السلام عليكم
هدا الفاطو بريزونتابل ويصلح للاعراس
المقادير
كيلو فرينة
125 غ زبدة دايبة وباردة
ملح
ماء ومازهر للم العجين
نبسس العجين ونحي منو شوية نضيفلهم كاكاوو ونعجنها مليح
الباقي نضيفبو ملون ابيض ونععجن العجين مليح ونخليه يرتاح
الحشو
لي متوفر عندك وحسب امكانياتك
لوز اكوكاو او خليط مكسرات
ديري 3كيلات مكسرات مع كيلة ناقصة شوية سكر مع رشة قرفة يمكن الاستغناء عنها
ورشي بالماء زهر حتى تتحصلي على خليط متماسك تقدري ديريه حربوش
جيبي قطاعة مربعة طول ضلعها 7 سم
هده هي الطريقة لقاطو يشبهلوا من دورة الحلويات
انا هنا درت شريط واحد
انتم ديرو 2 لي تحت اسود ولي فوقه ابيض
في هده المرحلة غطسوا الجوزة في بياض البيض وحطوها في الوسط
رققي العجينة السوداء في الرقم ماقبل الاخير
والبيضاء تاني
حطي لعجينة البنية وادهنيها ببياض البيض وحطي فوقها العجينة البيضاء
وقطعي بالقطعة مربع حطي حربوش في الوسطوالوي العجينة للنص من بعد نشكل شكل التاج ونلصق ببياض البيض
ندهن حبة الجوزببياض البيض ونحطها
نخلي الحلوى تنشف حتى ساعتين ونطيبها على هادية من بعد نعسلها
والا ديروها بالرشتة كما هنا ولما تطيب ترشوا الحبيبات الفضية
الله الله عليك يا ام كوثر وعلى ابداعاتك
الله يخليك مبدعة ربي يخليلك كوثر
شكرااااااااااااااااااا اكثر من رائع
ربي يحفظك و اخليلك هدوك الايدين فعلا دائما تتحفينا بابداعاتتك و جديدك بوركتي غاليتي
الله يبارك ماشاء الله عليك يا ام كوثر مبدعة ربي يسلم هاذوك اليدين
الله يبارك جاتك هايلة
شكرا لكي ام كوثر
بارك الله فيك
روعة انت فنانة ربي يعطيك الصحة الحاجة لي حبيتها كيفاش شكلتي القاطو دائري ابيضو اسود و شكرا
قاتو هايل اختي انا حابة قاطو صابلي مي مودال جديد اذا عندك انفعيني بيه
الله يبارك اختي ام كوثر دائما متالقة
سلام عليكم اختي ام كوثر والله طيابك وحلويات روعة يعطيك الصحة واذا امكن تصوريلنا خطوات القاطو هذا ربي اخليك وجزاك الله خيرا
الله يبااااااااااااك
شكرا ام كوثر وصفاتك رائعة يعطيك الصحة