وعجب العائلة لكن زوجي يقلي ما كانش كيما المطلوع
مع ان خبز ام ابراهيم مطلوع وعجب لكن يقولي ما شي مطلوع
الحكاية الكل على هذاك النقش لي يعمل طاجين الطين في كسرة المطلوع جاتني فكرة
اني نجرب نحط الطاجين في الفرن ونطيب مطلوووووووع وجربت ومانت نتيجة هايلة
اولا العجين ** 2 كيلات سميد + 1كيلة فرينة + غنجاية سكر + غنجاية خميرة خبز ونلم بماء ساخن
ثم نعمل الملح ونبل بشوي ماء
ونعجن مليح ونحط في الكيس المبلل فكرة الوهرانية جزاها الله كل الخير
ونخليها تطلع او تخمر
ولما تطلع نعمل شوي زيت بمقدار مغرفة لكل قرصة او كسرة
نعجنها مليح حتى تتشرب الزيت ونقرصها ونضربها ونستعمل الفرينة باش ما تلصقش
ونغطيها ونخليها تزيد تخمر
وفي هاذ الوقت نكونو مشعلين الفور باقصى درجة وحاطين طاجين الطين يسخن
ولما تخمر الكسرة نلوحها في الطاجين
نغلق الفرن 5 دقائق ثم نقلبها
ثم نزيد نقلبها ونستعمل هاذ الاداة تساعدنا في التقليب
ونحوشيها على القاز عادي
ونتحصل على مطلوع عادي من غير ما نتحرق مع الطابونة
hان شاء الله تعجبكم الفكرة وتدعولي ربي يشفيلي وليدي ويطول في عمر
ملاحظة** طريقة الملح والزيت تعلمتها من الاخت لينا 11جزاها الله خيرا وشفاءا
وطريقة المطلوع في الفرن الاخت ام ابراهيم جزاها الله خيرا
وطريقة الكيس المبلب اكيد الوهرانية جزاها الله خيرا
اما طريقة الطاجين في الفرن من بنات افكاري جزاني الله خيرا 
وجزاك الله خيرا على حسن تدبيرك و جمعك لتجارب اخواتك واضفاء لمستك السحرية لاعطاءنا هذا الخبز اللذيذ يا فحلة
بارك الله فيك
تسلمي اختي ام طيري الجنة وبارك الله فيك على كلامك الجميل
شكرا
c extra merci
RABI yychafi wlidek
يعطيك الصحه حبيبتى صح مكانش قد المطلوع كي يطيب في الطاجين ويخلي هداك النقش وكنت من مده نحوس على هادي الطريقه وطريقه طيابو الف شكر حنونه بأذن الله نجربها لانو زوجي يحب بزاف المطلوع وكل يوم لازم يكون حاضر بقوة ربي يخليك لينا حنونه
يعطيك الصحة يا أم ساجد, هده فكرة رايعة , لازم نجربها الله يشفيلك وليدك و يخليهولك, ما معني غنجاية سكر ما فهمتهاش , هل تقصد بها
المغرف اي الملعقة.؟
و شككككككككككككككككرا
يعطيك الصحة شكراا على فكرة الرائعة و الله يشافي وليدك
والله هاااااااااااايلة مي كون يتكسر الطاجين تقتلني ماما
يا هيك افكار يا بلاش
دوك نقول لماما تقولي لالالالالا تكسريلي الطاجين هههههههه
ربي يخليك ام ساجد
متقوليليش ساجد مريض اخااااااااااه
ربي يشفي وليدك ويحفظهولك حنونة
الله يعطيك الصحة
بارك الله فيك
و ربي يشفيلك قرة عينك و يطولو في عمره و يحفظو من كل سوء و شر يارب
حناااااااااااااا نديروهااااااا كيماا هكااااااا بصح منديروهاااااااااش في الفرن
وااااااااااااااااااااو والله جبتيها درت البارح لاول مرة خبز ام إبراهيم ونجحلي وجا هايل بصح بابا قالي ماشي طعم المطلوع وهو المطلوع عندو حاجة مقدسة جدا
بإذن الله من بعد العشية نجرب طريقتك
جازاك الله كل خير
حتى أنا كي شفت موضوع لام ساجد قلت ندخل اككيد نلقى كاش فكاير جدد
شكرا جزيلا على الفكرة
ما شاء الله ام الافكار فعلا لم تخطر الفكرة في بالي خلااااااااص يعطيك الصحة روعة بصحتكم وربي يشفيلك وليدك ويشفي جميع مرضى المسلمين يااااااارب
بارك الله فيك