بداية نحييكم خاوتي على نضائحكم السديدة بارك الله فيكم
انا اليوم حبيت نطرح المشكل ديالي او بالاحرى حبيت نفرغ قلبي ليكم خاوتي كرررررهت
انا فتاة من العاصمة نشات في اسرة بسيطة و الحمد لله عندي زوج خواتاتي بنات و ثلاثة دكور
اختي الكبيرة كتب ربي و تزوجت لفرنسا و انا اكون الصغيرة غير ما تخطبت ايضا و هاذ الايام تخطبت اختي اللي اكبر مني ل امريكا
المشكل تاعي عندي خويا يشوف بزااااف المستوى المادي تاع الانسان و انا ولا يحقرني ملي تخطبت لانه خطيبي يعمل في الفلاحة قيسو قيس حاله و ايضا يسكن في قرية انا قلتلهم قااابلة بيه المهم عندي الاخلاق و الدين فقط اما الباقي زيااادة و هو كرهلي حيااااتي دايمن يقولي انت راكي رايحة ترعاي البقر اما اختي لوخرا رايحة لماريكان و لوخرا راهي بلاس بيها في فرنسا و نهار جاو الخطاب تاع خواتاتي في زوج لوكان تشوفو كيفاه رحب بيهم و استفبلهم لانهم مرفهين و كيما قالي هو لبااااس بيهم اما انا لحد الان جاامي اهدر على ناس داري بكلمة مليحة دايمن يقولي ماشكيتش تنجحي في حياتك راكي رايحة تسكني في الريف و تولي جيبي الما من الواد انا كرررررررررهت من المقارنات ديالو مع رجال خواتاتي لوخرين علاااااااااه الحقرة هاذي علااااااه و انا مانقدرش تهدر خوفا من المشاكل كي يعايرني هكاك نسكت و نخبي في قلبي و نقول معليش مابقاليش بزاااف و نروح عروسة في هاد الصيف ان شاء الله
و عندي خويا واحد اخر هو ما راحلوش في المستوى المادي لكن دايمن يقولي انت قااارية لوكان خير ديتي واحد قاري كيما انت ماديتيش هذا ماشي قاري’’’’
علااااااااه الحقرة علااهلانه بين قوسيت خاوتي هادو هوما المسؤولين علينا بعد طلاق الوالدين يعني هوما يقومو بدور الاب لمن ماعندهومش الحق يتدخلو في حاجة خاطيهم و الله حتى وليت كرهت كل شئ , احنا تربينا في اسرة متواضعة و دوك هدا خويا كي فرج عليه ربي ولا هو المعلم زعما خلع و لا يحقر قاع اللي تحتو يحب يتعامل غير مع اللي لباس بيهم و يحقر بالعين ,,,,,,,,انا كرهت يا خاوتي من الحقرة تاعو لخطيبي و ناس داري مع انهم نعم الاخلاق ما شاء الله و خدامين في الفلاحة يجيبو قوتهم في الحلال,,,و الله يا خاوتي خطرات كي يبدا يشكر في ناس دار خياتي حتى نوض و نولي نبكي وحدي وحدي نقول علاه انا جااامي شكرهم و هادو يظل يشكر فيهم ,,,بصح معليش كاين ربي هو الرزاق يجي النهار وين يندم على النظرة ديالو
ماقدرتش نصبر على كلامه لاني فتاة حسااااااسة بزاااااااف و كل حاجة نخبيها في قلبي لكن نخاف كاشما يصرالي ديجا دوك من التقلاق ولا قلبي يوجعني خصوصا ملي جاو الخطابة تاع اختي اللي في مريكان زاد حقرني كثر و كثر,,,,,,,خطرات انقول كي نتزوج منزيدش قاع انسقسي عليهم لكن لاااازم اندير النيف قدان ناس داري بلي عندي خاوتي
خفوااا عليا يا خاوتي رايحة نطرطق الحمد لله برك عندنا الايمان و الصبر و ربي يهدي ما خلق فالدنيا فاااانية و ما يبقى لا مال لا جاه غير ربي سبحانه, السلام عليكم
السلام عليكم اختي
نقلك والله والله والله يا الدراهم بزاف مش ملاح لانها تعمي الانسان وتخليه متسلط
ومش هوما كلشي في الدنيا مش هما لي يجيبوا الهنا. للزوجين المهم راجلك راه خدام والاهم صالح واخلاق مليحة
اخوك خليه يهدر لانو كيما قلتي كان معندوش وضرك ولى لاباس بيه ماتزعفيش مني بصح يقولو خاف من الجيعان اذا شبع
المهم انتي خليك قوية وتفكيرك هو الصح. المال يروح كي تكوني متفاهمة انتي وراجلك ويحبك وتحبيه ومقادرين بعضاكم هادي الدنيا ومافيها والله:-)
خليه يهدر يخي الدنيا فانية والحياة تفنى. ملا عيشي حياتك كيما راهي واكيد ربي ما يخليكش
كي تروحي لدار عندهم الدراهم وما يديرولك حتى قيمة وش فايدة الدراهم????
