مسألة خدمة الزوجة لاهل زوجها 2024.

السلام عليمن ورحمة الله تعالى وبركاته
وددت طرح اشكالية اليوم الا وهي مسألة خدمة اهل الزوج هل هي واجبة على الزوجة ؟ هل هي مفروضة عليها شرعا وقانونا؟ ام هي عادات بالية ابتدعتها الحماة للسيطرة وقهر الكنة؟
مارأ]ك اختي في هذا ؟ هل ستقبلين بهذا الوضع بشكل اجباري يعني من الزوج او الام؟ ومامدى تقبلك لهذه الوضعية بالعامية كي نقوله واحد يسيف عليك حاجة متحبيش ديريها لكن كي يترك لك المجال رح ديريها ..
ما رأيك انت اخي في هذه المسألة ولا اريد ذكر حالة التي يكون فيها الزوج وحيد ابويه لا اريد الاستثناءات ؟هل ستشترط على زوجتك هذا؟
من البديهي القوم ان تلك الزوجة واجبها هو طاعة والديها وزوجها يعني لازم عليها ولو انها تزوجت تقوم بوالديها ؟ ام انا مخطئة؟
ما رأيكم

السلام عليكم اختي
شوفي كاميلا اختي الصراحة نقولوها ياخي في دارنا نخدمووما نشكوش وما نسمعوش حتى كلمة صحا نخدمو خاوتنا واهلها تقوليلي هذوك اهلها الراجل هذوك ثاني اهلو ولا حماة ولا سيطرتها البنات ما فهمتش علاه كي تروح دار راجلها تحب تتفنين ولازم تخدم راجلها وبرك
شوفي مسألة شرعا تجوز او لا ما نقدرش نقولك عليها نشوفو الردود
انا نعرف حاجة وحدة نديرها وبالسيف عليا تربيتي تحتم عليا نديرها لما نتزوج ونروح بقناعة الدار هذيك راهي دارنا الثانية مهما كانو اللي فيها قباح او عاقلين فيها كناين او لا يا اختي كل وحدة ربي يسهل عليها انا ندير واجبي غدوى من غدوى ولادي يطيحو في نسا يخدموني كيما انا خدمت اهل زوجي والشغل نتاع الدار يعيا ويخلاص مهما تعبنا لما تشوفي الرضى في والدين راجلك وفي راجلك ومهني معاك التعب كامل يروح والشغل هذا اللي يخليني ندي ذنوب عجوز واش يكون نقابل ربي بيه لالا نشوف لربي قبل العباد بارك الله فيك

اقتباس:

المشاركة الأصلية كتبت بواسطة مريم الصابرة السلام عليكم اختي شوفي كاميلا اختي الصراحة نقولوها ياخي في دارنا نخدمووما نشكوش وما نسمعوش حتى كلمة صحا نخدمو خاوتنا واهلها تقوليلي هذوك اهلها الراجل هذوك ثاني اهلو ولا حماة ولا سيطرتها البنات ما فهمتش علاه كي تروح دار راجلها تحب تتفنين ولازم تخدم راجلها وبرك شوفي مسألة شرعا تجوز او لا ما نقدرش نقولك عليها نشوفو الردود انا نعرف حاجة وحدة نديرها وبالسيف عليا تربيتي تحتم عليا نديرها لما نتزوج ونروح بقناعة الدار هذيك راهي دارنا الثانية مهما كانو اللي فيها قباح او عاقلين فيها كناين او لا يا اختي كل وحدة ربي يسهل عليها انا ندير واجبي غدوى من غدوى ولادي يطيحو في نسا يخدموني كيما انا خدمت اهل زوجي والشغل نتاع الدار يعيا ويخلاص مهما تعبنا لما تشوفي الرضى في والدين راجلك وفي راجلك ومهني معاك التعب كامل يروح والشغل هذا اللي يخليني ندي ذنوب عجوز واش يكون نقابل ربي بيه لالا نشوف لربي قبل العباد بارك الله فيك

وعليكم السلام اختي العزيزة مريم ان شاء الله توني لاباس
واش فهمت من كلامك ماكيش مأكدة من مسألة هل واجب شرعا ام لا جميل جدا واللي فهمته ايضا حسب ما قلتيه الزوجة اللي تروح تسكن مع اهل زوجها يعني هي اللي راح تحط في بالها كل هذا
اما التي ستستقل ببيتها فلا تستطيع فعل ذلك يعني موحال تخلي دارها وراجلها وتبقى في دار اهله تغسل وتكنس وتسيق
شكرا جزيلا

