لاحظت ان معضم العضوات المبتدات راه عندهم مشكل في صنع الحلويات وديما تفسد في الشكل او المذاق اليكن بعض الطرق الي نستعملهم في الحلوة
**باه الحلوى اجيك شابة اتبعي هذه الطرق واكيد رايحة تنجحي من اول وهلة وناس كامل تنبهر بالحلوى انتاعك
1/ عجينة تاع الحلوى مثل { الدزيريات المشكلة قرن الغزال سكندرانيات الرزمة….. الخ كل حلوى الي تتغلف بالعجينة لازم تكون القاعدة
من 200 غ فرينة الى 300 غ فقط +75 غ زبدة التوريق مذوبة وباردة باه تتفداي الكويرات+ 1 م ك لفاني والعجينة لميها بماء الزهر+ ماء مخلطين لماذا / لانه لوكان ديري ماء الزهر وحدو راه يطلق المرورية في العجينة.
والعجينة وتكونش جارية وغطيها في كيس او ورق شفاف وترتاح قدما ترتاح العجينة تنحل باخف والحلوى اجيك شابة
2/ الحشو او العقدة لازم تعرفي القاعدة اي حلوى تحتوى على لوز او كوكاو اطحنيه وسط يعنى فوق الرقيق ثم صيريه باه ايكون على حبة واحدة
في 500 غ كوكاو او لوز اضيفي 300 غ سكر احرش نعم احرش مشي ناعم هذه غلطة الجميع+1 م ك لفاني +مبشور الليمون باه البنة اتكون شابة وخلطي العجينة انتاعك بالبيض مضرب ديري غير بالحبة وخلطي مليح لازم العقدة متكونش جارية بالحلوى اجيك شابة ومشي طايحة وخليها ترتاح 4 ساعات
وهذه الحشوة تصلح لكل حلوى حشوتها مكسر حتى مقروط اللوز ايجيك روعة
3/ شكلي الحلوى انتاعك عادي ولكن اتروكيها ترتاح مدة من احسن ليلة كاملة وغدوة من ذاك طيبيها باه تشد الشكل وفي الطهى متهبطش وتكون في سنوى مرشوشة بالفرينة وتطهى 15 د على 160 د فقط لاغييييييييير وكي تخرجيها من الفرن اتروكيها ترتاح شوية تشد روحها عسليها بعسل مضاف اليه ماء الزهر+ عطر البرتقال { الزهر } والعسل ايكون ساخن وخفيف وعسلي الحلوى انتاعك من 2 الى 3 د حتى تتشرب الحلوى ثم صفيها وديريها في ليكسات
4/ بالنسبة مقروط اللوز كي تخلي الحشوة ترتاح من بعد شكلي حربوش وسويه مليح من الجانبين وقطعي مقروطات اعبر 2 اصابع وقطعي لازم الحبة متكونش كبيرة لانه رايحة تترمد في سكر ناعم{ شوفو هذه الصورة}
إضغط هنا لرؤية الصورة بحجمها الطبيعي.
ومبعد خليه يرتاح مدة وطيبيه في سنوى مرشوشة بالفرينة مدة 1/4 ساعة {15 د} على 150 الى 160 د فقط لاغير ثم يبرد شوية وجدى الشاربات { كيلة ماء + كيلة سكر احرش} يطهى 20 د فقط ثم اغطسي حبات الحلوى في الشاربات دافية لوكان اديروها سخونة الحلوى ترجع عجينة ثم رمديها في سكر ناعم غربليه 2 مرات في السيار الرقيق باه تشوفي اذا راه فيه السكر لحرش لانه هو يفسد الحلوى الي تطلى بالقلاصاج وتترمد +1 م ك لفاني لتعطير
5*/ الحلقة القادمة نعطيكم الكوكاو المرحي رقيق واش تعملي بيه وبعض العفسات
انتظروني مع وصفة المقروط تاع الكوشة معسل نظرا لكثرة الطلب وهو ناجح من اول تجربة لكم تحياتي
شكرا على الموضوع المهم
دائما مميزة اختي ياسمين
الله يخليك الله يحفظك الله يعليك ويهنيك
يعطيك الصحة اختي بارك الله فيك
كل اناء بما فيه ينضح واناء ياسمين دائما ينضح بالكرم .دمت عضوة وفية لهذا المنتدى .
تسلمي مشكوره
مشكووووووووووووورة
بارك الله فيك و يعطيك الصحة
بصح ما طوليش علينا رانا نستناو في البقية.
شكرا على المعلومات وجزاك الله خيرا فى الدنيا والاخرة دمتى لنا بنيتى
بارك الله فيك
في انتطار بقية الموضوع
الله يفرحك في الدنيا والاخرة ويعطيك واش تتمناى علمتينا الله يزيدك علما
choukran bzf okhti
بارك الله فيك و جعله في ميزان حسناتك