اهلا اخواتي راني جديدة في المنتدى و حبيت نستشيركم في كيفاش لمرا الفحلة تعرف تتصرف في المصروف و نقولكم بلي انا و راجلي في زوج نخدمو مي دي فوا و الله غير لا fin du mois نسوفريو !!ايا يا الشاطرات كل واحدة تمدلي رايها بكل صراحة!!
السلام عليكم والله اختى موضوعك هايل انا نعانى من نفس المشكل وهو ان الشهرية ما تكملش الشهر
لكن انتى عندك مدخولين انا عندى مدخول واحد نحسب برك انا عندى هذى المشكل المهم انا اقترحت على زوجى فكرة و هى
الاضرفة حطيت فى كل ضرف مبلغ مثلا ضرف للكهرباء ضرف للملابس ضرغ لمصاريف السيارة ضرف للطوارى ضرف للضيوف الخخخخخخخخ حسب مستلزماتك و ترفدى شعار لا للكريدى ارجو انك فهمتينى واى سؤال نجاوبك
انا مانيش متزوجة وشهريتي ماتكفينيش وماتكمليش الشهر
ديما نروح عند بابا ونقلو مدلي دراهم الفواياج في نهاية الشهر ان شاء الله تفيدوني
يا سبحان الله حتى لى مشى متزوجين الشهرية ما تكفيهمش لازم نلقاو حل
|
المشاركة الأصلية كتبت بواسطة ام امجد14
 يا سبحان الله حتى لى مشى متزوجين الشهرية ما تكفيهمش لازم نلقاو حل
|
ههههههههههه ماتنخلعيش لكنها الحقيقة
خاصة انهم كل مرة يخلصونا روطاااااار بزاااااااااف
انا نكون دايرا حساب فواياجي تع الشهر وكل مرة نلقى روحي عند بابا هههههه
صراحة بيكم تعيطوا للشر عنها خلات اعليكم
اقنعوا وأحمدو ربي
هكذا ربي يبسط الرزق
|
المشاركة الأصلية كتبت بواسطة safia91
صراحة بيكم تعيطوا للشر عنها خلات اعليكم
اقنعوا وأحمدو ربي هكذا ربي يبسط الرزق |
لالا اختي ماناش نعيطو للشر
الحمد الله
الاخت قالت مشكلتها وكانت واضحة وطلبت مساعدة
شكرا على الاجابة…حنا ف الحق عندنا بزاف المصاريف مازلنا في اول الطريق…يعني غير كيما شرينا دار و باش نخلصوها درنا كريدي بونكار صافي 1/3 تاع لا باي تروح اللابونك…و مع الدراري(عندي 2) و كلشي غلى راكي عارفة!!!!اما هادي الطريقة تاع الاضرفة جربتها قبل ما يجو دراري تاع الصح تنفع راكي فكرتيني فيها يعطيك الصح…….و للاخت ملاك الليل ما تبدريش دراهمك مرة مرة و ديري حاجة دهب ينفعك من بعد………
واش من شر يا اختي……….رانا هنا باش نفيدو بعدانا وريلنا شطارتك كيفاش ديري …
مساء الخير اخواتي انا اليوم اللي نسلك فيه نشري مستلزمات الدر كامل يعني السكر القهوة الملح السميد الزيت الخميرة البيض العجائن الحبوب……………
ما يكفيني مدة شهر اما الخضر و الفواكه واللحم والسمك نشري كل اسبوع وومصروف 3 اسابيع الاخرى نحطهم في ضرف ونحي حق الكهرباء والماء الانترنت نحطهم بضرف آخر و اللي يبقى (لكان بقى) نحطو في ضرف اخر
ايه راني نسيت ماقلتلكمش الطريقة هادي تصلح غير كي نصرف وحدي وقت يصرف راجلي الشهرية تخلص في يومين
انا مانيش متزوجة ونحاول نشد روحي نشد نشد ونفسدها في لبسة وامور تافهة بكري مع ورقة 1000دج كان صرفتها عشرينات ناكلها وضرك هردونا ب 2024دج مي الحمد لله خير من بزاف
بارك الله فيك على هذا الموضوع القيم
السلام عليكم ورحمة الله وبركاته
انا ما مزوجة ما خدامة مازااااااااالني نقرا بصح بابا ديما يعطيني الشهرية ويقولي تعلمي وجيبنا الشهر المهم الشهر اللول راحتلي شوية بصح من بعد حكمت روحي
1 درت كراس صغير فيه المصروفات الرئسية -يعني مصروف الشهر من البقوليات والامو وكل شيئ
5000دج
2 مصرو الكرباء والماء والهاتف حوالي 1 مليون بصح السعيد انو ماشي كل شهر يعني هادا تحدي ليا باش نستفاد منو في الاشهر الجاية
3 مستلزمات البيت راكم عارفين الكوزينة
4 مكتوب للخضروات
هااااااادو فيكسي
(حاطا حساب لكل واحد فيهم لكن منهم ديما نفضل حوالي 2024دج لتنازلات احيانا والحبكة يعني لا للتبدير في كل شيئ التوفيييييييير)
ومن تم عندي مكتوب للاام العادية خرجة لبسة هادا خصو ديك هادا خصو هادي المهم
وبادن الله لقيت روحي في تلات اشهر موفرة 2 ملايين شريتهم منتقوش هههههههههههههه بالصحة
وتقبلو مروري
السلام عليكم ورحمة الله وبركاته
انا ما مزوجة ما خدامة مازااااااااالني نقرا بصح بابا ديما يعطيني الشهرية ويقولي تعلمي وجيبنا الشهر المهم الشهر اللول راحتلي شوية بصح من بعد حكمت روحي
1 درت كراس صغير فيه المصروفات الرئسية -يعني مصروف الشهر من البقوليات والامو وكل شيئ
5000دج
2 مصرو الكرباء والماء والهاتف حوالي 1 مليون بصح السعيد انو ماشي كل شهر يعني هادا تحدي ليا باش نستفاد منو في الاشهر الجاية
3 مستلزمات البيت راكم عارفين الكوزينة
4 مكتوب للخضروات
هااااااادو فيكسي
(حاطا حساب لكل واحد فيهم لكن منهم ديما نفضل حوالي 2024دج لتنازلات احيانا والحبكة يعني لا للتبدير في كل شيئ التوفيييييييير)
ومن تم عندي مكتوب للاام العادية خرجة لبسة هادا خصو ديك هادا خصو هادي المهم
وبادن الله لقيت روحي في تلات اشهر موفرة 2 ملايين شريتهم منتقوش هههههههههههههه بالصحة
وتقبلو مروري