لباسها الفاضح 2024.

يا اخي دير روحك ماشفتهاش
واياك تغلط وتهدر معاها
يمكن راهي حابة تستفزك باش تهدر معاها
وتوقعك فيما لا يحمد عقباه
قادر تجي تنصحها تقولهم راه يعاكس فيا
ويمكن تتبلاك في اي حاجة
ما تهدرش معاها خلاص
وانهى عن المنكر بقلبك
ويكفيك مشاكل
ياخي غض بصرك وخلاص وربي معاك
الله يهديهم

سبحان الله فهمني برك

كيفاش راك خائف تغلط معاها

أن هذي مفهمتهاش

ومبعد تلصقوها في الشيطان

الشيطان حاشاه

أنت أشتهت نفسه تلك الفتاة وفي قرارت نفسك الآن تريد أن تفعل ما تفعل

يجب أن تكون صريحا مع نفسك

هل ترضى لأختك ان يمر عليها الجار ويتكلم معها ويتمادي معها

أنا انصحك نصيحة لوجه الله

توقف عن الكلام معها نهائيا ومتزيدش تشوف معاها

وانت علاه راك تشوف معاها

تحوس على المعصية

إذا بقيت توقع فيها

ومبعد الفضائح والسجون والتبهديل

راك متعرف النساء يا اخي

والله يلوحوك في واد سحيق حذار

خويا ديرها كي اختك الشيطان راهو يوسوسلك بلاك تغلط و توقع في الفخ تاعوا ولكان بغيتها ديها في الحلال اطلب ايدها

حتى السلام مكاش ………
قول لامك و لا اختك اهدرو معاها و لا مع امها لان هاد الجيل ينفع معاه التبهديلة في كل وقت

ننصحك قول لللوالدة تاعك تهدر معاها او تهدر مع الوالدة تاعها وتفهمها وحتى تفادى القاء السلام عليها واستعن بالدعاء والصلاة في وقتها وربي يهدينا
سبحان الله اللهم لا تاخذنا بما فعل السفهاء منا

هههههههههه ما تسمعش بيها………….يو نورمال ا صحيبي……….

يأخي علها تقولها صبح الخير أو مساء الخير أصلا حتى تفكر في هذه الافكار

اقتباس:

المشاركة الأصلية كتبت بواسطة مؤمنة بالله يا اخي دير روحك ماشفتهاش واياك تغلط وتهدر معاها يمكن راهي حابة تستفزك باش تهدر معاها وتوقعك فيما لا يحمد عقباه قادر تجي تنصحها تقولهم راه يعاكس فيا ويمكن تتبلاك في اي حاجة ما تهدرش معاها خلاص وانهى عن المنكر بقلبك ويكفيك مشاكل ياخي غض بصرك وخلاص وربي معاك الله يهديهم

يا أخي مثلما قالت الأخت احذر قد توقعك في مشكل كبير مادام أنها لا تستحي من إخوتها ولا غيرهم لا تسلم عليها

اقتباس:

المشاركة الأصلية كتبت بواسطة مشكلتي السلام عليكم مشكلتي عويصة جدااا ولم اجد حل مناسب قلت نسقسيكم ربما نلقى حل انا شاب في الثلاثينات من العمر نسكن في عمارة ( شرينا شقة جديدة يعني حنا سكان جدد في العمارة ) وعندنا جيران مقابلينا الباب للباب ومشكلتي مع بنت الجيران حيث انني مرة على مرة لما نكون صاعد للشقة تاعنا نلقاها في وجهي تسيق في الدروج وتسيق قدام دارهم ومرات تغسل الملابس تماك لان المكان واسع المشكل انها تخرج بفستان ( قندورة ) تاع الدار فاضحة رغم انها لما تخرج للشارع للدراسة مثلا تخرج محجبة ولباسها مستور بدون مانشرح بزااف لانكم فهمتوني المهم انا مرات نهبط راسي ونغض البصر وندخل لدارنا ومرات نلقاها تشوف معايا وانا نحشم ونقوللها مساء الخير او صباح الخير ونروح .. وهي تبقى تضحك معاي … وفي كل مرة تزيد تتمادى هي عندها خوتها رجالة وكبار و يشوفوها ويخلوها نورمال تخرج هكداك راني خائف نغلط معاها لم اجد حل لمشكلتي كيف اتصرف معها ؟؟ وابعد بلاها علي من عنده نصيحة لا يبخل علي اخوووكم في الله – ع –

و انت علاه تقوللها صباح الخير او صباح الشر …….رد بالك راك تعطيها في الضوء الاخضر
على العموم الطفلة باينة حاطاتك في راسها حابة تبينلك مفاتنها و انها فحلة …….يعني حابة تتزوج كيما قالولك الاخوة قبلي ………………….استغرب بعض الفتيات كيف تاتيهم الجراة .او الوقاحة ان صح التعبير لاتباع اساليب حقيرة من اجل الزواج…………..
نصيحة غض بصرك او تزوجها و استرها .او تزوج غيرها و الا لن تسلك و ريحها و ريحنا ………………..

السلام عليكم

هي أصلا هذا ما كانت تنتظره كلمة صباح الخير أو مساء الخير ………..و أنت وقعت في الفخ ….و قلت صباح الخير بكل بساطة

الحل غير توقيت دخولك و خروجك ……..لأنه كما يبدو أن التوقيت الزمني لعملية التنظيف المنزلي توافق مع توقيت خروجك و دخولك سبحان الله شوف الصدفة …………..ههههه بالتلي غض بصرك و تجاهلها و السلام

و صدقني راها ما تتهني حتى تحصلك معاها ……………………….خلات عليك (هذه النوعية معروفة جدا و صبرها طويل جدا )

يا اخي اتفاداها كي تسمع الصوت في الدروج ماتكملش تطاع او زيد هادي راها تحوس عليك باينة بلي تبقى اطل او تعس فيك وقتاش اجي باش تخرج تقابلك او بلعاني راهي تلبس هكداك باش تغلظ او تتمادا معاها يا اخي استغفر مولاك او بالاك تغلط راك قلت عندها خاوتها او ويدا لحقت للتم ربي يستر

ربي ان شاء الله يبعدها عليك