لذوي القلوب الرحيمة : من أجل الحمل 2024.

انا متزوجة منذ 08 أشهر والى حين لم احمل كنت اخذ حبوب منع الحمل في 02 اشهر الاولى وتوقفت بعد شهرين خاطر لقيت عندي تكيس في مبايض وعادتي شهرية غير منتظمة وداويت عند 03 أطباء كلهم عطاوني نفس دواءعادتي شهرية لحد الان مش منتظمة وراكم عارفين في مجتمعنا يضغطو على المرأة من كل نواحي دايرينها غير هي سبا عييت مقدرتش من عائلة زوجي وانو هو الوحيد في دارهم ولازم يكون عندهم حفيد
سؤالي: 1-هل ضطراب في الدورة الشهرية يؤدي الى تاخر الحمل
2- وهل حبوب منع الحمل ايضا تودي الى تأخر الحمل خاطر بزاف الي قالولي كي خديتي حبوب منع الحمل من خطرا لولة يؤدي الى عقم عافانا الله
3- هل من نصائح للحمل السريع واذا وحدة من خاوتنا طبيبة او اختها طبيبة تستشيرها والله يجعلها في ميزان حسناتكم

نورمالمون كي روحتي عند طبيبة مدتلك دوفاستون لتنضيم الدورة؟و نتي درتي تحاليل؟ اختي 8 اشهر مراهمش ياسرين ادعي ربي و ان شاء الله تحملي و تفرحي

يعطيك صحا ختي لالا كامل مدولي utrogestan 200 وراني في شهر 4 وانا ناخذ فيه مدارلي والو
وتحاليل قالولي كلشي نورمال وخطرا تالية كي رحت قالتلي طبيبة كيس لي كان في مبيض ذاب وحمد لله بصح فاتت عليها شهرين ومكان حتا نتيجة

8 شهور قليل ما تتقلقيش انا بقيت مع زوجي تسع شهور باش حملت وما شربت حتى موانع حمل لا قبل الزواج ولا في اول الزواج عادي انتي ديري تحاليل كان ماعندك والو ادعي ربي واستني

8 اشهر مش بزااااف اختي كاين اللي راهم في سنوات وحامدين ربي اصبري وادعي وتصدقي بنية الانجاب ضرك تفرحي
ومش غير انتي تزوري طبيبة حتى زوجك لازم يزرو الطبيب باه تبعدو الشك ربي يرزقكم الدرية الصالحة

يا أختي خذي بالأسباب أنت و زوجك و توكلا على الله و أكثرا من الصدقة

و حاولا أن ترقيا أنفسكما فكلام ربنا عزوجل كله شفاء

وإذا لا تعرفين كيف ترقين نفسك ما عليك إلا الدخول إلى محرك بحث – قوقل مثلا – و أكتبي رقية تأخر الحمل و ستجدين الكثير من الطرق

ربي يرزقك الذرية الصالحة آمين

[color="seagreen"]اللهم اكتب لنا الخيرة في تأخيركِ واكتب لنا من لدنك رحمة إنك سميع مجيب الدعاء ،
ربي لا تذرني فرداً وأنت خير الوارثين ،
ربي لا تذرني فرداً وأنت خير الوارثين ،
ربي لا تذرني فرداً وأنت خير الوارثين ،
ربي لا تذر أي من إخواني و أخواتي بالتجمعات ممن أعلمهم ولا أعلمهم إلا وقد رزقتها من فضلكِ ،
اللهم جازنا على صبرنا بأن تحقق لنا أمنياتنا الغالية إنك قادر كريم و أرزقنا اللهم جميعاً القناعة والرضى وأغننا بفضلك عمن سواكِ ،
اللهم اجعل تجمعنا ببعضنا تجمّع أمل وقوّة وعزيمة و ارزقنا خيرتك بكل شيء ،
واجمعنا في جناتكِ مع النبيين والصديقين والشهداء والصالحين ،
اللهم أجعلنا من المتقين ،
واجعلنا ممن أمنت لهم مخارج للخير والسعادة ،،
وارزقنا مانتمنى
اللهم لك الحمد حتى ترضى
ولك الحمد إذا رضيت
ولك الحمد بعد الرضا
ولك الشكر على كل حال،
للهم أكتبلنا الخير ولا تجعلنا من المحرومين
" اللهم آمين "[/color]

utrogeston 200
يعاونك باش طيحي حامل من 16 حتى 25 يوم لمدة 3 أشهر مي لازم تكون الدورة ديالك منتظمة

قبل ما تتزوجي كانت الدورة ديالك منتظمةـــ

كولي التمر و ادعي و ربي يسهل

السلام عليكم

اختي الفاضلة انصحك بشرب المريمية كل يوم يعني كاس كل يوم انا مازلني مانيش متزوجة بالصح كاين من عائلتي لي شربو المريمية وفادتهم بادن الله
ماتقلقيش روحك 8 اشهور ماشي بزاف ولازم راجلك تاني يروح لطبيب
ربي يرزقك الدرية الصالحة وجميع المؤمنين والمؤمنات

اااااااااااااااااااااامين ربياربي ان شاء الله ربي يحققلكم وش راكم تتمناو

اقتباس:

المشاركة الأصلية كتبت بواسطة salsila السلام عليكم اختي الفاضلة انصحك بشرب المريمية كل يوم يعني كاس كل يوم انا مازلني مانيش متزوجة بالصح كاين من عائلتي لي شربو المريمية وفادتهم بادن الله ماتقلقيش روحك 8 اشهور ماشي بزاف ولازم راجلك تاني يروح لطبيب ربي يرزقك الدرية الصالحة وجميع المؤمنين والمؤمنات

salsila; هل المرمية تساعد لزيادة فرص حدوث الحمل

انا عام وانامحبسة حبوب منع الحمل ودرت كل التحاليل وقالولي الاطباء ماعرفنا والو صدقيني جبت عجوز مداوية "عرقتني " في ذك الشهر رفدت
على خاطر كاين نساء يكون عندهم ريح وميعرفوهش الاطباء

السلام عليكم اضطراب الدورة الشهرية ليست عائق للحمل وانما العائق هو عدم الراحة النفسية انصحك بالراحة وادعى باسماء الله الحسنى كل يوم والصلاة على النبى صلى الله عليه وسلم واستعملى المريوت لتخرج لك اى ريح فى الرحم لان الطب لايعرف مامعنى الريح

كاينة طبيبة هنا سقسيها
https://www.djelfa.info/vb/showthread.php?t=1186793