هي شرعا لا يوجد نص شرعي لازم الكنة تخدم حماتها المشكل ليس في خدمة شغل البيت المشكل يدوك خدامة انا لي تجي تخطب تقولي زوجت قاع بناتي لازم نزوج وليدي باش نجيب واحدة تخدم الشغل هدا هو المشكل تدي خدامة ماشي تزوج وليدها وتزيد شفت والله قيس مادير الكنة من الشغل ه مايرحموهاش ولا يقولوا مسكينة كي تمرضي ولا تكوني زعفانة في داركم يماك تفهمك بصح كوني علي يقين عند العجوزة تموتي لازم تخدمي انا اختي عند العجوزة تخدم كي تروح علي 12 تغسل تمسح وطيب وتزيد تروح تخدم كي تجي لازم طيب القهوة والعشاء وتغسل الماعن وكي يجوا بناتها تزيد تخدم عليهم والا هدرت راجلها ويماه وشيخها يزعف ويشنفوا عليه والله كي جي عندنا ظل راقدةتقولي رايحة تموت وتقولنا علي وجه زوجي مسكينة طاحت في راجل عندوا يماه وخواتاتوا هي تالية صعيبة السكنة مع العجوزة لكن كاين عجايز يخافوا ربي وتصيبي دايرة كنتها كي بنتها المهم وين طحتي

سلام….

و دعونا نقرأ آراء كل الأعضاء في هذه المسألة…

اقتباس:

المشاركة الأصلية كتبت بواسطة سومية88 هي شرعا لا يوجد نص شرعي لازم الكنة تخدم حماتها المشكل ليس في خدمة شغل البيت المشكل يدوك خدامة انا لي تجي تخطب تقولي زوجت قاع بناتي لازم نزوج وليدي باش نجيب واحدة تخدم الشغل هدا هو المشكل تدي خدامة ماشي تزوج وليدها وتزيد شفت والله قيس مادير الكنة من الشغل ه مايرحموهاش ولا يقولوا مسكينة كي تمرضي ولا تكوني زعفانة في داركم يماك تفهمك بصح كوني علي يقين عند العجوزة تموتي لازم تخدمي انا اختي عند العجوزة تخدم كي تروح علي 12 تغسل تمسح وطيب وتزيد تروح تخدم كي تجي لازم طيب القهوة والعشاء وتغسل الماعن وكي يجوا بناتها تزيد تخدم عليهم والا هدرت راجلها ويماه وشيخها يزعف ويشنفوا عليه والله كي جي عندنا ظل راقدةتقولي رايحة تموت وتقولنا علي وجه زوجي مسكينة طاحت في راجل عندوا يماه وخواتاتوا هي تالية صعيبة السكنة مع العجوزة لكن كاين عجايز يخافوا ربي وتصيبي دايرة كنتها كي بنتها المهم وين طحتي

بخصوص الشرع فقد اطلعت على عدة فتاوى منذ قليل ووجدتها كما قلت اختي ومنهم من يعقب بالقول ان من واجباتها ان تخدم والديها وتقوم بيهم هي واخوتها رغم كونهم متزوجن لان ذلك من حق الاباء على الابناء ونفس الامر ينطبق على الزوج صحيح اختي كاين وكاين لكن احنا مجتمعنا ينقصه حاجة هو انه لا يعرف ما يفعل يتبع الناس ةالعادات ولا يتبع شرع الله لهذا نحن نغرق في المشاكل والخصومات لو كان كل واحد يعرف اللي ليه واللي عليه لكنا ف ياحسن حال

اقتباس:

