تقدم لخطبتي رجل صالح بشهادة الاقارب, كان متزوج من امراة لمدة سنة و زادت عندو طفلة, طلقها بعد سنة زواج
و انا في قلبي عدة مخاوف, …..
خايفة يكون مازالوا يحبو بعضاهم و الظروف اجبرتهم على الطلاق لانوا بزاف يحبو بعضاهم و طلقوا , و من بعد في حياتي معاه نولي مني من الكرسي او الخزانة لالا كلمة خديمة خير
خايفة تاني ما يفرحش كاي شاب بالخطبة و العرس و الحنة لانو مرت عليه هذه الامور من قبل ,
طالبة رايك كرجل , بكل صراحة جاوبني
ما نقدر انقولك والو عى خاطر مازال ماتزوجتش mais استخير الله وهو الموفق
حابة نفهم لهذه الدرجة السؤال صعب؟؟؟؟؟
لان لكل رجُل ظروفه و لكل رجل عقليته
لو كنت اعرفه شخصيا ممكن اقول رايي بصراحة
ولكن بما ان المعلومات عليه قليلة جدا
سيكون من الظُلم له و لك ان اقول لك لا توافقي
و قد يكون من التهور ان اقول لك وافقي و تزوجيه
المهم انتي قبل السحور بنصف ساعة
قومي صلي ركعات و ادعي ربي و صلى الاستخارة
يا أختي والله لا اعرف بما انصحك المهم عن نفسي لا اقبل المطلق و لو كان عمري 40 خاصة رجل طلق بعد مده قصيرة لكن نختلف انا و انتي في ظروفنا و شخصياتنا…أنا لي نوصيك عليها سقسي مليييييييييييح علاش طلق و سمح في بنتو و لا ولدو؟؟عندو عادي ما حملش عليه و لراحتو…ربي يعطيك أحسن الامور يا رب
العرس الاول ما يجي كي العرس الثاني في الفرحة………..وانا نقولك اسنخيري ماخاب من استخــــــــــــار
|
المشاركة الأصلية كتبت بواسطة ربي اتوب اليك
 حابة نفهم لهذه الدرجة السؤال صعب؟؟؟؟؟
|
ياختي قريت الموضوع و كنت خارجه بلا ما نرد حتان قريت ردك هذا
ايه ياختي ولله لسؤال صعيب
الحاجة لي هبتها من الموضوع انك كيما قلتي كان يحبها و فوقها عندهم طفلة
لي نقدر نقولهالك زيني نيتك و استخيري
بدون لف ودوران …اذا كان انسان لباس بيه وولد ناس اتكلي على ربي ووافقي ..وخليك مالبريكول هذا تاع يفرح بالخطبة والزواج وبلاك كانو احب طليقته الاولى وووو…..يا اختي اطلبي الستر والزواج راه صعيب والراجل اي وضعية اكون فيها سعد لمن طار اذا ما وافقتيش عليه انت 100 وحدة توافق عليه بعدك ..كوني واقعية وخمي بعقلك وربي اسهلك.
يعطيكم الصحة على الردود
حبيت نقوللكم انو معلاباليش لاكان يحبو بعضاهم ولا لالا
و سبب الطلاق , بعد الزواج مباشرة باباه مرض حكم الفراش و كيما علابالكم كبير الدار كي يمرض الفاميلا كامل تجيه القريب و البعيد يعني ولات دارهم الله يبارك ما تفرغش من الضياف, و هي (الزوجة الاولى) الله يهديها كانت تحب ديما تخرج يعني كل يومين و لا تلاتة , و يماه مرة كبيرة رح تقيم المريض و لا الضياف, كي هدرو معاها قالتلهم انا عروس جديدة و نتوما رح ديروني بونيشة على الضياف , بمعنى اخر كانت طايرة … و هي اللي طلبت الطلاق بعد ما مات باباه , و الشرع مد الطفلة للام بطبيعة الحال , و الحكاية دامت سنة
و انا كل ما نصلي الاستخارة ما نحس بوالو بعني عادي ماني مقلقة , ما ني فرحانة…
و ماعرفتش نوافق و لا لالا
انصحوني الله يستركم
و صح فطوركم
؟؟؟؟؟؟؟؟؟؟؟؟؟؟
????????????????
أنا العام الي فات خطبني واحد مطلق عاش مع مرتو عام برك و طلقوا بسبب الأهل و كان عمري 23
كنت زعمة رايحة نقبل بيه شكلوا زين و أخلاقوا عالية قالولي ، و أكبر محامي في منطقتنا ، انا في داخلي مكانش عاجبني لأنو مطلق بصح غرني المظهر نتاعوا
صليت استخارة شحال من مرة و مبعد ماكتبش المكتوب و الله غير راح وحدو مانيش عارفة كيفاش حتى راح
و ذرك الحمد لله تخطبت بخيار الرجال و ماشي مزوج من قبل و الحمد لله.
شوفي اختي اذا كان واحد مطلق ماشي عيب ممكن تكون المراة هي الظالمة
بصح اذا كان عمرك يا اختي ماشي كبير ارفضي علاش حتان تدي واحد مجرب كل شيئ و شابع زواج ، تكوني انت كل شيئ عندك جديد و عندو طعم بصح هو يكون بارد
و زيد قولتي هي الي طلبت الطلاق يعني ماشي هو ، يعني ممكن مازال يحبها وتعيشي انت معاه و تكوني بعيدة عليه في نفس الوقت
المهم يا اختي صلي الاستخارة و ربي اذا شايفلك فيه الخير راكي ماتعياي في دارو ، و اذا ربي شايفلك فيه الشر راكي ما تديهش
أختي اذا متأكدة ناس ملاح و متدين تكلي على ربي مدام طلق
مي حاولي تستفري على واش طلق قبل؟
بالاك الغلطة منو
ويمكن يكرهلك حياتك واذا كان منها
تكلي على ربي و ربي يهنيكم
واذا كنت صغيرة في السن ما تقلقيش أصبري شوي
السن تاعي 33 سنة و هو 37 سنة
بسم الله الرحمان الرحيم
السلام عليكم ورحمة الله تعالي وبركاته
اختاه لا خاب من استخار احسني الظن بالله . وما ندم من استخارالخلق وشاورالمخلوقين المؤمنين وتثبث في امره فقد قال الله عزوجل *وشاورهم في الامر فاذاعزمت فتوكل على الله* ولك ان تعيدي صلاة الاستخارة ااكثر من مرة