هادي درتها اليوم
ماعدلتهاش مليح درتها بسرعة
وادا عجبتكم نعطيكم طريقتي
الوصفة مافيها والو ساهلة خلاص
اول حاجة مقادير الكيكة
6 بيضات + كاس ماشي معمر سكر + كاس ونص فرينة + مغرفة صغيرة ونص خميرة+6 مغارف فلون فراز ولفلون لي بقالك من ساشي خليه باش تحضري لكريمة
مقادير الكريمة 1
حضري كريمة الزبدة عادية وزيديلها 5 مغارف فلون تكوني هرستيه مليح
الكريمة 2
كرام شونتي
الطريقة
خلطي البيض مليح بالباتور زيديلو السكر والفلون وزيدي الفرينة والخميرة حطيه في مول وخليه يطيب
اجبديه من الكوشة خلي الكيكة تبرد اومبعد حضري سيرو يكونن خفيف ماشي كيما العسل غير غليه على النار زوج دقايق اومبعد خليه يبرد مليح وزيديلو مغرفة فلون
اقسمي الكيكة على زوج وادهنيها بالسيرو تاعك اومبعد حطي الكريمة تاع الزبدة وزيدي حطي النصف الثاني تاع الكيكة وادهتيها بالسيرو اومبعد حضري كرام شونتي عادية وديريها على الكيكة
و علابالي راكم حايرين وشني هاداك لي زينت بيه الكيكة وكون نقولكم ضرك تشبعو ضحك عليا
يا سيدي انا كي ماكفاتنيش كرام شونتي ومالقيتش كيفاش نزين الكيكة حكمت هاداك الباقي تاع الكيكة لي لصقلي فالبلاطو وزينت بيه وخلاص وعطاتني شكل باهي
نوالدوق تاعها يجي كي الباتيسري بنيينة
نتمنى تعجبكم
يعطيك الصحة لازم تعطينا المقادير
يعطيك الصحة ممكن الطريقة
يعطيك الصحة
باينة بنينة يعطيك الصحة حطي المقادير رانا نستناوووووووووووووووووووو
a3etina el ma9adirrrrrrrrrrrrrrrrrrrrrrrrrr
اعطينا الوصفة اختي
ممكن الوصفة لو سمحتي
طولتي علينا رمضان قريب يخلص ههههههههههه اعطينا الوصفة اسامة راهو يستنىhttps://
| طولتي علينا رمضان قريب يخلص ههههههههههه اعطينا الوصفة اسامة راهو يستنىhttps:// |
ربي يخليهولك ولي فلفوطو راهم في زوج بوقوصين الله يبارك
اسامة مايستنى ماوالو ضرك نبعثلو حقي يستاهل
والوصفة راني حطيتها يا اختي
جزاكـ الله كلـــ خير ،،
بارك الله فيك اختي باذن الله نجربها ونحط ليفوطوشكرا لكي
هايل شكرا على الوصفة