المهم كي تكوني ملكة في دارك وفي عين راجلك
مانيش نزوخ عليك بصح والله بنات تاوعنا لاباس بيهم وجامي يلقاو كيما في دارهم بصح تزوجو برجال خدامين شهار يعني وساكنين مع اهل ازواجهم وراهم لاباس عليهم
كيما يقول بابا الرجل الصالح هو الكنز والذهب تاع المراة
ربي يهنيك يا رب
اخوك عندو الحق
راح تندي والله الإنسان الجاهل صعيب اختي
حتى ولو كان متخلقا
قادر اليوم ألأول تنفصلي عليه
|
المشاركة الأصلية كتبت بواسطة مراد سابقا
 اخوك عندو الحق
راح تندي والله الإنسان الجاهل صعيب اختي حتى ولو كان متخلقا قادر اليوم ألأول تنفصلي عليه |
ماهذا الكلام?!!!!!
كيفاش عندو الحق !
الجاهل لي يكون جاهل في عقلو ويكون مش متربي ومش متخلق
وليس ما يحمله مش شهادات ورقية. قالك اعطيهلي فاهم والله لا قرا
كاينين دكاترة لكن تقول عليهم جامي قراو
ماهذا التفكير رغم انك جامعي شكرا
|
المشاركة الأصلية كتبت بواسطة staifia
ماهذا الكلام?!!!!!
كيفاش عندو الحق ! الجاهل لي يكون جاهل في عقلو ويكون مش متربي ومش متخلق وليس ما يحمله مش شهادات ورقية. قالك اعطيهلي فاهم والله لا قرا كاينين دكاترة لكن تقول عليهم جامي قراو ماهذا التفكير رغم انك جامعي شكرا |
يا اختي
الجاهل وحتى ولو كان طيبا
لن تستطيعي التعامل معه
ويجب ان يتزوج جاهلة مثله اما جامعية لا
انا اعرف اناس تزوجوا بمثل هذه الحالات وتطلقوا الأمر ليس بالهين
|
المشاركة الأصلية كتبت بواسطة مراد سابقا
يا اختي
الجاهل وحتى ولو كان طيبا لن تستطيعي التعامل معه ويجب ان يتزوج جاهلة مثله اما جامعية لا انا اعرف اناس تزوجوا بمثل هذه الحالات وتطلقوا الأمر ليس بالهين |
ممكن تفهمني كيفا ش جاهل !!! والمراة كيفاش تكون جاهلة!
خيلهامليح تسكني في الريف و صرراحة حنا في الارياف و الحمد الله متفر كل شئ و بزيادة الاولاد ينشؤا صالحين بالعكس في الغرب يبعوا على الدين و المخدرات بعيد الشر
السلام عليكم ..
أنت مخطوبة الآن وحكاية بقاءك في البيت زمنها محدود يعني الحقرة لن تدوم بإذن الله ..فصبرا أما عن أخوك فإنه من الناس الذين يؤمنون بالمظاهر .فهذا قضاء الله واش راح ديري ..خوك ما ينباع وما ينشرى ..كل شيي يفوت ..
لاحل لك معه ..الا وضع اعصابك في الجليد ..
|
المشاركة الأصلية كتبت بواسطة مراد سابقا
اخوك عندو الحق
راح تندي والله الإنسان الجاهل صعيب اختي حتى ولو كان متخلقا قادر اليوم ألأول تنفصلي عليه |
ماذا تقول ؟؟؟
كيف الجاهل صعيب حتى ولو كان متخلق ؟
يعني حسب زعمك المتعلم غير المتخلق أفضل من الجاهل المتخلق ؟؟
من أين لك بهذه ثم ماذا تقصد بالجاهل ..؟ ثم نواصل ..
ربي يكملك بلهنا
اصبري راكي في اصواب راهي ساعة وتفوت
كوني عكس خوك كوني مليحة معاه
ارجل باخلاقه يعيشك ملكة
|
المشاركة الأصلية كتبت بواسطة staifia
كيما يقول بابا الرجل الصالح هو الكنز والذهب تاع المراة
|
ثم والله يا جماعة لم أرى تجارة فيها البركة والربح الوفير في وقتنا هذا مثل الفلاحة
يا صاحبة الموضوع رب يسترك والله فرحني كلامك صح، الحمد لله مازال كاينة بنات فحلات كيفك، والله فرحتيني يا مخلوقة… شوفي ديري النيف أنت وراجلك وإستثمروا في الفلاحة ففيها الرحب الوفير والرزق على الله، راكي فحلة ما يتخافش عليك…
حطي في بالك اخوتك يخممولك في مصلحتك ومايحبولكش الشر او يحبولك الغبينة
لكن
انت اختاريتي زوجك المستقبلي وراضية بيه وبمستواه المادي والدراسي
ماتسمعي بحتى واحد
حياتك وانت حرة
السعادة عمرها ماكانت بالاموال او بالمنصب او بالنفود
المال يوفر لك الراحة ولكن لا يمكن ان يضمن لك السعادة ابدا
وهي قضية وقت فقط باقي شهور معدودة للصيف
اصبري وامرك على الله
الله يوفقك ويكملك على خير
معندوش الحق يحقرو او يتمهزا بيه انت قانعة بيه الله يسهلك انت وياه
لكن تاني ديري في بالك بلي التوافق راهو مطلوب بسكو المعيشة في الريف كيما تقولي مهيش ساهلة
ربي يعاونك اختي ويهدي اخوك
اختي سؤال بسيط واجيبك عليه انت انتي ما هدفك واين تريدين وصول
هدفك ارتباط زواج وذرية صالحة ان شاء الله
اين تريدين وصول كيفاش خواتاتي تزوجو فلغربة اما هدرة خوك فقط عقلك خدعك فمشكلتك بسيطة نوضح اكثر احمدي الله جا مكتوبك
مشكلتك بسيطة وعطلي حاسة سمعك مع خوك
الى رد 2 بعد قليل