مذكرات لخضر هوني في التعليم!!!!!!!!!!!!!! 2024.

يا اخواني مذكراتي في ميدان التربية و التعليم ليس كمذكرات الطاهر زبيري التي هي عبارة عن مؤمرات ودسائس و انقلابات و تصحيح ثوري وزحف نحو العاصمة وهروب الى تونس و بن بلة و ايت احمد و هواري بومدين و ما خفي كان أعظم و مانيش عارف واش ، إنما مذكراتي هي أول خلصة في التعليم و كان ذلك في نهاية 85 حيث كانت تقدر ب327 ألف للشهر حيث اعطولي ربال نتاع 3 أشهر وقدر بـمليون سنتم بالتقريب
أتدرون واش شريت بهذوك دراهم
و الله العظيم غير تلفزيون ملون نوع سونيلاك من سوق الفلاح و بمعرفة كبيرة و بسعر 700 ألف
و الجدة نتاعي التي كانت بمثابة الوالدة رفقة اخواتي فرحوا به فرحا كبيرا لا يمكن وصفه لان التلفزيون الملون كان حاجة كبيرة و الجدة نتاعي دعت لي بوحدة الدعوة زينة حين قالت لي روح يا وليدي ان شاء الله ربي يضويها عليك كيما ضويتها علينا
ربي يرحمها و يرحم سائر موتى المسلمين
و انتما………………………..؟؟؟؟؟؟؟؟؟؟؟

أنت دايما ضاو يا هوني وضويها عليك دنيا وآخرة رغم بساطة العيش كان كل شيء حلو والآن كل شيء متوفر وماعندو ذوق وبشهرية وحدة تشري جميع لوازم البيت

الفرق بيني و بينك الزمان أول خلصة شريت بيها جهاز رقمي " نيميريك" و الله دايمن يعجبوني مواضيعك يا و ليد بلادي

بارك الله فيك اخي لخضر على المذكرات التي ذكرتنا بذكريانا الجميلة مع التعليم و المتعلمين

انا لم اتذكر ماذا فعلت باول اجرة لي …….المهم نكسبها بالحلال ونصرفها في اوجه الخير

انا يا لخضر اول مرتب لي كان 6500 يعني ستمائة وخمسين الف شريت بيهم ثلاجة من المونوبريه خاطر ثلاجة الوالد كانت صغيرة .
من بعد شهر رجعت نشري ثلاجة لي للمستقبل لقيت السعر تضاعف مرتين ونصف
كيما صرات مع السكر اللي ارتفع من 2.5 دينار الى 37 دينار في 91

يا خويا لخضر ..ما رانيش معك دكور فالخلصة انا كنت نخلص 830 كمساعد في الابتدائي و انت كيفاش استاد تدي327الف راك مدوخني يا خويا ….انا شريت بربال س م ج
كنت روح بها انقري

بارك الله فيك يالخضر تعرف اول ربال انتاعي انا تزوجة بيه منذو 24سنه

أنت يا خويا لخضر يا هوني مثال للتواضع وحسن الأخلاق ، وتدخلاتك تضفي على المنتدى مسحة من الفرح والبهجة ، نحن نتابع ماتكتب لإزالة الكدر الذي يصيبنا من عمل يوم شاق ومرهق ن فشكرا شكرا

يا خويا لخضرهاذي هي مذكراتي الحقيقية.
عشت اغلب مراحل القصيدة.
اسمعها و رد لي الخبر.

https://www.4shared.com/audio/YQ4Im3nL/_online.html

أما اخوكم ميلود فكان عام 1981 بحيث كانت اجرتي 1559 دينار فأفرحت ابي ببطانية جديدة فقال لي رحمه الله كلمة بقي صداها حتى الان غطاك الله بفرش بطائنها من اسبرق

والله ذكرتني يا سي لخضر وأنا بالربال تاعي "5أشهر" حيث الأجرة الشهرية أنذاك "1985" 2040دينار .وطلع الحساب
ساعدت والدي في شراء قطعة أرض ففرح بذلك فرحا عظيما ودعالي بالخير والحمد لله.

