السلام عليكم اخواتي
صحبتي عطاتلي وصفة نتاع قاطو و انا درتو و جا هايل
5 بيضات كاملين
1 كاس زيت
1 كاس سكر عادي
فاني
1 خميرة
نشا و قليل من الفرينة
قرصة ملح اكيييد
التزيين : نواد كوكو و مربى المشمش
طريقة تانية للتزيين : نواد كوكو و كاكاو و سكر مرحي و مربى
التحضير : اختي خلطي البيض + الزيت+السكر +فاتي + قرصة ملح
و من بعد النشا ( من الافضل اشري اللي بالميزان باكي تستقاملك ارخص من اللي فالعلب )+ خميرة
و في الاخير شوية فرينة حوالي فنجان .
شكلي كويرات صغيرة و دخليهم للفور 10 دقايق 180 درجة
و كي يطيبو اغطسيهم في المربى و من بعد نواد كوكو .
الطريقة الثانية : اقلي نواد كوكو على نار هادية جدا ثم زيدي كاكاو و سكر قلاسي (نفس الكمية) و طبعا على حساب كمية النواد كوكو رايح يولي لونو بني .
نفس الشي اغطسي حبات القاطو في المربى ثم في النوادكوكو البني .
صدقوني جربوه و ان شاء الله رايح يعجبكم .
ملاحظة : هاد المقدار يديرلك من 70 الى 80 حبة غلى حسب حجم الحبات . افضل لاول تجربة استعمال نصف المقدار .
يعطيك الصحة
قاطو النشا ديما هشوش وبنين
بارك الله فيك
يعطيك الصحة شعال بالتقريب كمية النشا لدرتيه
يعتيك الصحة لكن كم مقدار النشاء
يعطيك الصحة
يعطيك الصحة اختي وبربي غدوة انجربها بصح قوليلي قد واه اندير نشاء راني مجنونة تاع كاطووووو الى نسمعها انجربها
مشكوووووووووووووووووووووووورة
يعطيك الصحة و رح نجربو ان شاء الله
مشكوووووووووووووووووووووورة على الوصفة
الله يسلمك ويبارك فيك
السلام عليكم
اخواتي شكرا على الرد
بالنسبة للنشا . تضيفي النشا حتان تتلايم لعجينة تقريبا 500 غ
انا كيما قتلكم شريت نتاع الميزان شريت حق 100 دج .
و الفنجال نتاع الفرينة اللي تضيفيه فقط باكي تشيحي بيه
و مرة ثانية شكرا على ردودكم لان هاذي اول مشاركة ليا
بارك الله فيكم
يعتيك الصحة
يعطيك الصحة
يعطيك الصحة.jazaki allahi khir