السلام عليكم عندي يومين ملي طيبتو
استعملت تين اسود غسلتهو و قصيتهم على 4 ممكن تعمليه حبة كاملة لكن رح يتعبك في التخزين مقسوم افضل و نحيلو راسهم خليهم يقطروا مليح من الماء
من بعد حطي سكر(فرشي بيه) في البرمة لي رح تخبيه فيها و حطي طبقة سكر و طبقة تين حتان تكمملي و الطبقة الاخيرة سكر
بالنسبة لكمية السكر انا عملت عيني ميزاني لكن حسب ذوقك انت كاين لي يعملوا نفس كمية الكرطوس سكر و كاين لي يحطو نصف كمية الكرطوس سكر انا نفضل نصف الكمية باه ميجيش حلو بزاااف
خلي هاديك البرمة في الثلاجة ليلة كاملة و غدوة من ذاك صبي فوقها تقريبا كاس ماء و حطيها على نار هادئة لمدة طويلة و قلبي مش بزاف مرة على مرة برك حتان تحسي بلي بدا يتقال متخليهوش يتقال ياسر لانو كي طفي عليه رح يزيد يتقال و خلي عينك عليه لانو ممكن يتحرق
كي طفي خليه يبرد تماماااااااااااااااا لانو يفسد كون تخبيه سخون
كي يبرد حطيه في بلارات و كي تقفلي قلبيها على راسها معرف وعلاه شفتهم يعملوا هكا 
من بعد خبيه في الثلاجة
كاين لي يعصرو فيه القارص و كاين لي يحطو فيه الفاني انا محطيت والو و جاني بنييييين يهبل لعقوبة كي ينجح معاك
موفقة
يسلموااااااااااااااااااااااا
السلام أختي البارح برك درتو نحط كمية من التين بعدما غسلتو ونحيتلو الرأس ونقسم الحبة على زوج ونحطو في كوكوطة بصح مانغلقش بلغطاء نخلي الكوكوطة بلا غطاء ونط كمية من السكر و نزيد كميية قليلة من الماء قيس مايتغطا التين ونليه يطيب علي نار هادية وكي يطيب نخليه يبرد شوية ثم نطحنو في المكسور البرا لأنو الأولاد يحبوه مطحون وسلامي الحار ياأختي
شكرا …….لقد تمت العملية بنجاح….هههههههههههه خرج بنين يهبل شكرا لكم
بارك الله فيك