السلام عليكم ورحمة الله وبركاته
هذه الطريقة مجربة وناجحة 100 بالمئة والطعم صدقوني رائع
انا استعملت حبة قرع كامل الا شوية بعد ما تنقيها وتقطعيها قطع صغيرة تضعينها في القدر او الطاجين اللي تحبي اطيبي فيه تزيدي له السكر ( اذا سالتموني عن المقدار فعينك هي ميزانك) وتخليه ( اذا حضرتيه في الصباح حتى المساء تطيبيه واذا في المساء حتى الغد اطيبيه) راح تلقيها عصرت الماء ودريه على نار متوسطة ومن دون غطاء وتضيفي لها 5 او 6 من نواتها وحبة ليم مقسومة الى نصفين دون ان تنسي التحريك مرة على مرة ولما تشوفيه اوجد ترحيه وتخليه حتى يبرد امليح دريه في بوقالات انتاع الزاج
ملاحظة ما تخليهش ينشف قاع ممالماء
صدقوني المذاق رائع وماتستبنيش بنة القرع اخلاص
ملاحظة تقدري اتعوضي القرع بالدلاع او البطيخ الاصفر يخرجلك يهبل 
يعطيك الصحة فتيحة
القرع هايل للذكاء و الذاكرة ملئ بالفوائد و الفيتامينات
امي قالت لي طيبيه في كعكة و انا ما لقيتش الوقت
طبخته امي مع البطاطا حساء خضر جاء رووووووووووووعة
|
المشاركة الأصلية كتبت بواسطة remadna
 يعطيك الصحة فتيحة
القرع هايل للذكاء و الذاكرة ملئ بالفوائد و الفيتامينات امي قالت لي طيبيه في كعكة و انا ما لقيتش الوقت طبخته امي مع البطاطا حساء خضر جاء رووووووووووووعة |
السلام عليكم ورحمة الله وبركاته
دائما وفية وسباقة وردودك مشجعة
شكرا ووفقك الله الى مافيه الخير وفرحتك امين
بارك الله فيك اختى انا مره عملت هذا المعجون و جاتنى فيه رائحة القرع ما عرفتش علاش فهل من نصيحة
|
المشاركة الأصلية كتبت بواسطة فرح العمر
بارك الله فيك اختى انا مره عملت هذا المعجون و جاتنى فيه رائحة القرع ما عرفتش علاش فهل من نصيحة
|
تبعتي هذه الطريقة بالضبط؟ و اضفتي الليمون؟
انا لم اجربه لحد الأن لأن القرع في الدار يطيب في الكسكس و الشخشوخة بكميات كبيرة أكثر من البطاطا 
فور دخول القرع للدار يذهب مباشرة للقدر
أظن ان طريقة فتيحة مضمونة حسب خبرتها
|
المشاركة الأصلية كتبت بواسطة فرح العمر
بارك الله فيك اختى انا مره عملت هذا المعجون و جاتنى فيه رائحة القرع ما عرفتش علاش فهل من نصيحة
|
السلام عليكم ورحمة الله وبركاته
شكرا على مرورك
نصيحتي اتبعي طريقتي ولن تندمي باذن الله
ان شاء الله نجربو و ما عندى ما خسرت على كل الاحوال رانى نتعلم و شكرا على الرد
|
المشاركة الأصلية كتبت بواسطة فرح العمر
ان شاء الله نجربو و ما عندى ما خسرت على كل الاحوال رانى نتعلم و شكرا على الرد
|
السلام عليكم ورحمة الله وبركاته
يافروحة لا تخافي باسا ان شاء الله يخرجلك كيما اعملتو ويرضي ذوقك
وبصحة وعافية ولا تنسي ان تخبرينني لما تجربيه …..انا في الانتظار
تسلم ايديك حبيبتي فتيحة وصفة سهلة ومقاديرها بسيطة
انا عملتها بالبطيخ كي يجيني صامط اي ناقص حلاوة نعملو كحلوة الحلقوم او نعملو معجون يجي روعة
بارك الله فيك عزيزتي
انا عمري مطبخت بالقرع لاني منحبوش بصح الوصفة تاعك عجبتني وراح نجربها بادن الله شكرااااا
من عادتي نعملو ويجي روعة خاصة اذا كان نوع القرع الاحمر جيد مثل الكالاباز
ولكن ما فهمتش دور البذور هنا واش راح يعمل للمعجون من فضلك
|
المشاركة الأصلية كتبت بواسطة ام خديجة1
تسلم ايديك حبيبتي فتيحة وصفة سهلة ومقاديرها بسيطة
انا عملتها بالبطيخ كي يجيني صامط اي ناقص حلاوة نعملو كحلوة الحلقوم او نعملو معجون يجي روعة |
السلام عليكم ورحمة الله تعالى وبركاته
جزاك الله خيرا اختي ام خديجة على المرور الطيب
اما عن مربى البطيخ الاحمر او الاصفر يجي بنين وترحيه بعد ما يطيب واذا حبيت زديله قشور الليمون وزيدي السكر
وبالهنا والصحة (عن تجربة)
|
المشاركة الأصلية كتبت بواسطة miri_27
بارك الله فيك عزيزتي
|
السلام عليكم ورحمة الله وبركاته
جزاك الله خيرا يا اختي ميري على الرد الجميل
|
المشاركة الأصلية كتبت بواسطة ام ظافر
من عادتي نعملو ويجي روعة خاصة اذا كان نوع القرع الاحمر جيد مثل الكالاباز
ولكن ما فهمتش دور البذور هنا واش راح يعمل للمعجون من فضلك |
السلام عليكم ورحمة الله وبركاته
جزاك الله خيرا اختي ام ظافر وان شاء الله تجربي طريقتي ويعجبك اما عن البذور يزيدله في البنة