مساء الخير حبيباتي كي العادة حبيت نشارككم صور من العيد اللي جابوه لاختي اللي راح يكون عرسها بحول الله الجمعة المقبل ادعيولها ربي يكمللها ويهنيها ولعقوبة لكل البنات يارب
جات عجوزتها وسلفتها والرجال مانيش عارفة شكون وهدا واش جابولها بسم الله
هدي سنيوة القاطو فيها مقروض وقطايف وقاطو معسل يشبه للمشوك وقريوش النجمة والحلوى المربعة تجي حبة فوق حبة ومحشية بالنيستلي والمكسرات
هادو حوايج العيد هي اللي خيرتهم
وجابولها مشروبات وفواكه
احنا عادتنا يجيبو حاجة دهب لكن بما انو عرسها الجمعة المقبل ماحبيناش نكثرو عليهم
وهدا واش حطينالهم
نبدا بديكور الصالون اللي كان على دوق ماما هي اللي راحت اشرات لي بونكات ولفراش والزرابا على دوقها ربي يحفظها ويشفيها هي وكل الامهات
وهادو الحلويات اللي عملتهم راني حطيتهملم لكن هاد الصور اوضح من نتاع البورتابل
وهادي الحلوى اللي رجعنالهم في السنيوة
نتمنى يكون عجبكم الحال عندنا وماتنساوش تدعيو لاختي ربي يكمللها ويهنيها والعرس راح نصورهولكم خطوة بخطوة بحول الله
في امان الله
ماشاء الله…رووووعة
امممممم كلش يهبل وربي يكمل لها ويهنيها
وربي يرزقك الذرية الصالحة عاجلا غييير اجل
ألف مبروك
ربي يهنيها
بصح منحكيلكش كي تتزوج تروح و تخليلك بلاصتها كبيرة
ختي كي تزوجت وليت غير نشوفها نبدا نبكي
ربي يكون في العون
ربي يكمللها بالخير و يفرحها امين الصالون روعة واللون هايل ذوق ماماك رائع
الله يبارك
ما شاء الله ربي يكمللها بالخير
ربي يبارك لها أن شاالله و ايهنيها مع زوجها
4444444444444444444444444
ماااااااااشاء الله كلشي هااااااااااااااايل
ربي يتمملها بالخير ياااارب
ما شاء الله ربي يكمللها بالخير ويخليلكم الوالدة
ألف مبروك
ادعي لي لعقوبة ليا ههههههههه ياااااااااااااارب ونوريلك حوايجي
ما شاء الله تبارك الله ربي يكمل بالفرح و السعادة ان شاء الله ربي يزين سعدها و لعقوبة لكل البنات ان شاء الله ربي يفرحهم
ماشاء الله تبارك الرحمان ربي يتمملها بالخير و يهنيها يا رب
ويرزقك الذرية الصالحة المعافاة يا رب
و يحفظ الوالدة و يطول عمرها يا رب
الصالون تحفة تتهنو فيه انشاء الله
تحياتي نينا
ربي يهنيها ان شاء الله و ربي يعاونكم في العرس ان شاء الله