تحياتي اخواتي وان شاء الله تكونو بخير
بعد العديد من التجارب والتطبيقات توصلت الي طريقة اظن اسهل منها ماكانش لصنع اوراق الديول
في نصف ساعة تقدري ديري حوالي 40 ورقة
وان شاء الله تعجبكم
المكونات
كيله فرينة ونفس الكيلة ماء بارد وشويه ملح انا عملت كيلتين
وتخلطيها بالمضرب اليدوي حوالي دقيقتين
ولزملك بانسو تاع سليكون ومقله تيفال
الطريقة بعد ما خلطنا الفرينة والماء والملح نحط المقله علي النار بعد ما ندهنها بقطرات من الزيت ونمسحها
نشعل الطابونه لازم علي الطابونة ونقص النار ونحط المقلة تسخن كي تسخن نجبدها من فوق النار وندهن عشوائيا الخليط بالبانسو علي المقلة
ونرجعها فوق النار تشيح راي تتنحي وحدها
وهده النتيجة وراني عملت بوراك بالجريوات اي القرعة وراني قدمت الطريقة قبل
وهدا رابطها
https://djelfa.info/vb/showthread.php?t=1127383
ان شاء الله تعجبكم وطبقوها في شهر رمضان الكريم ان بقينا من اهل الحياة
يعطيك الصحة ام راضية على الطريقة
يعطيك الصحةام راضية
تشبه طريقةام ساجد وام اثري
بارك الله فيكم
يعطيك الصحة أم راضية خرجولك هايلين
بارك الله فيك على الوصفة من فضلك مامعنى الطابونة؟؟؟ ارجو التوضيح
ربي يسهت عليك كيما سهلتي علينا
يعطيك الصحة اختي طريقة ساهلة راني خبيت الوصفة لرمضان ان شاء الله
شكرا احتي الكريمة طريقة رائعة وشرح اروع
|
المشاركة الأصلية كتبت بواسطة حب الله لا يعادله حب
 بارك الله فيك على الوصفة من فضلك مامعنى الطابونة؟؟؟ ارجو التوضيح
|
الطابونة يعني الموقد ….
بارك الله فيك اختي ام راضية جربتها جاتني ساهلة … شكرااا
بارك الله فيك
بارك الله فيك أختي أم راضية تجار الديول طفرت فيهم في رمضان بهذه الطريقة إذا كان في العمر بقية
بارك الله فيك أم راضية تجار الديول في رمضان طفرت فيهم إذا مازال في العمر بقية.
يعطيك الصحة طريقة سهلة