السلام عليكم و رحمة الله تعالى و بركاته
في عطلة الصيف ذهبنا إلى مستغانم و رأيت اختلافا كثيرا في اللهجة و واجهنا احيانا صعوبات في التعامل مع سكان المنطقة أو بالأحرى سوء الفهم 
فمثلا هناك بعض الكلمات التي سأعرضها عليكم و أود لو تتفاعلو معي فأقول كلمات او اوشياء من منطقتي و أنتم أعطوني ماذا تسموها عندكم أو ماهي مختلف التسميات في أنحاء الوطن و أريد أن أرى المشاركات من كل أنحاء الوطن مثلا أعطيتا بلادك و كلمة من الكلمات لي تقولوها و حنا نشوفو واش نقولولها عدنا
متفقين ؟؟؟؟؟؟؟؟؟؟؟؟
هيا لنبدا مثلا
نحن نقول أنزل أو أهبط
في الغرب هود
في الشرق ماذا يقولون ؟
نحن نقول بليغة أو بلغة
في الغرب سمعتهم يقولون شنغلا أو مشيبطة
و في الشرق ماذا تسمى؟ و في الجنوب؟
مثلا الوطن في منطقة القبائل نثمورثنغ أظن ذلك
صححواخطاءإن وجدتم
لانني اريد الذهاب إن شاء الله إلى الشرق و الجنوب و بذلك لا تواجهني صعوبات في الفهم كما حدثت معي في الغرب
أنا أنتظركم
ماى رانا على ما اضن تقابلنا قبل ها المرة فى منتدى 4 متوسط …………….. انوليواا للموضوع حنا فى الشرق انقولوااا اهبل ولا انزل كيف كيف و السؤال التانى مفهمت وش معناتها بليغة أو بلغة
وانقلك حاج فى الشرق كيما تحب تهدرى يهدروا امعاك
حنا نقولو هود في الغرب بصح بلة ما فهمتهاش
بليغة هي كلاكات لي نلبسوها في الرجل في الدار
أعطوني كلمات من عندكم
قوليلى انت اى كلمة وانا انقلك حسب لهجة الشرق
ولبليغة احنانقولوها شكرا اختي على الموضوع الرائع
واذا اردتي ان تعرفي اي شيء عن كلامنا
انا هنا انتي اسئلي وانا اجيب
كيفاش تقولو ارواح ولا استناني؟؟؟؟؟؟؟؟؟؟
كيفاش تسقسيو كيفاش راك؟؟؟؟؟؟؟؟
لبليغة ماقولتوليش كيفاش يقولولها في الشرق و في الغرب و عند القبايل و في الجنوب راني نستنا
أيا صحححححححححححححححححححاااااااااااااا
سلام
حنا نقولوا اهبط
البليغة نقولولها كلاكيت ولا بشماق
و نقولوا وش راك للسؤال
كيفاش تقولو ارواح ولا استناني؟؟؟؟؟؟؟؟؟؟ استناني في الشرق وقارعلي في الغرب في الغرب يقولو ريّض منيش عارف ايلا استنى ولا توقف
كيفاش تسقسيو كيفاش راك؟؟؟؟؟؟؟؟ وش راك في الشرق …كي راك في الغرب
يقولو في الغرب كلمة لاقيباش معناها على خاطر
لبليغة ماقولتوليش كيفاش يقولولها في الشرق و في الغرب و عند القبايل و في الجنوب راني نستنا
في الشرق يقولو لكلاكيت البشماقة الطرباقة البليغة الشنقلة في الغرب منيش عارف
سلام -بليغة-هي عندنا في الغرب نفولولها الشنقلة نلبسوها في الرجل-واش راك عندنا كي راك داير لباس عليك-واهبط-عندنا هود-
في سطيف نقولو اهبط
والكلاكيت بشماق
حنا في الشرق نقولو انزل او اهبط
و نقولو للبليغه كلاكيت او بشماق
نقولو للبليغة بلقة+
هود او انزل
حنا في الشرق نقولو انزل ولا اهبط
والبليغة نقولولها كلاكات ولا ثرباقة او بشماق