يوم عندي وصفة تخليكم تنساو بلي هادي لوبيا اطويلة
نوريلكم الصورة ومن بعد نبدا فلاروسات
وهذا مقطع عرضي
نبدى المقادير:
1/ لازملنا لوبيا ماشطو تكون جديدة اللي تمتم تتكسر في يديك (بحال طرية ) انزعيلها الرئسين فقط اغسليها وغليها بالماء والملح او فوريها بالملح وفلفل اسود طفي عليها خليها تبرد
2/ لحم مرحي انت وقدرتك مثلا نجيب قيس نصف رطل نضيفولو ملعقة اكل روزمرحي ولا حب (من الاحسن مرحي ) باه يشد روحو انا ديما نخدم بقدر 200دج تبليه بالفلفل اسود وقسبر يابس مطحون واخضر مقطع وثوم مرحي وبياض بيضة او بياضين وملح شوية كمون نخلط الكل ونشكل اصابع من اللحم كما في الصورة
ثم نبدا بتسييج اللحم باللوبيا كما في الصورة ونضغط عليه جيدا حتى تلتصق اللوبيا باللحم بحيث يكون طول حبات اللوبيا متجانس (الطويلة مع الطوية والقصيرة خليها من بعد اصنعيها مع القصيرة ) كما في الصور لما تخلصي حبة جيبي خيط خاص بالطبخ او عادي المهم يكون نضيف ولويه على اللوبيا بشرط ماتضغطيش بزاف عيها بالخيط وماترخفيهاش بزا ف شي خمس او ست لفات ولاداعي انك تحزمي الخيط وحدو رح يتشد كما في الصورة :
هادي الخطوة انا نسيت مادرتهاش بصح لازم تديروها بمقص ولا موس جانبي كل حبة قصوهم باه تكون على طول واحد ويكون شكلها جميل مش كيما راهي فالصورة
ركزو الخيط لوين راه واصل مش غير فالوسط باه ماتتفتحش من بعد كي ننزعو الخيط
وهادو الحبات كملتهوم وزايدلي اللحم درتو على شكل كورات
** اللصوص
حبة بصل الزيت او ازبدة نضيفولها ثوم فلفل اسود رشة ملح ثم الماء طماطم مصبرة وحبة طماطم نخلوها حتى تغلي لما تغلي نضيف حبات اللوبيا حطيهم غير بشوية لازم لمرق يغمر كامل اللوبيا
رجعوها تطيب لما تحسو اللحم دخلو الطياب انزعو حبات اللوبيا ماتخلوهم يطولو بزاف رح تفسدلك الطبخة ويتنزع اللحم عن اللوبيا
قد ما يبردو انزعي الخيط من كل الحبات وحافظي عليها بشوية ماتنسايش رجعي المرق يعقد حتى تبقى ربع الكمية ضيفيلها (فنجان ماء مخلط بالفرينة )باه تثقال ضيفي رشة فلفل اسود وطفي عليها
رجعي لحبات اللوبيا وجدي زوج حبات بيض مضربين وفيهم رشة ملح
وصحن ديري فيه الفرينة وصحن اخر ديري فيه لاشابور (خبز مرحي)
ابداي رمدي كل حبة فالفرينة اولا ثم فالبيض ومن بعد فلاشابلور حتى تكملي كل الحبات وجدي الان مقلاة كبيرة توفال فيها زيت مش مغمورة ابداي اقلي الحبات وكل مرة غيري الجهة حتى تحمر (كيما تقلي المعقودة )مليح حطيهم في ورق ماص زيت
اثناء التقديم حطي الحبات فالوسط قسميهم على زوج سقيهم بلاصوص اللي طابو فيها وفيكي كاضافة تقلي البطاطا بشكل دوائر وزيني حواف الصحن
ملاحظة تقدري تديري لاصوص بيضا بدل الطماطم مصبرة تديري زعفران انا نحبها بيضاء تجي بنينة بزااف
قولولي وش رايكم فالطبخة وكاش اضافة من عندكم ممكن نزيدوها لطبخة مكاش مشكل
احنا كي نديروها الصحن يرجع فارغ هههههههههههه واللوبيا اللي كنا نتكبرو عليها سابقا هههههه نتمنى يعجبكم اطبق
في انتظار ردودكم تعبت باه حطيتو* منقول للفائدة*
تعطيك الصحة والله حاجة فور أنا نحب اللوبيا حنا نقول لها مونجتو وأكيد نجربها ونقوللك الى تحصلت على الشكل .
