه
بصح ملي زاد عندي زكريا نقصت شوية
انا عاملة من نخرج 7 تع الصبح نولي على 5 تاع العشية
و عندي 2 اولاد ندى عمرها 3 سنين و نص و زكريا 8 اشهر
اعطيني من فضلك برنمج الاعمال اليومية للمراة العاملة
واش ماكاش في المنتدى لتخدم ولا الخدامات تاع المنتدى ميخدموش الشغل في الدار
السلام عليكم
انا اعمل لكني لست متزوجة
لكن نصيحتي لك
ان الاعمال المهمة قومي بها صباحا قبل الذهاب لعمل
وبعض الاعمال في المساء
واكيييييييد استغلي عطلة الاسبوع في التنظيف الكلي و غسل الملابس و غيرها
المهم اعرفي كيف تقسمي وقتك بين اعمال الصباح و المساء
وفقك الله
نوض وقت الفجر
-نصلي صبحي في وقت
و-نطيب قهوتي
-وندير دارة على بيتي(تنظيف خفيف ونظم الحالة شوي
)-مبعد نضم طاولة الغداء نحط صحون و الكيسان يعني لوازم الغدا باه كينجي على 12نسخن لغدى برك الي طيبتو الامس مع عشايا
-نوجد روحي و نروح لخدمتي بعد ما نخلي بنتي عند
-كي نجي على 12 نسخن ماكلتي و نتغدى انا زوجي و نغسل ماعيني يكونو خفاف
-ثم نروح لخدمتي و كي نرجع على 4 نريح شوي ونصلي ونشرب قهوتي نوض مباشرة نطيب عشايا مع غدايا و كي نكمل نقي داري (نقع المرحاض و الحمام بالجافيل
-نمسح الغرف
-نسيق حوشي
-نجفف داري الا كوزينة نمسحها كي نغسل ماعين لعشا
– اما ميناج لكبير مع غسيل الملابس نخليه يومي السبت و الجمعة)
ارحو نكون افدتك
شكرا سالي و ليلى
فايزة يعطيك الصحة
انا ملي نروح ع 7 تاع الصباح منجيش حتى 5 تاع لعشية بصح قوليلي على حساب هكذا واش من ساعة ترقدي في الليل باش الصبح تنوضي بكري