السلام عليكن اخواتي نقترح عليكم في هاد الموضوع طريقة تحضير لامونة بالكريمة الموجودة في المحلات والي بصراحة انا نخاف منها كثير خاصة للاطفال لانها سبب في التسممات نتيجة الكريمة الموجودة بها وكاين بعض المحلات سامحهم الله كي تصبح لهم ومتنتباعش يعاودو يحطو كريمة جديدة فوق الصابحة ويبيعوها وليت مختصة في الصحة والتغدية ومحاربة الغش ههههههههههههههههههههههه
المهم باش تتفادي حبيبتي كل هادا نعطيك الحل في هاد الوصفة
لامونة بالكريمة
المقادير/
2 كيسان ماء دافيء
نصف كاس زيت
ملعقة كبيرة ونص خمارة
2ملاعق حليب غبرة
كاس سكر
كيس خميرة
ملعقة صغيرة فاني
قرصة ملح
فرينة حسب الحاجة
التزيين/
مربى- سكر رطب
طريقة تحضير الكريمة / كاس حليب بارد – ملعقتين مايزينة -3 ملاعق سكر ممكن اكثر دوقيها قبل حسب الرغبة حطيهم فوق النار وحركي حتى تتقل بعديها من فوق النار ومنين تبرد اضيفلها ملعقتين زبدة طرية وخلطي بالباتور واضيفي نكهة الفانيلا وتصبح جاهزة
طريقة التحضير /
نحط كل المكونات ماعدا الفرينة والخميرة نخلط مليح
نضيف الفرينة والخميرة
ونلمها بلا دليك ما لازمش تجي قاصحة تبقى مرخوفة وتلصق في اليد
نخلوها ترتاح 10دقائق فقط
نشكلوها كريات حسب الرغبة من بعد نقرصوها على شكل خبزة من الاحسن كبار تبان كي تاع برا
كي تخمر نطيبوها من تحت ثم نشعلو من الفوق نفس طريقة الخبز
كي تبرد نفتحوها في الوسط ونحشوها بالكريمة ثم نغلقوها
للدهن من الفوق ملعقتين من المربى + ملعقتين ماء ساخن
تدهن ثم ترش بالسكر رطب
ملاحظة /
1- ممكن تحطي شوكولا من فوق بدل السكر وممكن تضيفي الشوكولا للكريمة
2- زيني حسب الحاجة يعني ادا تاكلي خبزة وحدة ديري الكريمة في وحدة و الاخرى ديريها في الثلاجة الخبزة في كيس واغلقي والكريمة في علبة مغلوقة وللغدوة ولا وقت ما تحبي خرجي الكريمة ضربيها بالباتور باش تطرى سخني الخبزة شوية في الفرن افتحيها وديريلها الكريمة المهم مش اكثر من 5 ايام
نتمنى اني افدتكم بهاد الوصفة البسيطة وتنفعكم في يومياتكم مع المطبخ
تسلم الايادي اختي الوهرانية…انا نموت عليها ونجربها باذن الله…المهم اليوم راني ديت حقي وتهليت في روحي راهي بزاف
يعطيك الصحة…
ماشاء الله عليك الله يعطيك الصحة
حبيبتي روعة وأنا نموت عليها بصح حنونتي مافيهاش الملح؟؟؟ أنا اللامونة لي ناكلها برا مملحة وتجي مع الكريمة مسكرة تجي هايلة
ان شاء الله نجربها يعطيك الصحة على الوصفة
|
المشاركة الأصلية كتبت بواسطة ام رويدة
 تسلم الايادي اختي الوهرانية…انا نموت عليها ونجربها باذن الله…المهم اليوم راني ديت حقي وتهليت في روحي راهي بزاف
يعطيك الصحة… |
بصحتك اختي وشكرا على المرور
|
المشاركة الأصلية كتبت بواسطة حب الله لا يعادله حب
ماشاء الله عليك الله يعطيك الصحة
|
الله يسلمك حبيبتي الغالية تحياتي
|
المشاركة الأصلية كتبت بواسطة snds
ان شاء الله نجربها يعطيك الصحة على الوصفة
|
ننتظر فيك وانشاء الله تفيدك الوصفة يا غالية
|
المشاركة الأصلية كتبت بواسطة أم محمد تاج
حبيبتي روعة وأنا نموت عليها بصح حنونتي مافيهاش الملح؟؟؟ أنا اللامونة لي ناكلها برا مملحة وتجي مع الكريمة مسكرة تجي هايلة
|
ايه اختي انا ثاني ندير قرصة ملح والله نسيتها في المقادير شكرا حبيبتي الغالية
وصفة رائعة كنت نحوس عليها شكرا جزيلا لك
شكرا اختاه على الوصفو والله ولبنا نشروا ونخافوا ربي يجازيك
el wasfa hayla ya3tik saha
يعطيك الصحة يا لحبيبة اكيد حنونتي عندك الحق الغش راهو ولا ماشي في الدم مال ربي ييجازيك لانوا وصفتك صح رح تمنع بزاف من الناس لي قادرين يتسموا من عند لي مايخفوش ربي
اذا عندهم وحدة فحلة في الدار و تهز وصفتك و ديرها سينوا ربي يرحمهم هههههههههه
ماشاء الله ابداع نتاع الصح خرجت كيما نتاع البيع روعة راه جاي رمضان راني نوجد واش ندير ان شالله نديرها على الاقل نضمن بللي نقية ومخدومة مليح
يعطيك الصحة حنونة تستاهلي التقييم
الله يجزيك شكراااااااااااااااااااااااااااااااااا
ya3tik saha okhti
allah ybarek mawadi3ek kolhom ray3in
allah yjazik kheir
