سلام عليكم
كيف الحال
اليوم جبتلكم موضوع و ارجو اننا نفيد و نستفيد دائما
و الموضوع هو كيف تترك المراة منزلها و بالاخص مطبخها دائما نظيف
و نرجو من كل السيدات انهن يتفاعلن و يشاركن في هدا الموضوع
و كل واحدة تبدي رايها
وفي الاخير نقولكم شكرا لكن
ارجو ان تشاركوني
السلام عليكم حبيت انا نبدا
هاهاهاهاهاهاهاهههههههههههه….
انا مثلا دايما كي نخلص من الشغل في الكوزينة اني نولي عليها كامل بالجافيل و خاصة من الخارج اي في الرفوف اين توضع الاواني
و الفايونس من 15 يوم الى 15 يوم انشفو بالنشافة و الجافيل -بالعربية انا الجافيل ميخطينيش-
و هدا اكل و الغبرة ديما تكون لكن الفايونس ميبرقش كما نحوس عليه انا
و هنا سؤالي انو ادا تعرفو اي برودوي يمسحو به الفايونس نتاع الكوزينة او شيء من هدا القبيل
و شكرا
في انتظار ردودكم و ارائكم
اترككم في رعاية الله و حفظه
الى اللقاء
والله انا نستنى نستفيد أحسن من الردود لأن هذا المشكل مأرقني
ودايما نحوس على الحل
والله غالب اولادي مازالو صغار معطلينني حاااااااااااااااااااالة
|
المشاركة الأصلية كتبت بواسطة mebanada
 ارجو ان تشاركوني
السلام عليكم حبيت انا نبدا هاهاهاهاهاهاهاهههههههههههه…. انا مثلا دايما كي نخلص من الشغل في الكوزينة اني نولي عليها كامل بالجافيل و خاصة من الخارج اي في الرفوف اين توضع الاواني و الفايونس من 15 يوم الى 15 يوم انشفو بالنشافة و الجافيل -بالعربية انا الجافيل ميخطينيش- و هدا اكل و الغبرة ديما تكون لكن الفايونس ميبرقش كما نحوس عليه انا و هنا سؤالي انو ادا تعرفو اي برودوي يمسحو به الفايونس نتاع الكوزينة او شيء من هدا القبيل و شكرا في انتظار ردودكم و ارائكم اترككم في رعاية الله و حفظه الى اللقاء |
اختي الفايونس كالزجاج اغسليه مليح و شليه من الصابون ملييييح و امسحيه بطرف كتان ناشف و نظييييييف مليح هكذا يخرج يبرق بلا برودوي و انا نقترح عليك المنشفة الي تتباع عند الي يبيع اكسسوارات السيارات يمسحو بيها زجاج نوافذ السيارة صدقيني انا نستعملها روعة للفايونس للزجاج حتى للكويزينياغ نتاعي المهم تكون نوعية مقطنة تشرب الماء و لازم تحافظي عليها ديما نظيفة و ناشفة جربيها و رديلي الخبر
السلام عليكم انا بعد غسيل الاواني نعقب عليها كاملة بكتانة فيها الجافيل من 15 يوم ندير الفايونس انا نستعمل فورس اكسبراس قرعة اورنوج مليح تاني للكوزينيار للاوط
ختي راني كيفك زوجي يقولي انتي بالاكي راكي تشربي فيه الجافيل راهو ما يحكمليش خلاص
انا حبيبتي الفاينس نستعمل سيدهم ولا فيقور راهو هايل للفايونس وما 15يوم نغسلو واكيد كل ما نخلص غسيل لماعن نمرر بالكتانة على كلش حتى الباس نتاع الباب
لماعن اللي في ليزيليمو مرة على مرة نغسلهم التسياق كل يوم يتكب فيها الماء الفريجيدار لازم يتمسح الايادي بزاف رايحين جايين عليه والحمد لله ربي يعطينا الصحة برك
الاضافة الى موضوع النضاف ة في المطبخ فانا لأجد احسن من اجافيل ينضف و يعقم كل شيء لاني عن تجربة استعملت جميع منضفات فالاجود تحيا اجافيل
اجافيل ينضف و يعقم كل شيء لاني عن تجربة استعملت جميع منضفات فالاجود تحيا اجافيل
لبريق رائع للأرضية أو الفايونس تاع الحيط أو البوتاجي استعملى صابون الأواني وقليل من الخل يخرج روعة
كيما قالت الاخت بعيدة المنال انا ندير ازيس السائل والخل الابيض راهو يلمع و يعقم ايضا
الله يبارك موضوع رائع
pour la proprete si bien le djavel et isis liquide
صح جافيل هي الصح رانا نستعملوها بكثرة ،أنا شخصيا عندي وسواس لوكان ما نستعملش جافيل كأني ما نظفتش
الله يجيب الخير
انا تاني
نتستعمل الجافيل
وفي هاد اليامات يدي راهي تحسس منو اعطيوني البديل
موضوع اكثر من رائع …..شكرا لك اختي الكريمة