السلام عليكم و رحمة الله و بركاته
هدي درتها البارح شفتها في أحد المنتديات يعطيها الصحة لي دارتها
جات بنينة بزاف خويا جامي ياكل الكرمب و البارح كلاه
ناحد حبة كرمب و نحي الاوراق بلا ما نقطعهم نحتاجوهم صحاح
نغسلوهم و من بعد نديرولهم الملح و نفوروهم لازم يقعدو حاكمين رواحهم شوية نحولهم الجزء الخشين لي فالوسط
تم نفرشو بيهم البلا لي راح يدخل للفور
و على جيهة نحضرو الحشو
نديرو بصل مقطع يتقلى مع زيت
نزيدو ثوم
ثم الكفتة و نقلوها مليح
نزيد طماطم مقطعة مكعبات
و نديرولهم قرصة ملح و فلفل
نحوها من فوق النار ونزيدو البيض كيما تحبي و القصبر و نخلطها
تم نفرغ شوية من الخليط فالبلا
ونغطوه باوراق كرمب و نكرر العملية حتي ينتهي الحشو و أوراق الكرمب
على جيهة ندوبو مكعب جومبو في ما سخون مع فلفل و كمون تم نفرخغ قد أربع ملاعق فوق البلا نتاعنا نعصرو فوقو شوية ليمون و نزيد زوج أو ثلاث ملاعق زيت زيتون
و ندخلو للفرن يكون سخون حتى يتحمر
و هدا الشكل النهائي
ادا عجبتكم خلو ردود 
ما شاء الله هاايل وباين بنين
يعطيك الصحة خرجلك روعة
يعطيك الصحة خرجلك روعة
الله يعطيك الصحة رووووووووووووعة
رووووووووعة يعطيك الصحة
روعة اختي بصحته اخوك
يعطيك الصحة على الردود العطرة ان شاء الله تجربوها و تعجبكم
يعطيك الصحة
mmmmm rah yghayer
ممم باين رووووعه
يعطيك الصحة طريقة مختلفة
موالفة نديره حبات صغار و نقليه بالبيض