السلام عليكم ورحمة الله تعالى وبركاته
صح عيدكم وكل عام وانتم بالف خير ان شاء الله
اريد ان ادخل في احدى مدارس الطبخ ولكن لا اعلم اين توجد وكم تكاليفها وهل هي مدارس داخلية ام عادية وماذا عن من لا تسكن في المدينة التي بها المدرسة ارجوك احب تعلم صنع الحلويات من فضلكم ساعدوني
اختكم نور الايمان
اختي هناك العديد من المدارس كاين مدرسة السيدة بن بريم في عين النعجة وهي نظن اغلى مدرسة وهناك مدرسة السيدة رزقي وكاين مدرسة بوكردوس باية في بازارحمزة في باجراح وكاين حفيظة عزوز في درارية وكاين مدام بن منصور في برج الكيفان وكاين وكاين ……………اما فيما يخص السعر هوما يخدمو بنوع يعني في كل حصة جي تتعلمي نوع ولا 2 في نهاية الحصة تخلصي ويختلف الثمن في نوع الحلويات يعني الحلويات التقليدية الجزائرية بثمن و الباتيسري بثمن وعند نهاية كل حصة تدي حبة من الحلوة لي تعلمتوها وادا عندك اسئلة اخرى انا في الخدمة اختي في الاخير نحب نقولك حاجة فقط انا تعلمت في مدرسة تعليم الحلويات لكنلي والله والشهادة لله اني لي تعلمتو لتم ميجيش الربع في اللي تعلمتو في مدونة الجيريا من الشافات الكبار مثل ام رامي وام اماني و ام محمد تاج وام رحاب وام ماجد والهام و فلة فوود وفايزة وحفيظة و ام كوثر وام انس وام اناس ام ياسين وام ساجد فريال و سارة ووووووو ربي يحفضهم ويحققلهم كل مافي بالهم
اختي وعلاه عليك التمرميد هذا و راكي بعيدة على المدينة
نصيحة مني شاركي في المنتدى هذا و داومي معنا
و عندك قناة سميرة والكتب تاع الطبخ واي حاجة مافهمتيهاش اكتبي موضوع هنا وسقسي والله رايحة تولي مبدعة من المبدعين في المطبخ في ظرف سنة واحدة "" سنة لا غير""
انا كنت مانعرف والو في ظرف سنة طورت من روحي بزاف و كل هذا من مدونة الجيريا "" ام رامي ام اماني فلة وغيرهن من المبدعات""
الدار كاملة يعرفو مدونة الجيريا لاني كل حاجة نديرها نقولهم انها من مدونة الجيريا
انا هذه نصيحتي ليك
راني حطيت موضوع خاص بحلويات الافراح والاعراس ابداي اتبعي فيه ورايحة تتعلمي ببلاش عندنا
https://www.djelfa.info/vb/showthread.php?t=1605400
بارك الله فيكما