المشاركة الأصلية كتبت بواسطة asmaà semssouma سلام…. بالنسبة لمسألة ..قانونا و شرعا فهي غير موجودة … يعني أن القانون و الشرع لم يعطي لهذه المسألة اهتماما… فهي تبقى لقدرة المرأة على ذلك … يعني اذا كاانت المرأة تتمتع بصحة جيدة …فعليها أن تساعد أهل زوجها …لا أقول أن الأمر اجباري لكن من جهة نيل الاجر…هذا اذا كانوا عاجزين أي غير قادرين على ذلك. أما اذا كانوا قادرين و يريدون ان يعاملو الكنة كخادمة هذا أمر خطير يغضب الله تعالى… فعلى الزوجة اذا ارادت ان تكون عادلة …بالرغم من أنه غير مشروط عيلها القيام بهذا العمل … فلتعمل مثلما كانت تعمل في بيت والديها ….( يعني لا تنقص شيئا ___ اذا كانت في بيت والديها تغسل_وتطبخ و…و….و….) … فالتقم بذلك أكرر اذا كانت قادرة (بصحة جيدة) .. و أجرها على الله تعالى …وهذا لتفادي مشاكل عديدة … في حقيقة الأمر و بالنسبة لي هذا الموضوع لا يزعجني اطلاقا… لأنني بطبيعتي أحب المساعدة …و ااتمنى انا أبقى بصححة جيدة ..لمساعدة الغير … اما مسألة تدخل الزوج في هذا الموضوع …..ليس لدي فكرة محددة لكن أقول…حسب ظروف عائلته … هذا من وجهة نظري … بارك الله فيك على الموضوع لانها مسألة مهمة جدا يجب ان يعي بها الفرد.. و دعونا نقرأ آراء كل الأعضاء في هذه المسألة…

ربي يقدرك على دارك ودار راجلك ووالديك متنسايش والديك وربي يعطيك الصحة

ياو بنات هذا الوقت ايلا خدمو غير ارواحهم راهم ملاح …..ام الزوج راهي سايلة عليهم باش يخدموها؟؟ ….ذرك الزوجة راهي تطمع في ام الزوج تخدمها ماشي العكس .

اقتباس:

المشاركة الأصلية كتبت بواسطة sarl02 ياو بنات هذا الوقت ايلا خدمو غير ارواحهم راهم ملاح …..ام الزوج راهي سايلة عليهم باش يخدموها؟؟ ….ذرك الزوجة راهي تطمع في ام الزوج تخدمها ماشي العكس .

ياو ماكانش علابالي انت ادرى

اظن ان واجبها خدمتهم حتى تنال رضى زوجها كدا رضا الله ، اضف الى دلك انها تخدمهم كما كانت تخدم عائلتها ، فهم عائلتها الثانية وشكرا .

مساء الخير اختى كاميليا
من وجهة نظرى قضية قانونا وشرعا هذى الله اعلم فيها لان الامور لا اعتقد تصل لهذه المرحلة
لكن الانسان فى كل الاحوال يعمل واجباته فى بيته امر طبيعى
الان هناك حالة من اثنان
اذا الزوجة سكنت مع اهل زوجها تصبح فرد من العائلة وطبيعى تتعاون مع العائلة يعنى تقوم بواجباتها بلا افراط ولا تفريط المطلوب منها تعملو تعملو دون ان تهمل نفسها ولا زوجها واولادها يعنى التوازن مليح
اما اذا سكنت فى بيتها وحدها فالطبيعى ايضا انها تساعد عجوزتها اثناء تواجدها فى بيتها سواء فى الطبخ او الامور الاخرى
انا اعتقد ان المسالة مسالة ذوق واحترام وتربية المبادرة تكون فردية وليس اجبارية طبعا بصح من باب الذوق والفهامة انو الانسان يشارك فى العمل قدر المستطاع
اما ان كنتى تقصدين بالاجبار سوء المعاملة وفرض الامر وقلة تقدير فهذى لا احد يقبلها طبعا بصح الامور عامة متوصلش باذن الله لهذه الدرجة
شكرا على الموضوع
موفقة

اقتباس:

المشاركة الأصلية كتبت بواسطة fatimabo اظن ان واجبها خدمتهم حتى تنال رضى زوجها كدا رضا الله ، اضف الى دلك انها تخدمهم كما كانت تخدم عائلتها ، فهم عائلتها الثانية وشكرا .

