هل ندفع ملف الامومة في مديرية التشغيل علما اني من ولاية سكيكدة وهل لازم نحضر انا شخصيا شكون فيكم دفعت هدا الملف تفيدني بالمعلومات اللازمو والاوراق الازمة وجزاكم الله خيرا
ملف عطلة الامومة يدفعوه في صندوق الضمان الاجتماعي cnas
يعني في الكازورال
و يمكن ان ينوب واحد اخر عنك ماشي شرط تروحي انتي
1- ats يعني شهادة العمل تاع cnas
2- ثلاث استمارات تاع متابعة الحمل
Certificat d’examen prénatal(6ème mois
Certificat d’examen prénatal 8ème mois
3- اوراق يمدوهملك في المستشفى و لا العيادة بعد الولادة و هي:
Certificat d’examen post natal
Certificat d’arrêt de travail de 98 jours
بارك الله فيك اخي الكريم
نسيت كاين زوج اوراق اخرى يسموها
– شهادة التوقف و استئناف العمل يعني يكتبلك المستخدم تاعك انك توقفتي بتاريخ كذا و استانفتي العمل بتاريخ كذا
و لازم يكون عدد الايام مطابق لعدد الايام الموجودة في ats
هي عبارة عن استمارة زرقاء صغيرة يمدوهالك في الكازورال تحطي فيها تاريخ التوقف عن العمل و تاريخ استئناف العمل و يمضيهالك المستخدم
ثاني كاين الله اعلم صك مشطوب
لكن صدقيني راح يجروك
بالتوفيق ان شاء الله
تفكرت يسموها drt
تصريح باستئناف اوعدم استئناف العمل
هاهو الرابط تاعها
كاينة منها يجروني بصح اني نحاول نوجد كل شيء وامبعد ندفع بارك الله فيك اخي الكريم
اخي الكريم هدي الورقة عندي بصح شكون يعمر الجزء العلوي من الورقة تاع الضمان الاجتماعي ولا اللي نخدم عندو
الجزء العلوي يتمثل في
هوية رب العمل من
الاسم واللقب
رقم المنخرط
الطبيعة الاجتماعية
العنوان
هادو المعلومات شكون يعمرهم مديري في العمل او كي نروح ندفعهم في صندوق الضمان الاجتماعي علما اني عندي كونترا فقط يعني غير مرسمة
|
المشاركة الأصلية كتبت بواسطة imane mina
 اخي الكريم هدي الورقة عندي بصح شكون يعمر الجزء العلوي من الورقة تاع الضمان الاجتماعي ولا اللي نخدم عندو
|
في الجزء العلوي تكتبي اسمك و اللقب و تاريخ و مكان الميلاد و رقم الضمان الاجتماعي
ثم اهم جزء و هي تاريخ التوقف عن العمل و تاريخ استئناف العمل لازم يكون مطابق لشهادة العمل و العطلة
ثم يمضي المستخدم في نهاية الجزء الاول
الجزء الثاني خاص بالواحد الي ما استانفش العمل او غير العاملين
|
المشاركة الأصلية كتبت بواسطة imane mina
الجزء العلوي يتمثل في
هوية رب العمل من الاسم واللقب رقم المنخرط الطبيعة الاجتماعية العنوان هادو المعلومات شكون يعمرهم مديري في العمل او كي نروح ندفعهم في صندوق الضمان الاجتماعي علما اني عندي كونترا فقط يعني غير مرسمة |
لا المعلومات تاعك انت . المستخدم برك يمضي في اسفل الجزء الاول فقط
شكرا لك اخي الكريم
|
المشاركة الأصلية كتبت بواسطة imane mina
شكرا لك اخي الكريم
|
لا شكر على واجب بالتوفيق ان شاء الله