مشكورة على الوصفة عزيزتي
و الصور الله يبارك شوقتيني نجربها
|
المشاركة الأصلية كتبت بواسطة aridj 23
 يوم عندي وصفة تخليكم تنساو بلي هادي لوبيا اطويلة
نوريلكم الصورة ومن بعد نبدا فلاروسات وهذا مقطع عرضي نبدى المقادير: 1/ لازملنا لوبيا ماشطو تكون جديدة اللي تمتم تتكسر في يديك (بحال طرية ) انزعيلها الرئسين فقط اغسليها وغليها بالماء والملح او فوريها بالملح وفلفل اسود طفي عليها خليها تبرد 2/ لحم مرحي انت وقدرتك مثلا نجيب قيس نصف رطل نضيفولو ملعقة اكل روزمرحي ولا حب (من الاحسن مرحي ) باه يشد روحو انا ديما نخدم بقدر 200دج تبليه بالفلفل اسود وقسبر يابس مطحون واخضر مقطع وثوم مرحي وبياض بيضة او بياضين وملح شوية كمون نخلط الكل ونشكل اصابع من اللحم كما في الصورة ثم نبدا بتسييج اللحم باللوبيا كما في الصورة ونضغط عليه جيدا حتى تلتصق اللوبيا باللحم بحيث يكون طول حبات اللوبيا متجانس (الطويلة مع الطوية والقصيرة خليها من بعد اصنعيها مع القصيرة ) كما في الصور لما تخلصي حبة جيبي خيط خاص بالطبخ او عادي المهم يكون نضيف ولويه على اللوبيا بشرط ماتضغطيش بزاف عيها بالخيط وماترخفيهاش بزا ف شي خمس او ست لفات ولاداعي انك تحزمي الخيط وحدو رح يتشد كما في الصورة :
هادي الخطوة انا نسيت مادرتهاش بصح لازم تديروها بمقص ولا موس جانبي كل حبة قصوهم باه تكون على طول واحد ويكون شكلها جميل مش كيما راهي فالصورة قد ما يبردو انزعي الخيط من كل الحبات وحافظي عليها بشوية ماتنسايش رجعي المرق يعقد حتى تبقى ربع الكمية ضيفيلها (فنجان ماء مخلط بالفرينة )باه تثقال ضيفي رشة فلفل اسود وطفي عليها رجعي لحبات اللوبيا وجدي زوج حبات بيض مضربين وفيهم رشة ملح ابداي رمدي كل حبة فالفرينة اولا ثم فالبيض ومن بعد فلاشابلور حتى تكملي كل الحبات وجدي الان مقلاة كبيرة توفال فيها زيت مش مغمورة ابداي اقلي الحبات وكل مرة غيري الجهة حتى تحمر (كيما تقلي المعقودة )مليح حطيهم في ورق ماص زيت ملاحظة تقدري تديري لاصوص بيضا بدل الطماطم مصبرة تديري زعفران انا نحبها بيضاء تجي بنينة بزااف قولولي وش رايكم فالطبخة وكاش اضافة من عندكم ممكن نزيدوها لطبخة مكاش مشكل |
يعطيك الصحة فكرة مليحة
رايحة اكيد جربها انا قريب ناكل نرت قدامي بصح هههههه
بارك الله فيك اختي وصفة رائعة نجربوها ان شاء الله باينة بزاف بنينة
وصفة رائعة سلمت يداك
وااوو الوصفة رائعة جداااااااااا جدااااااااااااا ….بارك الله فيك
ma chaa ellah
wallah ma 3andi ma ngoul
raw3a
اللوبيا تفوريها ولا لا يعطيك الصحة فكرة ولا اروع
بارك الله فيك نبدو رائعة ساجربها في وقفة عرفة كينكونو صايمين ان شاء لله
يقولو العين تاكل قبل الفم صحيح
ربي يجازيك فكرة مليحة ومبدلة
تعطيك الصحة والله حاجة فور
بارك الله فيك اختي جاك روعة وطريقة جديدة فعلا
مممممممممممممممممممممممممممممم يعطيك الصحة هايلة