خياتي راني منعرفش نطيب وحبيتكم تعاونوني باه نتعلم الطيابات الاساسية
ربي يعيشكم حطولي وصفات تاع الاطباق الرئيسية
مثل
الشربة
الكسكس والمرقى تاعو
خبز الدار
البغرير
المثوم
طجين الزيتون
ولا نسيت كاش حاجة فكروني بيها
ربي يفرحلكم قلوبكم عاونوني خياتي
وحابة الوصفة بالتفصيل
هكذا خيركم يبقا يمشي طول الحيات
ربي يستركم
ثقتي فيكم كبيرة وعلابالي راح نتعلم الطيباب وتكونو انتوما السبة
راني نستنا سلاااااااااااااااااااام
//
سسسسلآم……
انا نقلك لابغيتي تتعلمي ادخلي لواش طيبتي ليوووم والله فيها طباخات راح تتعلمي منهم وترجعي فناااااانة كيما هوما الله يبآآآآآآآآآآآآآرك,,,,,,
مشكورة اختي بارك الله فيك
حنوووووووونتي ادخلي الى صفحة تطبيقات هكااااااك تدي وصفااااااااات مجربة وناااجحة وربي يوفقك
Aham wasfa hia sabr wa l irada toma lmomerassa rabi y3awnek wa tet3almi kol chi
بغرير مجربوالكل يشكرو فيه جربيه
https://www.djelfa.info/vb/showthread.php?t=954922
https://www.djelfa.info/vb/showthread.php?t=1748307
https://www.djelfa.info/vb/showthread.php?t=1166842
السلام عليكم
وربي يفرح كل وحدةشاورت عليا و samahsamah ربي يفرح قلبك
https://www.djelfa.info/vb/showthread.php?t=1362916
أختي هدا خبز الدار ام اماني جربتو جاني روعة ان شاء الله يصلحلك
نصيحتي ليك :
1- الإرادة والصبر يعني كاين وصفات يطلبو صبر وممارسة ماشي من أول مرة تتقنيهم لازم تصبري وساعات تفسدلك الحاجة ماتفشليش لازم العناد والاصرار حتان تنجحي
2- ماشي هكذا تتعلمي الطبخ لازم تبداي بالحاجة مثلا خيري وصفة وحدة وابحثي وسقسي يعني احسن وصفة بغرير مثلا شوفي في قسم التطبيقات الاخوات واش جربو وواش من وصفة عجبتهم أكثر وأيضا ننصحك تدخلي لقسم واش طيبتي اليوم لثمة امهر الطباخات وكامل نعاونو بعضانا ديما اللي ماتعرفش حاجة تسأل واللي جربو الوصفة ينصحوها ويعطيوها الاسرار كامل.
3- ابداي بالساهل كي تنجحي تزيد ثقتك في نفسك ومع الوقت بعد عدة تطبيقات تحسي روحك تقدري طبقي حوايج اصعب وهكذا
4- انا مدايرة قائمة بالوصفات اللي حابة نتعلمهم وخايفة منهم وكل مانجرب حاجة ونشطبها من القائمة نحس بالفرحة وتزيد ثقتي في نفسي أكثر وتزيد عندي الرغبة في التحدي ونجرب وصفة أصعب والحمد لله القائمة راهي قريب تخلاص
أي أسئلة عندك انا في الخدمة ابداي بالوحدة ماشي بالجملة ورانا هنا خيري حاجة وحطي موضوع استفسار عن احسن وصفة لحاجة معينة حابة تتعلميها وحنا نجاوبوك نعطيوك الرابط نتاع وصفة مجربة ومضمونة ونعطيوك النصائح باش تنجحي فيها
تحياتي