بسم الله الرحمن الرحيم
بقر ب عيد الضحى المبارك نحطلكم الوصفة بالتفصيل
نحتاج بوزلوف …… الكمية اللي حبيتي
نغليوه ف الماء مرتين او ثلاثة حتى تنقيييييييه كااااامل
نحضر : بصل + طماطم + ثوم + فلفل + ملح (كما في الصورة)
نرابي البصل والثوم نهرسوه مع الملح
نضيف : تقريبا م ك كسبر كذلك بالنسبة لتوابل مخلطة + م ص كمون + 1/2 م ص فلفل أسود
نضع الكل في كوكوط ونضيف 4 م ك زيت ونضيف البوزلوف بعد منغسلوه مليح
نحطوهم يتقلاو مع شوي ماء ثم نظيف الطماطم مرحية مع 2 م ك مش معمرة بزاف طماطم مصبرة
و م ك هريسة (الهريسة حسب ذوقك)
ثم الجزر أما باقي الخضرة لا لانو الزرودية صلبة شوي مقارنة بالبطاطا
والبوزلوف فيه عظام بزاااااااف
بعد ما يتقلى حوالي ربع او نصف ساعة نمرق ب 3 لتر ماء سخون
نحضرو البطاطا وبعد ما نقفلو على المرقة لحوالي ساعة نظيفو منها بعد التقطير على البطاطا
يعني نغطيوها كامل
البربوشة اخدميها كيما موالفة …… يعني تفوريها عدة مرات وديريلها سمن بشكل عادي وملح
نحطو البوزلوف يتقطر من المرقة بعد ما يطيب
ونقطرو المرقة (شيء ضروري جدا)
نحي منها الخضرة اللي عندك او الفلفل
شوفو وش بقى منها
وهكذا تكون البربوشة تاعنا جاهزة للاكل 
هذا بعثناها لعجوزة جارتنا
وأخييييييييييييرا كملت حطيت الموضوع 
وصلى الله وسلم على سيدنا محمد
مممممممم فكرتني بمناج العيد ههههههه يسلم يديك وبصحتكم
يعطيك الصحة
الله يبارك اخيتي على الخااطر والله
بارك الله فيك
بربوشة هايلة الله يسلم ايديك وبصحتكم هاااااااايلة
يعطيك الصحة اول مرة نشوفها ونقولك الصح سخفت باش نجربها
نخلي طرف من زلوف العيد ان شاء الله ونجربو
الله يبارك هايلة متعودين نديروها بنفس الطريقة اختي واحيانا نضيفولها الكرشة 4444444444
اول مرة نسمع بيها بصح باينة هايلة لاننى بحب بوزلوف بصحتكم
يعطيك الصحة حاجة جديدة ما شاء الله
يعطيك الصحة
بارك الله فيك
ماشاء الله عليك يا شاطرة ربي يحفظك مممممممممم لك مني 5 نجوووووووم
امممم سخفتيني فيها إحنا انديروها بتاع البقري
يعطيك الصحة