فيه بعض الاخوات كانو يحوسو على وصفة المردود او البركوكس اليوم راني جبتهالكم
ملاحظة فقط المردود رقيق شويا على البركوكس و يتفور كيما الطعام 3 مرات اما البركوكس غليظ شوي بعد ما يفور يترمى مع المرقة يطبخ
المقادير
قديد او لحم مشرح او اي نوع لحم
حمص مشمخ + عدس+ فول يابس
خضر مقطعة مربعات بصل +جزر+لفت+بطاطا+كابويا
قصبر +ثوم+البهارات + طماطم مصبرة
الطريقة
نضع اللحم و الزيت و البصل في الكوكوت على النار نقليهم و نضيفليهم الملح + الفلفل الاسود + راس الحانوت + ملعقة طماطم و نمرق بحوالي 2 لتر ماء نرمي الحبوب و نتركها طيب شويا تعرفو هي تاخذ الوقت اكثر من الخضر ثم نرمي الجزر و اللفت و البطاطا نخليهم يطيبو
من جهة اخرى نغسلو المردود كي يشرب شوي نفوروه و نعاودوه المرة الاولى بالماء ثم يفور مرة ثانية و نعاودوه بالملح و الماء ثم الفورة الثالثة يوجد فيها نديرولو شوي دهان نتاع عرب
و نرجعو للمرقة نرميو الكابوية معاها الثوم محكوك + الكمون + القصبر و اللي يحب لحرور يدير
و نخلوها تعقد و تتجمر و نسقيو المردود …. و شهية طيبة
بالنسبة للي يحبوه بالكفتة يقومو اللحم المطحون مليح و يعملوه كويرات صغار نرمدوهم في الفرينة و نحمروهم في شوي زيت و نرميهم في المرقة في العشر دقائق الاخيرة و بالهنا و الشفا
يعطيك الصحة
ya3tik essaha
مانحبووووش بصح من عندك ناكلو ههه يعطيك الصحة الحبيبة
يعطيك الصحة اختي
امممممممممممممممممممم نموت على البركوكش بالقديد سمرا مع وضع 3نقاط على السين هكا نسميوه
فعلا ماكانش اطيب منو في البردخاصة لما تثلج
باين حرة سمرا ربي بيبارك في صحتك ويعطيك ويغنيك
احنا في الاخير نديرولو حليب لحظة خاثر يجي اممممممممممممممممممم
ما شاء الله … يعطييك الصحة
|
المشاركة الأصلية كتبت بواسطة حيهتى كلها امل
 يعطيك الصحة
|
الله يسلمك اختي
|
المشاركة الأصلية كتبت بواسطة oumraja
ya3tik essaha
|
شكرا ام رجا و انت ديريه هاكا و لا تطحني الخضرة
|
المشاركة الأصلية كتبت بواسطة it’s me
مانحبووووش بصح من عندك ناكلو ههه يعطيك الصحة الحبيبة
|
كلامك عسل حنونة
|
المشاركة الأصلية كتبت بواسطة zhor1970
يعطيك الصحة اختي
|
بارك الله فيك
|
المشاركة الأصلية كتبت بواسطة مقدسية
امممممممممممممممممممم نموت على البركوكش بالقديد سمرا مع وضع 3نقاط على السين هكا نسميوه
فعلا ماكانش اطيب منو في البردخاصة لما تثلج باين حرة سمرا ربي بيبارك في صحتك ويعطيك ويغنيك احنا في الاخير نديرولو حليب لحظة خاثر يجي اممممممممممممممممممم |
بارك الله فيك عزيزتي مقدسية على الرد الجميل
سمعت بزاف ناس يقولولو بركوكش
و الله بلادنا غنية بالاطباق المتنوعة الحمد لله عليها نعمة
|
المشاركة الأصلية كتبت بواسطة zahra30
ما شاء الله … يعطييك الصحة
|
شكرا اختي زهرة على المرور الطيب
بارك الله فيكم
طبق في المستوى المطلوب
السلام عليكم….شكرا لك على البركوكس احنا نسميوه العيش ويكون جاري شويه بالمرقة ونعملو معاه انواع كثيرة من الخضر وعلى راسها الحمص ..بارك الله فيك.. حرة ونص ..
شكرااااااا….هايل