اليوم جئتكم بموضوع يشغل كل من هو مقبل على اجتياز الباك
الدروس الخصوصية ما هو راكم فيها هل هي مفيدة ام هي فقط
مضيعة للجهد و الوقت و اي المواد يجب اخذ دروس خصوصية فيها
موضوع مفتوح للنقاش للجميع
و عليكم السلام
انا ارى انها ليست ضرورية ،
ان كنت ذا مستوى جيد و تعودت على العمل ذا نوعية و تعلمت طرق الحل .. الخ
فهي لن تكون ضرورية، لكن لي يعرف يستغلها لن تكون مضيعة للوقت والله اعلم
انا لما اجتزت البكالوريا لم احتاج الى دروس خصوصية و تحصلت عليها بتقدير جيد جدا و اختي كذلك و احدى صديقاتي …
و اذا اصريتي ديري في الرياضيات و خاااصة الفيزياء ،
اما العلوم فيكفي انك تتعلمي طريقة التحليلي التفسير و الاستنتاج و الاجابة على قدر السؤال و تفهمي دروسك فقط،
و نعاودلك اذا كان مستواك جيد و تسلكي راسك لن تحتاجيها ،
فقط حتى تحلي تمارين ذا مستوى عالي حلي تمارين البرنامج الفرنسي
و اخيرا ننصحك تركزي على الفهم و النوعية و ليس الكم يعني تعلمي تفهمي الحل تاع التمارين و ليس حفظه ، وديري تمارين لي عندها افكار مختلفة مشي تمرين عندو نفس الفكرة ديري 10 كيما هو و تقولي خدمت بزاف ،
نوعي في التمارين و فهمي الحل و ربي يسهل
بالتوفيق
يا اخي انا اظن انها مضيعة للوقت و المال
انها مفيدة جدا شكرا
السلام عليكم
انا اظن رايحة تكون مفيدة ان شا الله و المح ان انيس سنوسي كان يقرا دروس خصوصية و انا حابة نديرهم و غير في المواد الاساسية ان شا الله
و نسال الله التوفيق و النجاح
انا نديرهم خاصة انا ادبية يفيدونا
لا الدروس الخصوصية جيدة لان الاستاذ سيعطيك طرق و اشياء لم تطرق اليها في القسم فهي بمثابة تكملة اضافة الى تمارين عديدة لكن يجب اجتناب اخذها عند استاذك او استاذتك تع lycée نصيحة اخرى ابحث عن الاستاذ بنفسك وذلك بسؤال الذين تحصلوا على ال bac بمعدلات جيدة اناشخصيا ساقوم بدروس خصوصية في physique maths
ليست مهمة ادا كانو الاساتذة يبلغو في رسالة العلم اما في ايامنا هادي و انا لا اقصد بكلامي الكل عادو الاساتدة يحوسو على المادة فقط بحيث ضيعو التلاميذ حيث ولاو مضطرين يديرو الدروس الخصوصية باه يعوضو الفراغ اللي خلاوه بعض الاساتذة……….الله يهديهم شوهو مهنة التعليم الشريفة
السلام عليكم
كيما راك تشوف اخي …… تختلف الاراء و الافكار حول الدروس الخصوصية
وننصحك بحاجة …. متعاندش الناس !! دير ديما واش يخرج عليك
واذا كنت تريد راي الشخصي فلك ذلك
انا معارض تماما فكرة الدروس الخصوصية لاني اعتقد انها فقط للاشخاص الذين ليس لديهم القدرة الكافية للفهم او الاستعاب او ربما للاشخاص التي فاتتهم الدروس في القسم
السلام عليكم
بالنسبة لي سأقوم بدروس خصوصية في الرياضيات و الفيزياء
و الذي يستطيع الدراسة وحده يدرس وحده
و كل حسب رأيه
جدا مفييييدة .. << على الاقل بالنسبة لي ههههه
بالعكس فهي توفر الوقت والجهد + حل التمارين مع الزملاء وتحت اشراف الاستاذ وفي مدة محددة افضل من الدراسة الفردية ..
|
المشاركة الأصلية كتبت بواسطة أسير الطموح
 السلام عليكم
كيما راك تشوف اخي …… تختلف الاراء و الافكار حول الدروس الخصوصية وننصحك بحاجة …. متعاندش الناس !! دير ديما واش يخرج عليك واذا كنت تريد راي الشخصي فلك ذلك انا معارض تماما فكرة الدروس الخصوصية لاني اعتقد انها فقط للاشخاص الذين ليس لديهم القدرة الكافية للفهم او الاستعاب او ربما للاشخاص التي فاتتهم الدروس في القسم السلام عليكم |
مشكوور اخي انا اشاطرك الراي تماما ففي الدروس الخصوصية تحل 1 او 2 في 3 ساعات اما
لما تكون وحدك تقدر تحل 10 تمارين في نفس المدة
و المحاولة الفردية احسن بكثير من تلقي حل التمرين
لكن الاهم هو وجود مرجع فيه تمارين في المستوى بالتوفيق
لنا و اياكم انشاء الله