يا خوتي كنت راقد على امان الله حتى جا الوالد نوضني ومدلي الخبر وقلي قرا واش كتبولكم ( يبينلك بلي الوالدين هوما اكثر الناس لي راهم يقارعونا مالا ان شاء الله حتى واحد مايخيب والديه )
على كل حال فالخبر قالو بلي وزارة التربية فالفصل الثاني هي لي تبعث اختبار نموذجي في كل المواد يعني مثل الباك التجريبي مرفق بالتصحيح واختبار الفصل الثاني ديالنا يكون يعني مثل الباك تماما ، دارو هاذي المبادرة باش يتوقعو نسبة النجاح ، يا ريت المدراء يطرافيكو شوية فالنسب باش الوزارة تسهل اكثر من الامتحانات الي بعثوها
وقالو انو امتحانات نموذجية و اسئلة الباك تطيح كيما هي تماما ، لذا انساو الفصل الاول و حضرو من درك للفصل الثاني ونهار لي تكملو الاختبارات احكمو نقاطكم لي ديتوها فالاختبارات و حسبوها بالمعاملات وشوفو معدلكم لانو اذا كتب ربي ماغديش تهبطو على ذلك فالبام لانو مستحيل يعضبو على الامتحان النموذجي لي يبعثوه مالا مثلا لي يجيب فيه 11 عرف بلي اذا قاع صراولو ماشكل ماغديش يهبط تحت 10 و اذا نزل عليه العلم كيما نقولو حنا ماغديش يفوت 12
وقبل ماننسى حتى البارام هو نفسو لي فالباك 
راني طولت عليكم الله غالب نوضوني بكري وماصبتش شاندير 
الله يوفقكم
خويا انيس واينا جريدة قريت هدا الموضوع
و كشما قالو على تحدييييييييييييييييييد البرنامج
فالخبر العدد تاع امس الخميس في جزء الوطن
وبخصوص التحديد ماقالو والو لكن اكيد غادي يكون فيه تحديد
ماتقولش هكذا البكلوريا النموذجي في الفصل الثالث
راك غالط اخوي
الباكالوريا اغلب اسئلتها من الفصل الاول والثاني لان الاغلبية مايكملوش البرامج
|
المشاركة الأصلية كتبت بواسطة brahimzadi
 ماتقولش هكذا البكلوريا النموذجي في الفصل الثالث
|
لأول مرة تعرض على أقسام النهائي
بكالوريا نموذجية للتنبؤ بنسبة النجاح
أرسل الديوان الوطني للامتحانات والمسابقات دليل بناء امتحان شهادة البكالوريا لأول مرة في تاريخ هذا الاختبار لجميع مديريات التربية، على أن يتم توزيعه مباشرة بعد نهاية العطلة على جميع أساتذة القسم النهائي وفي مختلف المواد والشعب.
أكدت مصادر ”الخبر” أن الدليل الجديد الذي بلغ أمس جميع مديريات التربية على مستوى الوطن، ينتظر أن يتم توزيعه على جميع أساتذة الثانوي في مختلف المؤسسات التربوية مباشرة بعد العطلة التي تبدأ اليوم، يجري في الوقت الحالي، بحسب نفس المصادر، الإطلاع عليها من قبل مصالح الامتحانات على مستوى مديريات التربية قبل عرضها على التلاميذ.
ويضاف هذا الامتحان الجديد النموذجي إلى امتحان البكالوريا الأبيض الذي يُجرى في العادة في شهر ماي من كل موسم، حيث يتكون الدليل الجديد في بناء اختبار امتحان البكالوريا من 25 صفحة خاص بكل المواد وكل الشعب، حيث يقدم الموضوع المعروض على تلاميذ الأقسام النهائية برفقة الإجابة النموذجية وسلم التنقيط من أجل قياس مدى استيعاب التلاميذ للدروس في مختلف المواد.
كما يحتوي الدليل على توجيهات للتلاميذ من خلال اختيار الموضوع وهيكلة الاختيار وكيفية تقييم الإجابة، ناهيك عن مدة الاختبار والمعاملات لكل مادة في الامتحان بهدف التحضير النفسي للمقبلين على البكالوريا، كما يوجد في الدليل أيضا مواقيت ومعاملات الامتحان في كل مادة وشعبة مرفوقة بسلم التنقيط والتصحيح.
وذكرت ذات المصادر أن مواضيع الامتحانات مستوحاة من البرنامج الدراسي لهذا الموسم، حيث سيجتاز التلاميذ هذا الامتحان في نهاية الفصل الثاني، على أن يكون نموذجيا على أساس العلامات النهائية المحصل عليها في هذا الاختبار، من خلال معرفة نسبة النجاح التقريبية في امتحان شهادة البكالوريا.
ويأتي هذا الدليل مباشرة بعد انتهاء عملية تسجيلات التلاميذ لاجتياز البكالوريا في جوان القادم، والتي تمت عن طريق الأنترنت وبصورة عادية في الثانويات.
شكرا لك أخي على هذا الخبر المفرح
شكرا لك اخي …..بالتوفيق
واااااااااو خبر مفرح
واخيرا جانا خبر على الباك تاع السنة
ان شا الله كامل فوق العشرة
سسسسسسسككككككككرررا خويا و الله غير فرحتني بزلف هكدا على الاقل نعرفو المستوئ الحقيقي نتاعنا
يعطيك الصحة أخي
ان شاء الله برك تتحقق
تحياتنا للوالد الكريم
ربي يوفقنا
شكرا خويا انيس او العربي واش ماكان اسمك على الخبر
ان شاء الله نجيبوا اكثر من 10كلنا
موفقين جميعا باذن الله
شكرا لك اخي على الخبر ان شاء الله نجيبو معدلات ملاح في الفصل 2 وننساو الكارثة تاع الاول و يطلع المورال
انشاء الله الكل ياخذ فوق 10 يارب النجاح للجميع قولوا اميييييييييييييييييييين