هده اول مرة نكتب موضوع في هد القسم
ان شاء الله الكل يكونو بخير
اليوم صورت بعض الكنبات ماشي الكل لكن البعض
ان شاء الله الايام القادمة نرجع نصور موديلات اخرى
هد الكنبات السعر تاعهم 58000دج
خمس ملاين و 800
ولما نقص السعر خلاه 56000دج *قالي بابا نقولو يزيد ينقص 1000دج 
*
***55000دج***
مند فترة كانو 6ملاين لكن بما انه نهاية العام زادو دارو تخفيضات
نوعية القماش اونتي تاش
خدمة متقونة
سعر معقول
واللي تحب العنوان تع المحل مكاش مشكل نمدلها الرقم
راه موجود في الهراوة *طريق عين طاية* ولاية الجزائر
مانيش ندير اشهار لكن والله للمساعدة فقط
اترككم مع الصور
اولهم اللي اخترته
و زادلي معاه 2 بوف هدية من عند صاحب المحل
هد 2 البوف منعرف ادا هدية مع الجميع او لا لاني لما قتلو يزيد يخدملي 2 بوف قالي نديرهملك هدية من عندي
تفضلوا
هد الموديل التاني كنت حايرة بينو وبين الاول لكن استقريت على الاول انتم واش رايكم الاول افضل ام هدا بالنسبة للستايل تع الخدمة و حتى بالنسبة للون مدولي رايكم
هد الاسود بالابيض نفس الستايل تع الاريكة السابقة
هدا موديل اخر
هد الموديلات من محل تاني تقريبا نفس السعر لكن هدو السعر اقل بقليل لكن الخدمة تع السابقين عجبتني اكتر و حتى بالنسبة لانواع القماش النتوفرة الاول افضل
ملاحظة بالنسبة للارجل كاين نوعين .. بزاف اللي قالو تع حديد ممكن يتصداو .. اللي تحب ديرهم بالبلاستيك ديرهم راهم واضحين في الصور بالبلاستيك
ان شاء الله تنال الموديلات اعجابكم
واللي تحب او يحب العنوان تع المحل مافيه مشكل
امم الان لازم الجميع يقولولي رايهم في الموديل الي خيرتو و اي موديل عجبكم انتم
تحياتي
ما شاء الله تتهناي بيهم بصحتك حنونة
نوّرتِ القسم بوجودك
ماشاء الله ذوقك باهي ، بالنسبة للألوان الثاني خير بصح كنوعية و دوملك مع كثرة الضياف و الجلوس النوع الأول خير
نظن الفايدة تغلب الدعاية لهذا مسموخح لك تقولي اسم المحل والولاية و رقم الهاتف الأرضي وليس النقال
و عذراً لكون خانة المواضيع المثبتة قد امتلآت لكن ثقي أنّ موضوعك سيكون له نصيب بعد مدة وجيزة ( اصبري شويا )
نسخة هنا :
دليل قسم الديكور للصُور الحصرية [ بتوقيعٍ من رُوّاده] الموسم الثّاني
و هنا :
المساحة شاهدة على عطائكم [ الموسم الثاني ]
بالصحة عليك اختي شابين بزاف
مشكورة اختي فقط اريد الاستفسار عن مكان المحلات اي في مدينة؟
|
المشاركة الأصلية كتبت بواسطة fatijijel
 ما شاء الله تتهناي بيهم بصحتك حنونة
|
شكرا اختي ربي يهنيك
|
المشاركة الأصلية كتبت بواسطة [ السَحابةٌ البيضاءْ ]
صباح الخير يا رجاء
نوّرتِ القسم بوجودك ماشاء الله ذوقك باهي ، بالنسبة للألوان الثاني خير بصح كنوعية و دوملك مع كثرة الضياف و الجلوس النوع الأول خير نظن الفايدة تغلب الدعاية لهذا مسموخح لك تقولي اسم المحل والولاية و رقم الهاتف الأرضي وليس النقال و عذراً لكون خانة المواضيع المثبتة قد امتلآت لكن ثقي أنّ موضوعك سيكون له نصيب بعد مدة وجيزة ( اصبري شويا ) نسخة هنا : المساحة شاهدة على عطائكم [ الموسم الثاني ] |
الله ينورك اختي
عندك الحق التاني الاول يدوم اكتر ..شكرا على رايك الصريح
بالنسبة للرقم معندهمش الارضي غير البورتابل لدلك قلت اللي يحب يتوجه للمحل نمدلو الرقم اما بالنسبة للعنوان سادرجه في الموضوع
بالنسبة للتتبيت راني صابرة ههه 
ان شاء الله تعم الفائدة فقط
تحياتي
|
المشاركة الأصلية كتبت بواسطة سميرة10
بالصحة عليك اختي شابين بزاف
|
الله يسلمك تعيشي
|
المشاركة الأصلية كتبت بواسطة قدوتي رسولي
مشكورة اختي فقط اريد الاستفسار عن مكان المحلات اي في مدينة؟
|
لاشكر على واجب
بالنسبة لمكان المحل راه موجود في الهراوة طريق عين طاية ادا تعرفيها
وادا تحبي نبعتلك الرقم ويشرحلك اكتر
صورة كنبة جديدة
لونها بنفسجي لكن الصورة مبينتش اللون مليح
بصحتك حبيبتي انا عجبني الاول والثالث
روعة روعة
والله في خاطري واحد نشريه مي البعد
احنا راهم يتباعو حتى سبعة ملايين
عجبني الاخير
السلام عليكم
بصحتك أختي اختيارك رائع أنا أيضا أحب اللون الوردي أنا بيتي كامل وردي
أحسنتي الاختيار أنا أيضا لو كنت مكانك لاخترت ما اخترتيه
تتهني بيهم ان شاء الله