اليوم حبيت نشاركم بوصفة رائعة للكرواسون و pain au chocolat ناجحة 100/100
هي العجينة المورقة بالخميرة
عندي بزاف وانا نستعمل فيها هدا وين سمحتلي الفرصة بش نحطها المهم نروحو للمقادير
450 غ فرينة
200 غ زبدة التوريق وادا حبيتوه فيه زبدة اكثر ديرو 250غ
4 ملاعق كبار حليب بودرة
3 ملاعق صغارخميرة الخبز
نصف ملعقة ملح
50 غ سكر
فنيليا غبرة
اولا نخلط المكونات الجافة نحط الخميرة في الوسط ونبل ب ماء دافئ ما لازمش تكون جارية بزاف والا راح تغلب الزبدة فالحلال
نعمل فيما بسكين شكل + كيما في الصورة
ونخليها ترتح 10 دقائق في المقابل نقوم بضرب الزبدة بلحلال حتى تطرى شوية
من بعد نفتح العجينة بيدي بحيث نحافظ على شكل + ودائما نرش الفرينة في مكان العمل
نزيد نحله بالحلال شوية ودائما نحافظو على الشكل ونخلي لي في الوسط منحلوش
ثم نضع الزبدة في الوسط بهدا الشكل
ونغلق الاطراف المتقابلة فوق بعضها
نتحصل على
نخليها ترتاح 5 دقائق ثم نبدا في tourage هي فيها 3 double tour
و واحد عادي درك تفهموا بصور نحلها اولا على شكل مستطيل
من بعد نطويها بلعرض على 4 كيما هك
ونزيد هدو فوق بعض نتحصلو على هدي من بعد ندير فيها علامة بلاصابع بش نتفكر في اي مرحلة راني
ونخليها ترتح من 15 الى 20 دقيقة خارج البراد ونرجع نعمل نفس العملية مرتين ونحل دائما طوليا يعني من الجهة الضيقة للاعلى ودائما نخليها ترتح بين كل مرحلة مع التعليم بالاصابع
في الاخير تبقى المرحلة الاخيرة نطويها على 3 كيما شكل الظرف ماشي كيما لي قبلها
ونخليها ترتاح 10 دقائق و الان هي جاهزة للاستعمال نرجع نفردها طوليا كيما باقي المراحل بسمك نصف سم او اكثر بشوي ونقطعها الى مثلثات
ثم نبدا في لفها نبداو من القاعدة الى الاعلى و قمة المثلث تجي من الاسفل و متزيريهاش بزاف بش ما تنفجرش كي تنتفخ في الفرن
نتحصل على هدا الشكل نخليهم يختمرو 15 دقيقة الى 20 حسب حرارة الغرفة
ندهنهم ب البيض و الى الفرن ساخن مسبقا درجة 240 منحطوش قريب لنار بزاف كي يطيب من الاسفل نحمروه من الفوق
و هدا بعد ما يطيب
هده المقادير عملتلي 10 حبات متوسطين الا حبيتوهم كبار كبرو المثلثات
نتمنى نكون توفقت في الشرح وتفهمواعليا جربوها و الله ساهلة ومثل الكرواسون ليتباع
اي استفسار راني هنا
سلالالالام
بارك الله فيك اختى امنيتى يصلحلى الكرواسون لانى اولادى يحبوه نجرب طريقتك وعلى ربى 
444444444444 .
رووووووعة يعطيك الصحة
يعطيك الصحة رائع ان شاء الله نجربو
يعطيك الصحة شكلو خرج تحفة
Hayliiin okhti
ya3téééék saha
Hayliiin okhti
ya3téééék saha
يعطيك الصحة
ما شاء الله روعة ربى يعطيك ما تتمناى اميييييييييين
تقريبا نفس طريقتي انا ثاني نستعمل في الكرواسون العجينة المورقة المخمرة
ويخرجلي شباب كيما نتاعك
يعطيك الصحة
444444444444444444444444444444 merci
بارك الله فيك وفتي وكفتي
بصحتك وصحت عائلتك
ماشاء الله رووووووعه بارك الله فيك