مشكورة على المداخلة بارك الله فيكي

اقتباس:

المشاركة الأصلية كتبت بواسطة النجمة القطبية مساء الخير اختى كاميليا من وجهة نظرى قضية قانونا وشرعا هذى الله اعلم فيها لان الامور لا اعتقد تصل لهذه المرحلة لكن الانسان فى كل الاحوال يعمل واجباته فى بيته امر طبيعى الان هناك حالة من اثنان اذا الزوجة سكنت مع اهل زوجها تصبح فرد من العائلة وطبيعى تتعاون مع العائلة يعنى تقوم بواجباتها بلا افراط ولا تفريط المطلوب منها تعملو تعملو دون ان تهمل نفسها ولا زوجها واولادها يعنى التوازن مليح اما اذا سكنت فى بيتها وحدها فالطبيعى ايضا انها تساعد عجوزتها اثناء تواجدها فى بيتها سواء فى الطبخ او الامور الاخرى انا اعتقد ان المسالة مسالة ذوق واحترام وتربية المبادرة تكون فردية وليس اجبارية طبعا بصح من باب الذوق والفهامة انو الانسان يشارك فى العمل قدر المستطاع اما ان كنتى تقصدين بالاجبار سوء المعاملة وفرض الامر وقلة تقدير فهذى لا احد يقبلها طبعا بصح الامور عامة متوصلش باذن الله لهذه الدرجة شكرا على الموضوع موفقة

مساء النور اختي نجمة كيما قلت للاخت راني اطلعت على راي الدين والعلماء في هذا
امر مفروغ منه كي تكون في عايلة مدامها تتقاسم السكن معاهم فلابد من تقاسم العمل اقول تقاسم العمل وليس كل شيء على راسها كيما قلتي ذوق وادب تلقاي البعض حتى كي يروحه ضياف مثلا كنا نروحه عند خالتي وخالي نعاونه خالتي ومرت خالي يعني نعاونه اهل الدار هاذيك خاصة اذا راح الانسان وبقي اكثر من يومين فمابالك وحدة ساكنة وتتقاسم المنزل
نعم اقصد كاين ناس راه حاطة في بالها انه من واجبات الزوجة تقوم باهله لا اقصد والدين كبار في السن اقصد اكثرية الشيء عايلته ككل خاوته خواتاته تخيلي ذلك؟ تخدم ف يالدار على شحوطة؟ هذا ظلم والظلم ظلمات يوم القيامة تلك الزوجة هي أمانة وليست خدامة
شكرا للمرور الكريم

اقتباس:

المشاركة الأصلية كتبت بواسطة كاميلا وعليكم السلام اختي العزيزة مريم ان شاء الله توني لاباس واش فهمت من كلامك ماكيش مأكدة من مسألة هل واجب شرعا ام لا جميل جدا واللي فهمته ايضا حسب ما قلتيه الزوجة اللي تروح تسكن مع اهل زوجها يعني هي اللي راح تحط في بالها كل هذا اما التي ستستقل ببيتها فلا تستطيع فعل ذلك يعني موحال تخلي دارها وراجلها وتبقى في دار اهله تغسل وتكنس وتسيق شكرا جزيلا

السلام عليكم
يا لالة فهمتيني غلاط
اولا مسألة الشرع ما بحثتش فيها لأنو عارفة مسبقا انا ونيتي واش معولة ندير
وماشي لازم كامل يحطو في بالهم هكذا المهم انا نفكر هكذا
لا عادي لو نسكن في بيت مستقل وقريب لعجوزتي نروح نخمللها ونغسللها ونجي لداري النهار طويل برضاية زوجي وانا ضد السكن المستقل نحب العايلة واللمة شكرا كاميلا راكي معولة على خلاها

اقتباس:

المشاركة الأصلية كتبت بواسطة مريم الصابرة [/size][/font] السلام عليكم يا لالة فهمتيني غلاط اولا مسألة الشرع ما بحثتش فيها لأنو عارفة مسبقا انا ونيتي واش معولة ندير وماشي لازم كامل يحطو في بالهم هكذا المهم انا نفكر هكذا لا عادي لو نسكن في بيت مستقل وقريب لعجوزتي نروح نخمللها ونغسللها ونجي لداري النهار طويل برضاية زوجي وانا ضد السكن المستقل نحب العايلة واللمة شكرا كاميلا راكي معولة على خلاها

انتي grave هههههههههههههههههههههههههههههههههههههههههههههههههه هه ديما الضحكيني
مي كون ماجيتيش من العاصمة وشوية كاين فروق كون اني قلت باللي انتيا مرت اخي راها نفس عقليتك تعرفي نفس التخمام مي هههههههههههههههههه مي راهي دارت حالة بعد الزواج قبل الزواج كانت تقول هاذي فرخ من الجنة ههههههه ودركا راهي الفتنة اشد من القتل امي قالت الحمد لله كي شرطت عليه يسكن وحده ههههههههههه