السلام عليكم زملائي انا طالبة في السنة الاولى جدع مشترك علوم و محتارة ااكمل مشواري في التسيير و الاقتصاد ام في الرياضيات
فهل تساعدونني بأن تجيبوا عن سؤالي: على مادا تتركز شعبة التسيير و الاقتصاد على الحفظ ام الفهم علما ان الحفظ لدي متوسط
وأيضا تساؤلي كيف حالكم معها صعبة ام لا
هل الاجوبة تكون حسب الفهم ام الحفظ
انا في أشد الحيرة اخواني انيروا دربي بارشادكم لي
حسنا ملل الضيف من انتظاررد من صاحب المنزل شكرا
والله شعبة التسير والاقتصاد في متناول الجميع 
روحي رياضيات
و اذا راكي moyene
تسيير و اقتصاد احسن و هذه الشعبة 50 بالمئة حفظ و 50 بالمئة حسابات
و المحاسبة سهلة اذا تابعتاها و حبيتاها و حليتي اكبر عدد من التمارينات و المعامل تاعها يرفعك اكثر و
في الحفظ الاقتصاد سهل و حلو و معاملوا يرفعك ايضا و
الباقي تكوني تسلكي راسك في الراضيات و الادب و الاجتماعيات تنجحي بكل سهولة
و اذا ما تعرفيش في الفرنسية و الانجليزية معليش كي تدي 0 0
و ربي يوفقك
هذا وين بديتي شوفي بعد الفصل الثاني اختاري يعني اذا كنت مقريتيش مليح رياضيات و يلا مقريتيهاش كليا كيما حالتي فسنة اولى واش يديك لشعبة رياضيات (انا مقريتش سنة اولى و زيد جامي حليت تمرين كي كنت رياضي كانت نقاطي كارثية على كل غيرت ل علوم تجريبية اللذي كان اختياري مند البداية )
لكن اذا قريتي سنة اولى مليح و تحبي رياضيات لازم صراحة تحبيييها بزاف و تقراي و تستمتعي باش جيبي مليح فالسنة الثانية مالة روحي رياضيات تنجحي باذن الله .
d
لكن اذا اردتي ان تعملي في مجال الاقتصاد خيري هده الشعبة احسن ،
على كل انا تبانلي علوم تجريبية احسن شعبة لاننا نقراوهم كامل و كل مادة نعطيولها حقها بحكم معامل علوم6 و رياضيات فزياء 5
شعبة التسير والاقتصاد هي شعبة مميزة وهي تتوسط بين شعبتي علو التجريبة وشعبة ادب وفلسفة وهذا يعني انها تعتمد في بعض المواد على الحفظ مثل: الاقتصاد والمنجمات- القانون – تاريخ وجغرفيا .. وفي نفس الوقت تعتمد على الفهم مثل: تسير الحاسبي والمالي – رياصيات وهذا ما يجعل منها شعبة جيدة لمن هم متوسطون في الفهم والحفظ……….. والله اعلم ( اطلب الله ان يوفق الجميع في ما يتمنوا – ان شاء الله)
wlh hiya cho3ba mli7a bzafff ki tafhmi mo7asba w math sayy w lba9i kima i9tisad w 9anoune wlh hayline et rabi ywaf9ek nchllah w choufi wsh yssa3dek
شكرا جزيلا استفدت منكم الله ينجحكم و يوفقكم