كل شيئ بالمكتوب مكتبليش ربي نجيب الباك 2024.

عبالكم كي شفت النتائج صح بكيت منكدبش عليكم باسكو عييت بزاف سهرت ليالي مي الحمد لله توت فاسون كل شيئ بالمكتوب درت لعليا مام وكان حبتو بعشرة نعاود لانو حاب اكثر كنت قادر نجيب الباك لقيت روحي العربية ةالاجتماعيات هما لهردوني بصراخة الاجتماعيات مركزتش مليح المهم اول عام ليا رفدت خبرة وديت عقلية على الباك وزيد مترشح حر ونقرا وحدي صعيبة باسكو كملت قرايتي بالمراسلة من الييام ربي يعطينا القدرة نعاودوه ان شاء الله ونربحو مي صح تاكدت بلي الباك زهر والله ياناس نعرف ناس قسما بالله اقل من صفر جابو الباك ونعرف ناس معدلهم ميهبطش من 16مجابوهش ةاصلا باك هاد العام دار ظجة صافي مليح منيش من دفعة تاعو باسكو قالو علينا غشاشين ربي يقدرنا لعام لجاي سلام

معليش خويا حمزة الله غالب قدر الله ماشاء فعل ان شاء الله تعاودو العام الجاي معانا ونجيبوه كامل
ونتا سنا قريت وحدك ان شاء الله عام الجاي جرب اقرا معانا ومنها نستفادو من خبرتك
زيد شوف هدا السيد مفقدش الامل كون نتا كيفو

khouya 7amza wellah rir l3em ldjey ydjouz khfif 3lik parceque 3andek experience w rani met2aked inchallah tdjibou avec mention matkhfech pareceque li ykhef f had eddenya kleh boubi

koulchi bel maktoub khoya hamza wlh hzente ki sma3t beli maditouch mais ma3lich rak cheft natyej kawaret sna nchlah l 3am jay tjibou b mo3adal chbab nchalah y rabi

ان شاء الله ختي لنقدر عليها والله راني هنا

بارك الله فيك

أخي حمزة كنت انا وخاوتي من المتتبعين لأخبارك وتمنينالك النجاح مي الله غالب ارادة ربي فوق كل شيء

والحمد لله على كل حال ربي راهو أرحم من امهاتنا اللي جابونا

وربي حكيم هو أدرى بخير امورنا وشرها وكل شيء يجي من عنده خير

وخلي ايمانك بربي كبير وما راح تلقى غير الخير ان شاء الله

ربي معاك خويا وربي يفرحك

شكرا اختاه بارك الله فيك

السلام عليكم
الحمد لله و الصلاة و السلام على من لا نبي بعده
اخي حمزة لا تيأس ماشااء الله هذا راك بالمراسلة وصلت للباك الله يبارك ، اعلن الحرب على البكالوريا العام المقبل الحمد لله راك اول مررررة تفوتو و ان شاء الله يا رب تجيبو العام الجاي و بمعدل قاوي و تفرح مميمتك يا رب و عندي احساس باذن المولى ستكون من الناجحين
ربي يوفقك و يهنيك

بالتوفيق ليك

اقتباس:

المشاركة الأصلية كتبت بواسطة hamza touazi عبالكم كي شفت النتائج صح بكيت منكدبش عليكم باسكو عييت بزاف سهرت ليالي مي الحمد لله توت فاسون كل شيئ بالمكتوب درت لعليا مام وكان حبتو بعشرة نعاود لانو حاب اكثر كنت قادر نجيب الباك لقيت روحي العربية ةالاجتماعيات هما لهردوني بصراخة الاجتماعيات مركزتش مليح المهم اول عام ليا رفدت خبرة وديت عقلية على الباك وزيد مترشح حر ونقرا وحدي صعيبة باسكو كملت قرايتي بالمراسلة من الييام ربي يعطينا القدرة نعاودوه ان شاء الله ونربحو مي صح تاكدت بلي الباك زهر والله ياناس نعرف ناس قسما بالله اقل من صفر جابو الباك ونعرف ناس معدلهم ميهبطش من 16مجابوهش ةاصلا باك هاد العام دار ظجة صافي مليح منيش من دفعة تاعو باسكو قالو علينا غشاشين ربي يقدرنا لعام لجاي سلام

لا تقلق و الله ربك
وفقك الله اخي و اسال الله من فضلك

بارك الله فيكم اصعب مرحلة فحياتي

اهلا حمزة تمنيت الى جانب الكل في المنتدى نجاحك لكن الله اعلم فيما فيه خير لك و اتمنى ان لا تفقد الامل وتحاول العام القادم لكن لمعدل جيد و افضل

بالتوفيق اخي حمزة

لا تقلقل اخي الكريم عسى ان تكرهوا شيئا وهو خير لكم عليك بالاجتهاد اكثر و تحدي نفسك و الاصرار على النجاح
تمنياتي بالتوفيق