السلام عليكن كما سبق وان وعدتكن كيفية تحضير قصعة الحاج فوعد الحر دين عليه
على بركة الله
نحتاجو
15- 20 كيلو لحم
22 كيلو كسكس
5 كيلو زبدة
3كيلو زبيب- 3 كيلو تمر – كيلو تمر معجون – جلجلان – كياو ورطل كوكاو مرحي – مشمش مجفف-لوز – كركاع – عسل – زبدة
دراجي- عجينة اللوز
طبعا اللحم نطيبوه عادي مرق كسكس لكن نحتاجو المرق صافي بدون خضر وحمص
والكسكس يفور المرة الاولو ويتعاود بالماء والزيت والتفويرة الثانية ندهنوه بالزبدة ونخلطو معاه الزبيب الفاير
اولا كرات التمر المجون
نفورو التمر + جلجلان مقلي +شوية قرفة+ عسل وزبدة دايبة
ونشكلوها بطابع المعمول الصور توضح
ثانيا التمر المحشي
الحشوة / كوكاو مطحون رقيق + حلوة الترك ونخلطوه بالعسل والزبدة الصور توضح
ثالثا الوريدات نفس حشوة التمر ونطبعها بوردة ونحط وسطها حبة حلوى حمراء او صفراء
رابعا ورود المشمش
نفورو المشمش ونقصوه بهدا الشكل ونصنع وريقات بعجينة اللوز
خامسا اعواد التمر والبيض
بقايا المشمش ثم بيضة ثم مشمش ثم تمرة واعواد اخرى بالتمر فقط
الديكور كلو جاهز والصور توضح طريقة التزيين
نغلفو القصعة بالالمينيوم باش الكسكس يبقى سخون
ا
القصعة جاهزة
وترفق بالبن واخدنا ايضا العسل والماء المعدني ولان الجار غالي علينا اخدنا حتى الاواني
وكيما قلتلكم الحاج اول من ياكل منها ولهدا جهزنا ليه صنية خاصة مزينة ملعقة وكاس بشرائط الستان
واخر حاجة قسمنا القصعة في صحون بهدا الشكل نتمنى اني افدتكن وعقبال عندكم اجمعين
للامانة هاد القصعة تحضير الكسكس من يد الوالدة وخالتي اما الديكور انا واخواتي
تحياتي
واااااااااااااو جفنة وعليها الكلام يعطيك الصحة يا الوهرانية جعلها الله في ميزان حسناتكم
ربي يخليلك الوالدة ويحفظهالك ويجعلها تاج فوق رؤوسكم
حنا عندنا نهار الصبوحي نتاع العروسة أم العروسة تدي جفنة للأهل العريس وتكون مزوقة ومشبحة كل واحد ومقدورو
كم هي جميلة ورائعة تقاليدنا إن شاء الله نحافضو عليها باش متندثرش وتزول
تبارك الله عليك الله يحفظك خدمة متقونة وتبغي الصبر
الله يبارك تقاليد رائعة جدا
حج مبرور وذنب مغفور
الهي ما تحرم حتى مومن من زيارتها
روعة ماشاء الله
والله غير مليح كي راكم محافظين على العادات حاجة مليحة
|
المشاركة الأصلية كتبت بواسطة الصوامعية
 واااااااااااااو جفنة وعليها الكلام يعطيك الصحة يا الوهرانية جعلها الله في ميزان حسناتكم
ربي يخليلك الوالدة ويحفظهالك ويجعلها تاج فوق رؤوسكم حنا عندنا نهار الصبوحي نتاع العروسة أم العروسة تدي جفنة للأهل العريس وتكون مزوقة ومشبحة كل واحد ومقدورو كم هي جميلة ورائعة تقاليدنا إن شاء الله نحافضو عليها باش متندثرش وتزول |
شكرا على دعواتك الصادقة حبيبتي وربي يخليلي ردودك الرائعة
|
المشاركة الأصلية كتبت بواسطة مونية ك
روعة ماشاء الله
والله غير مليح كي راكم محافظين على العادات حاجة مليحة |
انتي الاروع شكرا لكي
|
المشاركة الأصلية كتبت بواسطة أم نورين
الهي ما تحرم حتى مومن من زيارتها
|
اللهم امين يارب العالمين
|
المشاركة الأصلية كتبت بواسطة lotus flora
الله يبارك تقاليد رائعة جدا
حج مبرور وذنب مغفور |
ربي يحفظك شكرا ليك
ربي يخليلك الوالدة ويحفظهالك
|
المشاركة الأصلية كتبت بواسطة adrari
تبارك الله عليك الله يحفظك خدمة متقونة وتبغي الصبر
|
الله يبارك في ايامك حبيبتي
|
المشاركة الأصلية كتبت بواسطة الاء الصغيرة
ربي يخليلك الوالدة ويحفظهالك
|
اللهم امين ربي يخليك
الله يعطيكم الصحة و العافية ربي يخليلك الوالدة
شكراااااااااااااااااااااااااااااااااااااااااااا