السلام عليكم و رحمة الله و بركاته
انا بديت نفطم بنتي و صدري راها مزيرة عليا و مشدودة و مقلقتني
ربي يخليكم قولولي على الحل بسرعة من فضلكم
و ربي يجعلها في ميزان الحسنات
وعليكم السلام اختي و الله المسالة كلها 3 ايام وخلاص الا ما قدرتيش ديري compresse في ماء دافي و حطيه على صدرك قالتهالي الطبيبة ربي يعاونك سلام
السلام عليكم اختي العزيزه يعطيك الصحه لانك قدرتي تفطميها و مشكله الصدر لن تطول عليك بالصبر وصبي علي صدرك ما سخون شويه….تقدري تتحمليه… و كمدي بالكومبراس
السلام عليكم. اختي انا ايضا فطمت بنتي شوفي لنا اليوم الاول ما اعطيتهاش و اليوم الثاني لما نامت طول وناضت تبكي اغطيتها فرغت صدري مليح. وخلاص لكن ادا فات الحليب فوق3يصدرك راه يضرها لا تعطيها. بعد مدة 10ايام او اسبوع دخلت للحمام وفرغت صدري ييدي لما تزير عليا بزاف لان إنتاج الحليب ما كانش فرغت القديم مليح مرة وحدة و الان الحمد لله راني حاسة صدري فارغ و خفيف . ربي يعاونك اختي.
ربي يعينك اختي حاولي ماتفطميهاش مرة وحدة نقصي عدد المرضعات في اليوم وماتخليهاش حتى تشبع انا جربت هاد الطريقة صح طويلة بصح ماتنضريش
بالنسبة لآلام الصدر ديري الماء سخون بالرشاش تاع الدوش على صدرك وحاولي تمسدي يخفف عليك وحطي عليهم ورق الكرم على صدرك يقولوا يحبس الحليب
اختي خرجي الحليب الي في صدرك مرة ولا زوز منبعد معادش يرجع
كيما قالولك الأخوات فرغيهم مليح من الحليب بأداة شفط الحليب كاينة عند الصيدلاني
أنا نقولك واش درت و بالاك تضحكي و لا يضحكو قاع عليا
و الله و هذي عن تجربة مدة سنين كي كنت رضع يصرالي كيما نتي بصح الحل الأسرع هو رجل أي القدم تاع الضربان يصيدوه و ينحو القدم تاعو
خالتي مخبياتو فايت 20 سنة
و كل مننضر ندير إنحكو على صدري يبدا السطر ينقص و يتفشو بلا منحلهم الحليب و الله إذا درتو الصباح العشية نولي مليحة
اختي نعطيك طريقة روعة والله تدعيلي ديري اوراق الكرمب
الكرمبيط معروف بخاصية امتصاص الدهون و من قدرة خالقنا انه جعل حليب الطفل اللذي في صدر الام غني بالدهون
كرمبيط نحي الورق و حطي كل ثدي عليه ورقة كرمبيط خليها حتى تلقايها ذبالت زيدي بدليها و هاكا حتى تلقاي صدرك فرغ والله والله مجربتها و هايلة