راك بديت تسرد في المذكرات نتاعك بصح لازم نجيبوا جماعة تعلق على الاحداث التي عشتها مثل ما عملت الشروق مع الزبيري كل مرة تجيب واحد ويعطينا صورة اخرى للتاريخ ،
عموما ايام زمان كانت فيها البركة يا سي الهوني اما اليوم البركة راحت مع اجدادنا الطيبين الذين كانوا يعيشوا بالبساطة وبالقناعة والرضى بالقليل والعمل الكثير ،البركة راحت تعرف من وين من وقت طلع بن بوزيد وزير وارجع للتاريخ ستعرف ان في 91 اعتقد لما طلع وزير كانت شوية بركة كانت القولوريا والنيسلي وسوق الفلاح والناس نية اما اليوم النية تشترى بالدراهم

اقتباس:

المشاركة الأصلية كتبت بواسطة هوني لخضر يا اخواني مذكراتي في ميدان التربية و التعليم ليس كمذكرات الطاهر زبيري التي هي عبارة عن مؤمرات ودسائس و انقلابات و تصحيح ثوري وزحف نحو العاصمة وهروب الى تونس و بن بلة و ايت احمد و هواري بومدين و ما خفي كان أعظم و مانيش عارف واش ، إنما مذكراتي هي أول خلصة في التعليم و كان ذلك في نهاية 85 حيث كانت تقدر ب327 ألف للشهر حيث اعطولي ربال نتاع 3 أشهر وقدر بـمليون سنتم بالتقريب أتدرون واش شريت بهذوك دراهم و الله العظيم غير تلفزيون ملون نوع سونيلاك من سوق الفلاح و بمعرفة كبيرة و بسعر 700 ألف و الجدة نتاعي التي كانت بمثابة الوالدة رفقة اخواتي فرحوا به فرحا كبيرا لا يمكن وصفه لان التلفزيون الملون كان حاجة كبيرة و الجدة نتاعي دعت لي بوحدة الدعوة زينة حين قالت لي روح يا وليدي ان شاء الله ربي يضويها عليك كيما ضويتها علينا ربي يرحمها و يرحم سائر موتى المسلمين و انتما………………………..؟؟؟؟؟؟؟؟؟؟؟

نذكرك مليح يا سي لخضر كانت اول خلصة كانت بالضبط 3275.15 دج

اقتباس:

المشاركة الأصلية كتبت بواسطة هوني لخضر يا اخواني مذكراتي في ميدان التربية و التعليم ليس كمذكرات الطاهر زبيري التي هي عبارة عن مؤمرات ودسائس و انقلابات و تصحيح ثوري وزحف نحو العاصمة وهروب الى تونس و بن بلة و ايت احمد و هواري بومدين و ما خفي كان أعظم و مانيش عارف واش ، إنما مذكراتي هي أول خلصة في التعليم و كان ذلك في نهاية 85 حيث كانت تقدر ب327 ألف للشهر حيث اعطولي ربال نتاع 3 أشهر وقدر بـمليون سنتم بالتقريب أتدرون واش شريت بهذوك دراهم و الله العظيم غير تلفزيون ملون نوع سونيلاك من سوق الفلاح و بمعرفة كبيرة و بسعر 700 ألف و الجدة نتاعي التي كانت بمثابة الوالدة رفقة اخواتي فرحوا به فرحا كبيرا لا يمكن وصفه لان التلفزيون الملون كان حاجة كبيرة و الجدة نتاعي دعت لي بوحدة الدعوة زينة حين قالت لي روح يا وليدي ان شاء الله ربي يضويها عليك كيما ضويتها علينا ربي يرحمها و يرحم سائر موتى المسلمين و انتما………………………..؟؟؟؟؟؟؟؟؟؟؟

شكرا يا سي لحضر

ربي يرحمك يا امي ويسقيك من حوض النبي شربة لا تضمئين بعدها ابدا ابدا