أول مرة في حياتي نويت ندير قلب اللوز .
وقلت ندير تاع أم رامي أكيدددد يكون مضمون .طبقت قلب اللوز .الذوق كان تحفة ماشبعوش منو .خالي وحدو أكل صينية وحدو أترككم مع الصور
شفتو الصور عجبكم التطبيق أرواحو نحكيلكم على الأخطاء لدرتها وأضحكو بصح بشويا برك
*أنا كتبت مقادير أم رامي وقلت ندير نفس كمية أم رامي .
الأخطاء:
–المفروض ندير ربع كيلة زيت وأنا مانعرف عقلي وين كان أتصوروا درت كيلة كاملة زيت
وبديت نخلط بصح حسيت بلي كاينى غلطة وفقت بلي كثرة الزيت .
–الدشيشة ماعنديش كمية كبيرة بزاف .
–الإرتفاع 1سم أنا بلاك درت 0.5حوالي سم
–المفروض نحط ورقة الزبدة وأنا للأسف مالقتوش يتباع .
–وكاينة صينية خليتها تحرقت شويا برك من فوق .
الحلول :
–بما أنني درت كيلة زيت فإضطررت نضاعف كمية السكر والدشيشة إلى3مرات .
–درت الدشيشة لفي الدار كامل +السكر لفي دار كامل كملتو في الشاربات لأن الكمية كبيرة تضاعف 3مرات .
–إستعملت ورق الألمنيوم ولصق شويا بصح معليش .
المهم هذا جزء صغير من المشاكل لواجهتني بصح كنت قدها وقدود وخليتها شويا على الدار ههههههه.وقريب وليت نبيع قلب اللوز في الحي .
المهم الذوق جاء رائع وسلامات
والخطرة الجاية نعاودو وما نديرش أخطاء
والأهم عجبهم كامل رغم الأخطاء
الشكر الخالص لك أستاذة: أم رامي
وأسمحيلي على الأخطاء هه
يعطيك الصحة جاك روعة المهم البنة و الحاجة الي تعمليها في الدار اضمن و تفرع العايلة و بما انك اول مرة تعمليه ….. اختي تحية ليك و بصحتكم المرة الجاية اعمليلي سنيوةكيما خالك اوكي
ربي يحفظك و من الجسن الى الاحسن
هههههههههههههههههه عجبني السرد المشوق قبل منكمل نقرا كلامك علبالي بيك قدها وقدود قلت اكيد راح تلقى اللح راكي بنت ام ماجد منخافوش عليك ممممم تهبل سخفتيني نتي درتي درتي بزايد اعطيني اك الصنيوة الصغيرة ناكلها ان وبناتي
زوزتي يعطيك الف صحة
يعجبني بزاف وعمره مخسرلي انتي راكي تتعلمي وراكي شطوووورة وااااصلي نحب بزاف البنات الشطرات ربي يبرك فيكي وسلاامي لماما
ماشاء الله ماشاء الله
صحيتي فحلوتة
و راني حبيت نقلك بللي السفنج نتاعك راه دار سوكسي كبير واصلي
شكرا لاستاذتنا ام رامي ,,,,,,,,,,,,,,,,روزا راني ديت حبة اممممممممممممممممم
روزيتا حنونة الانسان من الأخطاء يتعلم وأكل فسدنا باه تعلمنا حنونة
كون غير جيت حذاكم راكي بعتيلي شوي قلب اللوز ههههههههههه
تطبيق موفق هايل
شفتي بنتو شحال هايلة تعبق بالمازهر
شكرا للاستاذة ام رامي رزقها الله الفردوس
و سلامي لام ماجد صح ماماك
|
المشاركة الأصلية كتبت بواسطة ام مريم اسراء
 يعطيك الصحة جاك روعة المهم البنة و الحاجة الي تعمليها في الدار اضمن و تفرع العايلة و بما انك اول مرة تعمليه ….. اختي تحية ليك و بصحتكم المرة الجاية اعمليلي سنيوةكيما خالك اوكي
ربي يحفظك و من الجسن الى الاحسن |
انت الاروع 
شكرا منورتني
ميشي خسارة فيك
ماشاء الله بنتي وتزيدي تقلي درت اخطاء كيدرتيه راكي فور الله يبارك فيك هكى تتهناو من تاع برى بصحتكم سلميلي على يماك حنونة
ممممممممممممممممممممممم
يعطيك الصحة انت وام رامي ولو لا الاخطاء ما تعلمنا المهم ما تعاوديش توقعي في نفس الخطأ ومهم الانسان يتعلم من اخطاؤو
ما ضحكتش عليك بالعكس عجبتيني لقيتي الحلول ونجحلك في الاخر وعجب الاسرة
بصحتكم
في البداية حبيبتي روزا نحيي والدتك الكريمة صاحبة القلب الواسع و الكبير
لأنه مايش أي أم ترضى تدخل ابنتها للمطبخ باه تدير تجاربها و البدايات دائما محفوفة بالخسائر.
ثانيا نهنيك و نشجعك و نقولك ربي يوفقك و يوفقنا رانا كامل نتعلمو
أختي روزااااااااااا المطبخ عمره ما يعطلك على دراستك ، بالعكس في وقت الراحة بدل متابعة مسلسلات لا معنى لها
حاولي تديري وصفات رايحة تضربي عصفورين منها تتعلمي و منها راكي قضيت فترة راحة بين الدراسة .
..
يعطيك الصحة