هذه بعض الحلويات الي حضرتها في العيد و ان شاء الله غذا انزل باقي الصور
ان شاء الله تعجبكم
التشاراك
النصف عملته باقلاساج و النصف بالسكر كلاصي
حلوة بالسيرو
العرايش
لي باركات
نفس العجينة درت بيها القنيدلات
تارتيلات
تحياتي
قاطواتك هايلين ما شاء الله بصحتكم و صح عيدكم ننتظر المزيد واصلي و يعطيك الصحة
ما شاء الله الله يبارك
ماشاء الله عليك كامل هايلين
الله يبارك يعطيك الصحة
صح عيدك
من فضلك وصفة قاطو السيرو اول مرة نسمع به
ما شاء الله حلوياتك جميلة الألوان وتبدو شهية يعطيك الصحة وتقبل الله منا ومنكم
الله يبارك فعلا اختي رماضنة قاطو السيرو من فضلك الوصفة باين مليح شفت مرة قاطو يشبهلو لونو اصفر وفيه ريحة القارص واعطيني وصفة لعرايش لاني حابة نديرهم
ماشاء الله كامل هايلين يعطيك العافية
عيدك مبروك وكل عام وإنتي بخير
تحياااااااااااااااااااااااااااااااااتي
ما شاء الله الله يبارك
السلام عليكم
شكرا لكم
y3tik saha haylin
|
المشاركة الأصلية كتبت بواسطة remadna
 الله يبارك يعطيك الصحة
صح عيدك من فضلك وصفة قاطو السيرو اول مرة نسمع به |
——————-
هذه الحلوة سهله و غير مكلفة اضافة الى مذاقها اللذيذ 
500غ زبدة
3بيض
خميرة كيميائية
1لافاني
فرينة
الحشو
حلوة الحلقوم أو كوكاو محمص و مقلي مطحون مع قليل من السكر و ماء الزهر
التزيين سكر عادي
سيرو بنكهة الرمان
الطريقة
نضع الزبدة+ البيض و نخلط جيدا
نضيف الفانيليا + الخميرة + الفرينة و نخلط حتى نحصل على عجينة طرية سهلة الاستعمال نكور كويرات صغيرةنحشيها بحلوة الحلقوم
ثم نكورها جيدا
ملاحظة : اذا كانت حلوة الحلقوم كبيرة نقسمها على اربعة لان عندما نضع الحلوة في الفرن تدوب الحلقومة و تخرج من الحلوة و تنحرق
نضعها في صينية و ندخلها الفرن
عند اخراج الحلوة نضعها في السيرو يكون ساخن ثم نقطرها و نمررها في السكر في في صحون ورقية
انصحكم بتجريب هذه الحلوة طعمها لذيد لاحتوائها على سيرو الرمان
|
المشاركة الأصلية كتبت بواسطة ou ss ama
الله يبارك فعلا اختي رماضنة قاطو السيرو من فضلك الوصفة باين مليح شفت مرة قاطو يشبهلو لونو اصفر وفيه ريحة القارص واعطيني وصفة لعرايش لاني حابة نديرهم
|
———————
مرسي حبيبة
راني وضعت لاروسات تاع حلوة بالسيرو
تفضلي لاروسات تاع العرايش و قادرة تخدمي بيهم التشاراك
بسم الله
المقادير :
كيلة دهان -1/2 كيلة حليب -1/2كيلة زيت -قرصة ملح -فرينة +1/2 كاس ماء الورد
الحشو :
رطل كوكاو – كاس سكر رطب – 2 مغارف دهان دايب – مغرف قرفة – ماء الورد
الطريقة
نبدأ بالعقدة :
نضع الكوكاو المرحي + السكر الرطب + القرفة نخلط الكل ثم نضيف الزبدة الذائبة نخلط جيدا ثم نضع ماء الورد
الآن نحضر العجينة
نضع الزبدة الذائبة +الزيت + الحليب +ماء الورد + قرصة ملح نخلط الكل ثم نضيف الفرينة و نخلط بالملعقة الخشبية ثم باليد حتى نحصل على عجينة تكون طرية على طاولة العمل نحل العجينة و نقطع بواسطة كأس دوائر ثم نشكل مثلث من العقدة و نضعه على كل دائرة ثم نشكل حبة العرايش
نضع الحلوة في صينية الفرن و ندخلها للفرن درجة حرارته متوسطة عندما تنضج ننزعها و نتركها تبرد
نغطس حبات العرايش في الفوندون الدائب لونيه على حسب دوقك (انا صنعت الفوندون سكر قلاصي + ماء المهم ما تكتريش الماء ضعي بالملعقة و لا كان يابس زيدي الما حتى تحصلي على فوندون يشبه القلاساج ) ولا حبيتي ديري القلاساج العادي ثم نضعه في صينية بها ورق الالمنيوم لكي تجف
نصنع ورود من عجينة اللوز و نزين بها ثم نزين بالملمع الغذائي
وصفة العرايش هاته مختلفة و تجي طرية و بنينة .
بارك الله فيك على الوصفة
ساهلة و اقتصادية و فكرة جديدة لي تاع السيرو
السيرو يكون مخفف بالماء؟